Connect with us

පුවත්

නවලෝක අනතුරේ; හැරී, ඉෂාර, ධම්මික හා අශෝක ගන්න පෙරහැරේ

Published

on

මෙරට දේශීය බැංකු පහකින් රුපියල් බිලියන 2.3කට ආසන්න ණය මුදලක් ලබා ගැනීම හේතුවෙන් නවලෝක රෝහල කඩා වැටීමේ අවදානමක පසුවන බව වාර්තා වේ.

එම ණය අනුව නවලෝක රෝහල සිය ණය වාරිකය ලෙස රුපියල් මිලියන 335ක් මාසිකව ගෙවිය යුතු බව ද පැවසේ.

නවලෝක ‌රෝහල හැටන් නැෂනල් බැංකුව, මහජන බැංකුව, ලංකා බැංකුව, DFCC බැංකුව හා කොමර්ෂල් බැංකුවට මෙසේ ණය වී ඇත.

මේ ණය ගෙවා ගැනීමට නොහැකිව යම් අයුරකින් මෙය බිඳ වැටුණොහොත් එය සෞඛ්‍ය ක්ෂේත්‍රයේ ද දැඩි කඩා වැටීමක් සිදු කරනු ඇතැයි සෞඛ්‍ය ක්ෂේත්‍රයේ ප්‍රවීණයෝ කියති.

ඒ නවලෝක රෝහල සතුව ඇඳන් 800ක පමණ විශාල ප්‍රතිකාර කිරීමේ ශක්තියක් ඇති බැවින් එවැනි විශාල ශක්තියක් සහිත වෙනත් පෞද්ගලික රෝහලක් නොමැති නිසාය.

ආසිරි රෝහල් සමූහයටම ඇත්තේ ද ඇඳන් 650කට ආසන්න ප්‍රමාණයක් බව සෞඛ්‍ය ක්ෂ‌ේත්‍ර ආරංචි මාර්ගවලින් වාර්තා වේ.

කෙසේවුවද පසුගිය කාලයේදී හැටන් නැෂනල් බැංකුව විසින් කොළඹ ‌02 නව ලෝක රෝහල පිහිටි ඉඩම වෙන්දේසි කිරීම සඳහා ද නිවේදන නිකුත් කර තිබිණි.

නවලෝක රෝහලේ වැඩි කොටස් අයිතිය ජයන්ත ධර්මදාස මහතා ප්‍රමුඛ පවුල සතු වේ.

එහි කොටස් හිමිකරුවන් හා අධ්‍යක්ෂවරුන්ගේ ලයිස්තුව පහත දැක්වේ.

වත්මන් ණය තත්ත්වයෙන් ගැලවීමට නම් එම රෝහලේ වැඩි කොටස් ප්‍රමාණයක් විකුණා දැමීම හැර වෙත් විකල්පයක් නොවන බව ව්‍යාපාරික ක්ෂේත්‍ර ආරංචි මාර්ගවලින් වාර්තා වේ.

මේ අතර, මෙම රෝහලේ වැඩි කොටස් ප්‍රමාණයක් මිලදී ගැනීම සඳහා ප්‍රකට ව්‍යාපාරිකයන් වන හැරී ජයවර්ධන, ඉෂාර නානයක්කාර, ධම්මික පෙරේරා හා අශෝක පතිරගේ වැඩි උනන්දුවක් දක්වමින් සිටින බවද වාර්තා වේ.

නවලෝක රෝහල ණය ලබාගෙන ඇති බැංකු කිහිපයකම විශාල කොටස් ප්‍රමාණයක් මේ ව්‍යාපාරිකයන් සතුවීම ද නව ලෝක රෝහලට ඉදිරියේදී විශාල අවදානමක් ඇතිවීමට හේතුවනු ඇතැයි ව්‍යාපාරික ක්ෂේත්‍ර ආරංචි මාර්ගවලින් වාර්තා වේ.

ක්‍රීඩා

IPL කිරුළ කොල්කටා නයිට් රයිඩර්ස්ට

Published

on

By

2024 IPL තරගාවලියේ කිරුළ හිමිකරගැනීමට කොල්කටා නයිට් රයිඩර්ස් කණ්ඩායම ඊයේ (26) රාත්‍රියේදී සමත්විය.

ඒ හයිද්‍රාබාද් කණ්ඩායමට එරෙහිව ලකුණු 114ක ජයග්‍රාහී ඉලක්කයක් හඹා යමින් පන්දුවාර 10.3කදී කඩුලු 2ක් පමණක් දැවී එම ඉලක්කය සම්පූර්ණ කරමිනි.

වේගවත් ඉනිමක් ක්‍රීඩා කළ වෙන්කටේෂ් අයියර් පන්දු 26කදී හයේ පහර 3ක් සහ හතරේ පහර 4ක් සමග ලකුණු 52ක් රැස්කරගත්තේය.

පිළිතුරු ඉනිම ආරම්භයේදී ඔහුට අගනා සහායක් ලබාදුන් රමනුල්ලා ගුර්බාස් පන්දු 32කදී හයේ පහර 2ක් සහ හතරේ පහර 5ක් සමග ලකුණු 39ක් රැස්කරගත්තේය.

කොල්කටා නයිට් රයිඩර්ස් පිල‍ේ සම හිමිකරුවන් වන්නේ බොලිවුඩයේ සුපිරි නළු ශාරුක් ඛාන් හා නිළි ජුහී චව්ලාය.

වසර 06කට පසු අයි.පී.එල්. අවසන් මහා තරගයකට සුදුසුකම් ලැබූ සන්රයිසස් හයිද්‍රබාද් කණ්ඩායමට මෙවරත් සිය බලාපොරොත්තු ඉටුකර ගැනීමට නොහැකි විය.

අයි.පී.එල්. ඉතිහාසයටම එක් කිරුළකට හිමිකම් කියන හයිද්‍රබාද් කණ්ඩායම එය දිනාගනු ලැබුවේ 2016 වසරේදීය.

ඔවුන් අවසන් වරට 2018 වසරේ අවසන් මහා තරගයට සුදුසුකම් ලැබූවත්, එවරද ඔවුන්ට චෙන්නායි හමුවේ පරාජයට පත් විය.

කොල්කටා කණ්ඩායම මේ ජයග්‍රහණය ලබා ගත්තේ වසර 10කට පසුවය.

ඔවුන්ද 2021 වසරේදී අවසන් මහා තරගය සුදුසුකම් ලැබූවත්, චෙන්නායි හමුවේ පරාජය වී අනුශූරතාවට පමණක් සීමාවීමට සිදු විය.

ඔවුන් අවසන් වරට අයි.පී.එල්. ශූරයන් ලෙසින් කිරුළු පැළදියේ 2014 වසරේදීය.

හයිද්‍රබාද් කණ්ඩායමේ සම හිමිකාරිනියක් ලෙස කාව්‍ය මාරන් කටයුතු කරනු ලබයි.

Continue Reading

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading
Advertisement

Trending

Copyright © 2023 Sri Lanka Mirror. All Rights Reserved