Connect with us

පුවත්

ඩිජිටල් ආර්ථිකයකයක් වෙනුවෙන්  DIGIECON ගෝලීය ආයෝජන සමුළුව

Published

on

ජනාධිපති රනිල් වික්‍රමසිංහ මහතාගේ මඟපෙන්වීම මත ක්‍රියාත්මක DIGIECON-2023 ව්‍යාපෘතියට සමගාමීව පවත්වනු ලබන DIGIECON ගෝලීය ආයෝජන සමුළුව – 2024 (DIGIECON Global Investment Summit) මෙරට තොරතුරු තාක්ෂණ ක්ෂේත්‍රයේ නිරතව සිටින තරුණ තරුණියන්ට ඉතා සුවිශේෂී අවස්ථාවක් වන බව තාක්ෂණ රාජ්‍ය අමාත්‍ය කනක හේරත් මහතා පවසයි.

මෙම සමුළුව තුළින් විදෙස් ආයෝජන රැසක් මෙරටට ලබාගත හැකි වනු ඇති බවත්, එමඟින් තොරතුරු තාක්ෂණ ක්ෂේත්‍රය හරහා රටේ ආර්ථිකය ශක්තිමත් කිරීමට ඉහළ දායකත්වයක් ලබා දිය හැකි බවත් රාජ්‍ය අමාත්‍යවරයා සඳහන් කලේය.

තාක්ෂණ රාජ්‍ය අමාත්‍ය කනක හේරත් මහතා මේ බව සඳහන් කර සිටියේ තාක්ෂණ රාජ්‍ය අමාත්‍යාංශය මඟින් ශ්‍රි ලංකාව තුළ ඩිජිටල් ආර්ථිකයක් නිර්මාණය කිරීම සඳහා සිදු කරනු ලබන “DIGIECON 2023” ව්‍යාපෘතිවට සමගාමීව පැවැත්වෙන DIGIECON ගෝලීය ආයෝජන සමුළුව පිළිබඳ මාධ්‍ය දැනුවත් කිරීම සඳහා ජනාධිපති මාධ්‍ය කේන්ද්‍රයේ අද (10) පැවැති ප්‍රවෘත්ති සාකච්ඡාවට එක්වෙමින්.

එහිදී වැඩිදුරටත් අදහස් දැක්වූ රාජ්‍ය අමාත්‍යවරයා මෙසේද සඳහන් කළේය,

“DIGIECON- 2023” ව්‍යාපෘතියට සමගාමීව පැවැත්වෙන DIGIECON ගෝලීය ආයෝජන සමුළුව ජූනි මස 25 වනදා ජනාධිපති රනිල් වික්‍රමසිංහ මහතාගේ ප්‍රධානත්වයෙන් කොළඹ දී පැවැත්වීමට කටයුතු යොදා තිබෙනවා. මේ ආකාරයට ඩිජිටල් ආයෝජන සමුළුවක් පැවැත්වීමෙන් අපේක්ෂා කරන්නේ ශ්‍රී ලංකාව තුළ ඩිජිටල් ආර්ථිකයක් නිර්මාණය කිරීම සඳහා දියත් කර ඇති DIGIECON ව්‍යාපෘතිය තවදුරටත් පුළුල් කිරීමයි. විශේෂයෙන් මේ හරහා තොරතුරු තාක්ෂණ ක්ෂේත්‍රයේ නිරත තරුණ තරුණියන්ට වගේම පාසල් දරුවන්ටත් තම ක්ෂේත්‍රයේ ඉදිරියට යාමට කදිම අවස්ථාවක් උදාවෙනවා.

මෙවර මෙම සමුළුව මඟින් ශ්‍රී ලංකාව ජාත්‍යන්තරයට රැගෙන යාමට අප බලාපොරොත්තු වනවා. ඒ අනුව මෙරට තුළ ආයෝජනය කිරීම සඳහා ජාත්‍යන්තර ප්‍රජාවට අවස්ථාව හිමි වනවා. එම අයෝජන තුළින් අප රටේ සිටින විශේෂ දක්ෂතා සහිත තරුණ තරුණියන් විශේෂ අවස්ථාවක් හිමි වනවා.

ජනාධිපති රනිල් වික්‍රමසිංහ මහතාගේ නායකත්වය තුළින් අද වන විට රටේ ආර්ථිකය ස්ථාවර වෙමින් තිබෙන අතර උද්ධමනය ද පහළ ගොස් තිබෙනවා. ඒ අනුව මෙරට තුළ ආයෝජන සඳහා යහපත් පසුබිමක් නිර්මාණය වී තිබෙන බව පැහැදිලියි. එබැවින් මෙම සමුළුව හරහා විදෙස් ආයෝජන රැසක් ලබාගත හැකි වනු ඇති බවත්, එමඟින් රටේ ආර්ථිකය ශක්තිමත් කිරීමට ද හැකියාව ලැබෙන බවත් අප විශ්වාස කරනවා.

එම මාධ්‍ය හමුවට එක්වෙමින් අදහස් දැක්වූ ශ්‍රී ලංකා තොරතුරු සන්නිවේදන තාක්ෂණ නියෝජිතායතනයේ සහකාර ප්‍රධාන ඩිජිටල් ආර්ථික නිලධාරි සචින්ද්‍ර සමරරත්න මහතා,

මේ ආකාරයේ ජාත්‍යන්තර සමුළුවක් පැවැත්වීමේ අරමුණ අප රටේ ඩිජිටල් ආර්ථිකයක් ඇති කිරීමේ අපේක්ෂාවයි. ඒ වගේම මෙරට තුළ තොරතුරු තාක්ෂණ ක්ෂේත්‍රයේ නියුතු ආයතන 850කට වැඩි ප්‍රමාණයක් ව්‍යාප්ත වී තිබෙනවා. දැනටමත් ඇතැම් තරුණ තරුණියන් තම ආයතන හරහා ජාත්‍යන්තර මට්ටමේ ආයතනවල ආයෝජන ලබාගෙන තිබෙනවා. ලෝකයේ ප්‍රමුඛතම ආයතන සමඟ කටයුතු කරන පිරිස් අප රටේ සිටිනවා. එම තත්ත්වය තවදුරටත් වර්ධනය කළ යුතුයි. තොරතුරු තාක්ෂණ ක්ෂේත්‍රය කියන්නේ විශාල ගෝලීය වෙළඳපොළක් බව කිව යුතුයි. එනිසා එහි වැඩි ආයෝජන ප්‍රමාණයක් මෙරටට කැඳවා ගත යුතුයි. ඒ වෙනුවෙන් විශේෂයෙන් තරුණ ප්‍රජාව දිරිමත් කිරීමද මෙම සමුළුව හරහා අපේක්ෂා කරනවා.

ආයෝජකයින් ආකර්ශනය කර ගත හැකි නව්‍ය ව්‍යාපාර මෙරට තිබෙනවා. ගෝලීය වශයෙන් ආයෝජන අත්පත් කර ගැනීමේ හැකියාවද අපට තිබෙනවා. ඒ සඳහා මෙරට විහිදී තිබෙන තොරතුරු තාක්ෂණ කේෂ්ත්‍රයට අප අඩිතාලමක් දැමිය යුතුයි. මේ සඳහා රාජ්‍ය දායකත්වය ලැබී තිබෙනවා. විශේෂයෙන්ම අමාත්‍යාංශ මට්ටමේ සිට තානාපති කාර්යාල දක්වා ආයතනමෙම කටයුත්ත සඳහා සහයෝගය ලබාදෙමින් සිටිනවා. ඒ වගේම පෞද්ගලික ආයතන රැසක් ද මේ වෙනුවෙන් සහාය ලබාදීම පිළිබඳ සතුටු විය හැකියි.

මෙම අවස්ථාවට තාක්ෂණ අමාත්‍යාංශයේ ලේකම් ආචාර්ය ධර්ම ශ්‍රී කුමාරතුංග, MasterCard ආයතනයේ කළමනාකරු සඳුන් හපුගොඩ (ශ්‍රී ලංකාව සහ මාලදිවයින), FITIS ආයතනයේ සභාපති ඉන්දික ද සොයිසා, SLASSCOM ආයතයේ උප සභාපති නිශාන් මෙන්ඩිස්, BCS ආයතනයේ සභාපති ඇලන්සෝ ඩෝල්, CSSL ආයතයේ සභාපති ආචාර්ය අජන්තා අතුකෝරල ඇතුළු මහත්ම මහත්මීන් පිරිසක් සහභාගී වි සිටියහ.

පුවත්

බොරු මැණික් විකිණීමට ගිය 6ක්  අත්අඩංගුවට

Published

on

By

නිධානයකින් ලබාගත් ලද බවට පවසමින් ව්‍යාජ මැණික්ගල් පෙන්වා මුදල් වංචා කිරීමට තැත්කළ කාන්තාවක් ඇතුළු සැකකරුවන් 06 දෙනෙකු අත්අඩංගුවට ගෙන තිබේ.

ඊයේ (25) දහවල් කාලයේදී කටුගස්තොට පොලීසියට ලද තොරතුරක් මත කටුගස්තොට නගරයේදී එම සැකකරුවන් අත්අඩංගුවට ගෙන ඇත.

අත්අඩංගුවට ගත් සැකකරුවන් අවුරුදු 35 හා 51 අතර වයස්වල පසුවන හෙයියන්තුඩුව, ගාල්ල, හිනිදුම සහ ඇතුල්කෝට්ටේ ප්‍රදේශවල පදිංචිකරුවන් වන අතර සැකකාරිය හබරකඩ ප්‍රදේශයේ පදිංචි 35 හැවිරිදි කාන්තාවකි.

මෙම සැකකරුවන් ව්‍යාජ මැණික්ගල් තැරැවුකරුවන් මාර්ගයෙන් ගැණුම්කරුවෙකු සම්බන්ධකර විකිණීම සඳහා ගාල්ල, නෙළුව ප්‍රදේශයේ සිට කටුගස්තොට ප්‍රදේශයට පැමිණ ඇත.

තරැවුකරුවන් විසින් මෙම මැණික්ගල් ව්‍යාජ මැණික්ගල් බවට අනාවරණය කරගෙන ඒ සම්බන්ධයෙන් කටුගස්තොට පොලීසිය දැනුම්වත් කිරීමෙන් පසු සැකකරුවන් අත්අඩංගුවට ගෙන තිබේ.

සැකකරුවන් හා සැකකාරිය ඊයේ (25) මහනුවර මහෙස්ත්‍රාත් අධිකරණය වෙත ඉදිරිපත් කිරීමෙන් පසු හෙට (27) දක්වා රක්ෂිත බන්ධනාගාර ගත කර ඇති අතර කටුගස්තොට පොලීසිය වැඩිදුර විමර්ශන සිදුකරයි.

Continue Reading

පුවත්

තද සුළං ගැන අනතුරු ඇඟවීමක්

Published

on

By

කාලගුණවිද්‍යා දෙපාර්තමේන්තුව විසින් තද සුළං පිළිබඳ අවවාදාත්මක නිවේදනයක් නිකුත් කර තිබේ.

අද (26) පෙ.ව 10.30ට නිකුත් කරන ලද එම නිවේදනය හෙට (27) පෙ.ව 10.30 තෙක් වලංගුවන බව කාලගුණ විද්‍යා දෙපාර්තමේන්තුව සඳහන් කරයි.

මධ්‍යම කඳුකරයේ බටහිර බෑවුම් ප්‍රදේශවල සහ උතුරු මැද, දකුණු, වයඹ පළාත් සහ ත්‍රිකුණාමලය දිස්ත්‍රික්කය සඳහා මෙම නිවේදනය වලංගුවන බව කාලගුණවිද්‍යා දෙපාර්තමේන්තුව පවසයි.

දිවයින හරහා නිරිතදිග මෝසම් සුළං ප්‍රවාහයේ වැඩිවීම හේතුවෙන්, මධ්‍යම කඳුකරයේ බටහිර බෑවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 50-60ක පමණ තද සුළං ඇතිවිය හැකිය.

දිවයිනේ සෙසු ප්‍රදේශවල විටින් විට හමන පැ.කි.මී 30-40 පමණ තරමක තද සුළං ඇතිවිය හැකි බව කාලගුණ විද්‍යා දෙපාර්මේන්තුව වැඩිදුරටත් නිවේදනය කරයි.

Continue Reading

පුවත්

“ලංකාවේ ලොකුම සන්ධානය අපි හදනවා”

Published

on

By

ඉදිරි මැතිවරණ ඉලක්ක කරමින් ශ්‍රී ලංකාවේ ලොකුම හා ශක්තිමත්ම සන්ධානය ශ්‍රී ලංකා නිදහස් පක්ෂය ප්‍රමුඛ කරගනිමින් ආරම්භ කරන බව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසයි.

පාර්ලිමේන්තුව නියෝජනය කරන පක්ෂ ගණනාවක් මෙන්ම පාර්ලිමේන්තුව නියෝජනය නොකරන පක්ෂ ගණනාවක් දැනටමත් තම සන්ධානයට සහයෝගය පළ කර ඇති බව අමාත්‍යවරයා සඳහන් කරන්නේය.

එමෙන්ම විවිධ පක්ෂ නියෝජනය කරන පාර්ලිමේන්තු මන්ත්‍රීවරු රැසක් අම්බලන්තොට රැලියට ජුනි 8 වැනිදා සහභාගී වීමට නියමිතව ඇතැයි අමාත්‍ය මහින්ද අමරවීර මහතා පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved