Connect with us

පුවත්

මහ බැංකු පිරමීඩ නීති හා සෙල්ලම්කරණ මේ අප්පුහාමිලා කවුද?

Published

on

පිරමීඩ ජාවාරමක් බවට මහ බැංකුව නම් කර ඇති මෙරට ලියාපදිංචි Onmax DT යන නමෙන්ම ඔස්ට්‍රේලියාවේ ‌සමාගමක් ඇති බව එහි මුදල් ආයෝජනය කළ ප්‍රසේලි සුරාජ් හා මයුර දිල්ෂාන් යන දෙදෙනා truth with chamuditha යූටියුබ් නාලිකාවට පවසා තිබේ.

ඒ ඔවුන් මෙසේ කියා සිටින්නේ  පිරමීඩාකාර යෝජනා ක්‍රමවල මුදල් ආයෝජනය කිරීම 1988 අංක 30 දරණ බැංකු පනතට අනුව දඩුවම් ලැබිය හැකි වරදක් බවට මහ බැංකුව නිවේදනය කර තිබියදීය.

මේ අතර, මහ බැංකු විමර්ශනයකින් පසුව පිරමීඩ සමාගමක් බවට නිවේදන නිකුත් කර ඇති ලංකාවේ ලියාපදිංචි Onmax DT පුද්ගලික සමාගම ද පිරමීඩ ජාවාරමේ නියුතු සමාගමක් නොවන බව ප්‍රසේලි සුරාජ් හා මයුර දිල්ෂාන් යන දෙදෙනාම කියා සිටී.

ඔවුන් මෙසේ කියා සිටින්න‌ේ මේ සම්බන්ධයෙන් කොළඹ මහාධිකරණයේ නඩුවක් විභාග වෙමින් තිබියදීය.

එසේම අදාළ නඩු විභාගයේදී ඇමෙරිකානු ඩොලර් කෝටි 10කට අධික මුදලක් නීති විරෝධී අන්දමින් පිරමීඩාකාර ගනුදෙනුවල යෙදවූයේ යැයි කියන ‘ඔන්මැක්ස් ඩීටී’ පුද්ගලික සමාගමේ මුදල් තැන්පත් කර ඇති ඇමෙරිකාවේ පිහිටි මූල්‍ය සමාගමක ගිණුම් 08ක් මාස හයකට වහාම අත්හිටුවන ලෙස දන්වමින් කොළඹ ප්‍රධාන මහේස්ත්‍රාත් ප්‍රසන්න අල්විස් මහතා ඇමෙරිකාවේ ‘බයිනෑන්ස් ඩොට්කොම්’ (Binance.com) මූල්‍ය සමාගමේ ප්‍රධාන විධායක නිලධාරිවරයාට ලබාදී ඇති නියෝගය ද අභියෝගයට ලක්කරමිනි.

මේ අතර, මෙරට පිහිටි ‘ඔන්මැක්ස් ඩීටී’ පුද්ගලික සමාගමේ අධ්‍යක්ෂවරුන් සිවු දෙනකු වන සම්පත් සඳරුවන්, කහදව ආරච්චිගේ අතුල ඉන්දික සම්පත්, සාරංග රන්දික ජයතිස්ස සහ ධනංජය ගයාන් යන අයවලුන් ද ඇතුළත් වන අතර, එම පුද්ගලයන් සිවු දෙනා ඇතුළු එම සමාගමේ අධ්‍යක්ෂවරුන් හය දෙනකුගේ විදෙස් ගමන් තහනම් කිරීමේ නියෝගයක් ද අධිකරණයෙන් නිකුත් කර තිබේ.

ලංකාවේ ලියාපදිංචි Onmax DT පුද්ගලික සමාගමේ අධ්‍යක්ෂවරුන් ලෙස හදුනාගත් පුද්ගලයන් ඔස්ට්‍රේලියානු සමාගම ලංකාවට හදුන්වා දුන් අය බව කියන ඔවුන් අදාළ සමාගම දේපල වෙළදාම් සමාගමක් ලෙසත් හදුන්වනු ලබයි.

මයුර දිල්ෂාන් නැමැත්ත‌ා මහ බැංකුව විසින් පිරමීඩාකාර ජාවාරමක් බවට නම් කළ තවත් සමාගමක් වන බෙස්ට් ලයිෆ් හි ද ක්‍රියාකාරියෙකි.

එසේම ඔවුන් පෙන්වා දෙන්නේ Onmax DT තහනම් කර ඇත්තේ මහ බැංකුව කිසිදු සොයා බැලීමකින් තොරව බවයි.

මහ බැංකු අධිපති ආචාර්ය නන්ද ලාල් වීරසිංහ මහතා පිරමීඩ ජාවාරම් සම්බන්ධයෙන් කළ අදහස් දැක්වීමක්

Onmax DT ඔස්ට්‍රේලියානු සමාගම තවමත් සිය ව්‍යාපාර කටයුතු කරන බව ද ඔවුන් වැඩිදුරටත් පවසයි.

ඔවුන් මෙසේ නීතිය අභියෝගයට ලක් කරන්නේ ශ්‍රී ලංකා මහ බැංකුව විසින් පිරමීඩ වර්ගයේ තහනම් යෝජනා ක්‍රම 3කට එරෙහිව අපරාධමය නඩු පැවරීම සඳහා නීතිපතිවරයා වෙත ඉල්ලීමක් ද කර තිබියදීය.

Onmax DT ආයතනයද අපරාධමය නඩු පැවරීම සඳහා නීතිපතිවරයා වෙත ඉල්ලීම් කළ ආයතනවලින් එකකි.

සබැදි පුවත්

ඇමරිකානු මූල්‍ය සමාගමක ගිනුම් 8ක් තහනම් කරන්න උසාවි නියෝගයක්

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved