පුවත්

රට බිත්තර පමා මොකෝ ජනපති වාර්තාවක් ඉල්ලයි; රටින් ගේනාවට වෙට්ලා කචල්

Published

2 years ago

January 31, 2023

editor

බිත්තර ආනයනය කිරීමේ ක්‍රියාවලියට බාධා පමුණවන පුද්ගලයන් සම්බන්ධයෙන් සම්පූර්ණ වාර්තාවක් කැබිනට් මණ්ඩලයට ඉදිරිපත් කරන ලෙස ජනපති රනිල් වික්‍රමසිංහ මහතා විසින් වෙළඳ අමාත්‍ය නලීන් ප්‍රනාන්දු මහතා වෙත උපදෙස් දී තිබේ.

බිත්තර ආනයනය සම්බන්ධයෙන් ඊයේ කැබිනට් මණ්ඩලය තුළ ඇතිවූ සාකච්ඡාවකින් අනතුරුව ජනපතිවරයා මේ බව සඳහන් කර තිබේ.

මෙම වාර්තාව ලබන කැබිනට් මණ්ඩලයට ඉදිරිපත් කරන්නැයිද ජනපතිවරයා මෙහිදී උපදෙස් දී තිබේ.

බිත්තර ආනයනය කිරීමේ ක්‍රියාවලිය අඩපණ කිරිමට ඇතැම් පාර්ශ්ව කටයුතු කරන බවට වෙළඳ අමාත්‍යවරයා ඊයේ රැස්වූ කැබිනට් මණ්ඩලයට දැනුම් දී තිබේ.

මේ අතර, කුකුළු පාලනයේ නිරත ගොවීන්ගේ ගැටලු හඳුනාගෙන ඉතා ඉක්මනින් බිත්තර කර්මාන්තය යථාවත් කිරීමට මැදිහත් නොවී බිත්තර ආනයනය කිරීමට කටයුතු කළහොත් ගොවීන් සමග එකතුවී දැවැන්ත උද්ඝෝෂණයක් කරන බව රජයේ පශු වෛද්‍ය නිලධාරීන්ගේ සංගමයේ සභාපති සිසිර පියසිරි මහතා කියා සිටී.

ඉන්දියාවේ ප්‍රාන්ත කීපයක පැතිර යන කුරුළු උණ හේතුවෙන් සත්ත්ව නිෂ්පාදන හා සෞඛ්‍ය දෙපාර්තමේන්තුව විසින් බිත්තර ආනයනයට ඉඩ නොදුන් නිසා කෝප් කමිටුවේදී දෙපාර්තමේන්තුවේ අධ්‍යක්ෂ ජනරාල්වරියට දේශපාලනඥයන් විරෝධය දැක්වූ බවද රජයේ පශු වෛද්‍ය නිලධාරීන්ගේ සංගමය පවසයි.

මෙම සිද්ධියට සහ කුකුළු පාලනයේ නිරත ගොවීන්ගේ ගැටලු හඳුනා නොගැනීම සම්බන්ධයෙන් රජයේ පශු වෛද්‍ය නිලධාරීන් ඊයේ (30 වැනිදා) අසනීප නිවාඩු දමා විරෝධය දැක්වූහ.

බිත්තර ආනයනය කළොත් දේශීය කර්මාන්තය විනාශ වන බවත්, කර්මාන්තය දියුණු කිරීම සඳහා පශු වෛද්‍යවරුන් ඉදිරිපත් කරන ලද යෝජනා කිසිවක් මෙතෙක් ක්‍රියාත්මක කර නැති බවත් පශු වෛද්‍ය සිසිර පියසිරි මහතා කියා සිටී.

පුවත්

ඉතිහාසයේ මතද්‍රව්‍ය ජාවාරම්කරුවකු ලඟ තිබූ විශාලම මුදල සොයා ගනියි

Published

6 hours ago

January 17, 2025

editor

මෙතෙක් ඉතිහාසයේ, මත්ද්‍රව්‍ය ජාවාරම්කරුවෙකු සතු වූ වැඩිම මුදල ලෙස රුපියල් කෝටි 28ක් සොයාගැනීමට පොලිස් මත්ද්‍රව්‍ය කාර්යාංශය සමත්ව තිබේ.

ජාවාරම්කරු බන්ධනාගාරය තුළ සිට මත්ද්‍රව්‍ය වෙළෙඳාම මෙහෙයවා ඇති බව පොලීසිය පවසයි.

මුදල සොයාගෙන ඇත්තේ කුරුණෑගල ප්‍රදේශයේ නිවසකිනි.

මත්ද්‍රව්‍ය ජාවාරම්කරු බන්ධනාගාරගතව සිටින අතර එහි හිඳිමින් ජාවාරම මෙහෙයවා ඇති බව පොලීසිය පවසයි.

එම සෝදිසියේදී අයිස් මත්ද්‍රව්‍ය ග්‍රෑම් 18ක්, කැබ් රථයක් සහ වෑන් රථයක් ද සිය භාරයට ගත් බව පොලීසිය සඳහන් කරයි.

බන්ධනාගාරගතව සිටින ජාවාරම්කරු මෙම සිද්ධියට අදාළව කුරුණෑගල මහෙස්ත්‍රාත් අධිකරණය වෙත ඉදිරිපත් කෙරුණු අතර ඔහු රඳවාගෙන ප්‍රශ්න කිරීම සඳහා මහෙස්ත්‍රාත්වරයා අවසර ලබාදී තිබේ.

පුවත්

විදුලි බිල අඩුවෙන්නේ මුදල් අමාත්‍යංශයේ උපදෙස් මතයි (Update)

Published

6 hours ago

January 17, 2025

editor

මහජන උපයෝගිතා කොමිසම ඉදිරිපත් කළ විදුලි ගාස්තු සංශෝධනය පිළිබඳ මුදල් අමාත්‍යංශයේ උපදෙස් අනුව ක්‍රියාත්මක වන බව බලශක්ති අමාත්‍යංශය පවසයි.

නිවේදනයක් නිකුත් කරමින් අද (17) පස්වරුවේ එම අමාත්‍යංශය පවසා තිබුණේ උපයෝගිතා කොමිසමේ නිර්දේශ නිල වශයෙන් ලැබීමෙන් පසුව ඒ පිළිබඳව කටයුතු කරන බවයි.

————————————————-

(පෙර පුවත : 2025 ජනවාරි 17 ප.ව. 3:43)

අද මධ්‍යම රාත්‍රියේ සිට විදුලි ගාස්තුව 20%කින් පහළට

ශ්‍රී ලංකා මහජන උපයෝගීතා කොමිෂන් සභාව සියයට 20ක ප්‍රතිශතයකින් විදුලි ගාස්තුව අඩු කිරීමට පියවර ගෙන ඇත.

මේ සඳහා මහජන උපයෝගිතා කොමිසමේ අනුමැතිය ලැබුණු බව ලංකා විදුලිබල මණ්ඩලය පවසයි.

එහිදී ගෘහස්ථ කාණ්ඩය යටතේ 0-30ත් අතර ඒකකයට තිබූ ගණන රුපියල් 6ක් දක්වා පැවැති ගාස්තුව රුපියල් 4ක් දක්වාත්, 31-60ත් අතර තිබූ රුපියල් 9 සිට ගාස්තුව 6 දක්වාත් අඩු කිරීමට පියවර ගෙන තිබේ.

මෙම මිල ගණන් අද (17) මධ්‍යම රාත්‍රියේ සිට ක්‍රියාත්මක වනු ඇත.

පුවත්

චීන – ශ්‍රී ලංකා ද්විපාර්ශ්වික මුදල් හුවමාරු ගිවිසුම දීර්ඝ කරයි

Published

6 hours ago

January 17, 2025

editor

ශ්‍රී ලංකා මහ බැංකුව සහ චීන මහජන බැංකුව අතර 2021 වසරේ දී අත්සන් කිරීමට යෙදුණු ද්විපාර්ශ්වික මුදල් හුවමාරු ගිවිසුම, මුල් ගිවිසුමේ දක්වා ඇති නියමයන් සහ කොන්දේසිවලට යටත්ව තවත් වසර තුනක (03) කාලයක් සඳහා 2024 දෙසැම්බර් මාසයේ දී සාර්ථකව දීර්ඝ කරන ලදී. චීන යුවාන් බිලියන 10ක (ආසන්න වශයෙන් එ.ජ. ඩොලර් බිලියන 1.4ක) මුදල් හුවමාරු පහසුකම තුළින් චීනය සහ ශ්‍රී ලංකාව අතර පවතින මූල්‍ය සහයෝගීතාව නිරූපණය ක‍ෙර‍ෙයි.

ශ්‍රී ලංකා මහ බැංකුවේ අධිපති, ආචාර්ය පි. නන්දලාල් වීරසිංහ මහතා ශ්‍රී ලංකා මහ බැංකුව වෙනුවෙන් ගිවිසුමට අත්සන් තැබූ අතර, චීන මහජන බැංකුව වෙනුවෙන් එහි අධිපති, පැන් ගොන්‍ශ‍ෙන් මහතා ගිවිසුමට අත්සන් තැබීය.