Connect with us

ව්‍යාපාර

විදුලි ත්‍රිරෝද රථ සඳහා බැටරි මාරු කිරීමේ ක්‍රමවේදයක්

Published

on

මෙරට තුළ ධාවනය වන ත්‍රිරෝද රථ මිලියන 1.2 කට අධික සංඛ්‍යාවක් සඳහා පරිසර හිතකාමී හා සහනදායී විසඳුමක් හඳුන්වා දීමට “Lanka e-Mobility Solutions” (Private) Limited (LeMS) පියවර ගෙන තිබේ.

‘e-wheel’ ලෙස නම්කර ඇති, බැටරි මාරු කිරීමේ තාක්ෂණයක් වන මෙය භාවිතා කිරීමට මෙරට ත්‍රිරෝද රථ හිමියන්ට ළඟදීම අවස්ථාව ලැබෙනු ඇත. 

මේ අනුව මින් ඉදිරියට ත්‍රිරෝද රථ හිමියන්ට අධික මුදලක් වැය කරමින් බැටරි මිලදී ගැනීමට හෝ, ඒවායෙහි ආයු කාලය අවසන් වීමේ ගැටලු‍වට මුහුණ දීමට සිදු නොවේ. බැටරි මාරු කිරීමේ තාක්ෂණය යටතේ අලු‍ත් බැටරියක් යෙදීම සඳහා ගතවනුයේ විනාඩි 2 ක් වැනි සුළු කාලයක් පමණි. සාමාන්‍යයෙන් විදුලි බලයෙන් ධාවනය වන වාහනයක වියදම් අධිකම කොටස වන්නේ බැටරියයි. මෙම නව ක්‍රමවේදය යටතේ බැටරිවල මෙන්ම බැටරි මාරු කිරීමේ මධ්‍යස්ථානවල හිමිකාරීත්වය ඛැඵී සමාගම සතු වන නිසා, සාමාන්‍ය ත්‍රිරෝද රථ විදුලි රථ බවට පරිවර්තනය කිරීමේදී ත්‍රිරෝද රථ හිමියන් බැටරි සඳහා මුදල් ගෙවිය යුතු නොවේ. ඔවුන් මුදල් ගෙවිය යුතු වන්නේ ත්‍රිරෝද රථය ධාවනය කරවීම සඳහා අවශ්‍ය වන බලශක්තිය සඳහා පමණි. 

මෙය ශ්‍රී ලංකාව තුළ තිරසාර ප්‍රවාහන ක්ෂේත්‍රයක් ස්ථාපිත කිරීම සඳහා දරන උත්සාහයේ සුවිශේෂී සන්ධිස්ථානයකි. කාබන් විමෝචනය අවම කරමින් වායු දූෂණය පිටුදැකීමේ බරපතළ අවශ්‍යතාව හඳුනාගෙන මෙම නව විසඳුම හඳුන්වා දීමට LeMS නිර්මාතෘවරුන් පියවර ගෙන තිබේ. 

“ශ්‍රී ලංකාවේ ත්‍රිරෝද රථ මිලියන 1.2 ක් පමණ තිබෙනවා. ඒවා දිනකට පෙට්‍රල් ලීටර මිලියන 5.5 ක් තරම් විශාල ප්‍රමාණයක් දහනය කරනවා. මෙම තත්ත්වය පාලනය කිරීමට ‘e-wheel’ සංකල්පය අතිශයින් වැදගත් වේවි. තම පවුල්වල ප්‍රධාන ආදායම් උපයන්නන් වන මෙම ත්‍රිරෝද රථ හිමියන්ට, රු. 450,000/- ක් වැනි මුදලක් ආයෝජනය කිරීම මගින් මසකට රු. 20,000/- කට ආසන්න මුදලක් ඉතිරි කරගැනීමට පුළුවන්. මින් ඔවුන්ටත් රටටත් වාසි රැසක් ලැබෙනවා. විශේෂයෙන්ම ඉන්ධන, ලිහිසි තෙල් සහ අමතර කොටස් ආනයනය සඳහා වැය වන විශාල මුදලක් මෙමගින් ඉතිරි කරගැනීමට පුළුවන්.” LeMS කළමනාකාර අධ්‍යක්ෂ චමින්ද රාජපක්ෂ මහතා පැවසී ය. 

2020 වසරේදී සංකල්පීය මට්ටමින් ආරම්භ වූ ඛැඵී සමාගම පසුගිය වසර දෙකක කාලය තුළ Island Climate Initiative (ICI) හි සහයෝගය සමගින් වැඩිදියුණු කරන ලදී. ICI මෙරට තුළ චක්‍රීය ආර්ථිකය, සුහුරු කෘෂිකර්මාන්තය සහ පිරිසිදු බලශක්ති ව්‍යාපෘති සඳහා ආයෝජන පහසුකම් සපයන අතර, නවීනතම විදුලි තාක්ෂණය සමගින් ශ්‍රී ලංකාවේ ප්‍රවාහන කර්මාන්තයේ විප්ලවීය වෙනසක් ඇතිකිරීමට කැපවී සිටී.

“මෙහිදී අප කරන්නේ පෙට්‍රල් ත්‍රිරෝද රථවල එන්ජිම ඉවත් කර අලු‍ත්ම විදුලි මෝටරයක් යෙදීමයි. පැය දෙකක කාලයක් ඇතුළත මේ ක්‍රියාවලිය සම්පූර්ණ කිරීමට පුළුවන්. ඉන් අනතුරුව එම රථවලට අපගේ බැටරි මාරු කිරීමේ සේවාව භාවිතා කළ හැකියි. බැටරි මාරු කිරීමේ මධ්‍යස්ථාන කොළඹ හා තදාසන්න ප්‍රදේශවල පිහිටුවා තිබෙනවා, ඉදිරියේදී ඒවා ගාල්ල සහ මහනුවර ප්‍රදේශවලත් ස්ථාපිත කිරීමට නියමිතයි. විදුලියට හැරවූ පසු මෙම රථවල තෙල් මාරු කිරීම හෝ ඒවා සර්විස් කිරීම අවශ්‍ය වන්නේ නැහැ. ශ්‍රී ලංකාවේ ඒක-පුද්ගල ත්‍රිරෝද රථ භාවිතය, ත්‍රිරෝද රථ උපන් ඉන්දියාවටත් වඩා ඉහළයි. මෙරට ඇති ත්‍රිරෝද රථ හැකිතාක් විදුලි බලයට පරිවර්තනය කිරීම අපගේ ඉලක්කය වී තිබෙනවා.” LeMS සමාගමේ සම-නිර්මාතෘ සහ අධ්‍යක්ෂ ශිරේන්ද්‍ර ලෝරන්ස් මහතා පැවසීය. 

“මේ පෙරළිකාරී හා පුරෝගාමී e-Wheel විප්ලවයේ එකම මූල්‍ය හා ලීසිං සහකරු බවට පත්වීමට හැකි වීම අපට මහත් සතුටක්. මෙය හුදෙක් තාක්ෂණයේ ඉදිරි පියවරක් පමණක් නොව, අපගේ පාරිසරික, සමාජයීය හා ආයතනික පාලන මූලධර්මවලට සමගාමී වන පියවරක්ද වනවා. එමෙන්ම එය අපගේ තිරසාරත්ව සැලසුම්වල අතිශය වැදගත් සන්ධිස්ථානයක් ලෙසත් හැඳින්විය හැකියි.” Peoples Leasing & Finance PLC හි ප්‍රධාන විධායක නිලධාරී ෂමින්ද්‍ර මර්සිලීන් මහතා පැවසීය. 

“Lanka e-Mobility Solutions” (LeMS) සමාගමට ‘e-wheel’ බැටරි හුවමාරු තාක්ෂණය හඳුන්වා දීමට අත්වැලක් වීම මගින්, මෙරට ප්‍රවාහන ක්ෂේත්‍රය වඩාත් පරිසර හිතකාමී හා තිරසාර ක්ෂේත්‍රයක් බවට පත්කිරීමට දායක වීමට අපට හැකියාව ලැබෙනවා. මෙම ව්‍යාපෘතිය කාබන් විමෝචනය අවම කිරීම සහ වායු දූෂණය පිටුදැකීම අරමුණු කරගත් අපගේ පුළුල් තිරසාර වැඩසටහන්වල වැදගත් අංගයක්. 

‘e-wheel’ ක්‍රමවේදය යනු සහනදායී ගාස්තු යටතේ ලබාගත හැකි විසඳුමක් නිසා, ත්‍රිරෝද රථ හිමියන් බොහෝ දෙනෙකු මෙය භාවිතා කිරීමට පෙළඹෙනු ඇති බවට සැකයක් නැහැ.” ශමීන්ද්‍ර මර්සිලීන් මහතා වැඩිදුරටත් පැවසීය.

ව්‍යාපාර

ඉන්දියාවේ ගූගල් ෆෝන් හා ඩ්‍රෝන් හදන්න යයි

Published

on

By

ගූගල් සමාගම විසින් සිය පික්සල් ස්මාර්ට්ෆෝන් උපාංග ඉන්දියාවේ නිෂ්පාදනය කිරීමට පියවර ගන්නා සිටින බව බීබීසී ලෝක සේවය වාර්තා කරයි.

මේ සඳහා තමිල්නාඩු ප්‍රාන්තයේ දැනටත් පවතින ෆොක්ස්කොන් කර්මාන්ත ශාලාව යොදාගැනීමට නියමිත බව එහි දැක්වේ.

මීට අමතරව, ගූගල් සමාගම විසින් ස්වාධීනව තමිල්නාඩුවේ ඩ්‍රෝන නිෂ්පාදනය කිරීමට ද නියමිත බව බීබීසීය වැඩිදුරටත් සඳහන් කරයි.

Continue Reading

ව්‍යාපාර

ලබන මාසයේ මාළු මිල ඉහල යන ලකුණු

Published

on

By

ලබන මාසය වන විට මාලු මිල ඉහළ යනු ඇති බව පෑලියගොඩ මධ්‍යම වෙළෙඳ සංකීර්ණයේ ව්‍යාපාරික සංගමය පවසනවා.

එම සංගමය පෙන්වා දෙන්නේ පවතින අයහපත් කාලගුණික තත්ත්වය මත ධීවරයින් මුහුදු නොයෑම නිසා මෙම තත්ත්වය ඇති විය හැකි බවයි.

පවතින අයහපත් කාලගුණික තත්වය හේතුවෙන් නැවත දැනුම් දෙනතුරු බහුදින ධීවර යාත්‍රා ඇතුළුව සියලු ම ධීවර යාත්‍රා රැකියාව සඳහා පිටත්වීමට අවසර ලබා නොදෙන බව ඊයේ (22) දිනයේ රජය විසින් දැනුම් දීමක් නිකුත් කරන ලදී.

Continue Reading

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved