ව්‍යාපාර

ශ්‍රීලංකන් වෙතින් දිනකට කොළඹ – මුම්බායි ගුවන් ගමන් වාර ද්විත්වයක්

Published

2 years ago

December 4, 2023

editor

ශ්‍රීලංකන් ගුවන් සේවය කොළඹ සිට ඉන්දියාවේ මුම්බායි දක්වා දිනකට ගුවන් ගමන් වාර ද්විත්වයක් හඳුන්වා දී තිබේ. මේ අනුව සෑම දිනකම පැය 23:45 ට UL141 සහ පැය 17:10 ට UL143 අංක දරන ගුවන් යානා කොළඹ සිට මුම්බායි දක්වා ද UL142 සහ UL144 අංක දරන ගුවන් යානා මුම්බායි සිට කොළඹ දක්වා ද පිළිවෙලින් පැය 03:10 ට සහ පැය 20:45 ට ක්‍රියාත්මක වේ.

මෙම නව පියවර මගින්, කොළඹ සහ මුම්බායි අතර ගමන් කළ හැකි මගීන් සංඛ්‍යාවේ 50% ක වැඩිවීමක් සිදුවනු අතර මුම්බායි සිට පැමිණෙන මගීන්ට ශ්‍රීලංකන් ගුවන් සේවාවේ ගුවන් ගමන් හරහා කොළඹ සිට සිංගප්පූරුව, ක්වාලාලම්පූර්, බැංකොක්, ලන්ඩන්, ෆ්රැන්ක්ෆර්ට්, පැරිස්, මෙල්බර්න් සහ සිඩ්නි ඇතුළු ඈත පෙරදිග, යුරෝපය සහ ඕස්ට්‍රේලියාවේ ගමනාන්ත වෙත පහසුවෙන් ලඟාවීමට අවස්ථාව හිමි වේ.

“ඉන්දියාවේ සංචාරක වෙළෙඳපොළ ආරම්භයේ සිටම ශ්‍රීලංකන් ගුවන් සේවයට ඉතා වැදගත් වූ අතර, ඉන්දියාව ලෝකයේ විශාලතම සංචාරක සේවා වෙළඳපොළක් ලෙස මතුවෙමින් පවතින මෙවන් මොහොතක, මුම්බායි සහ කොළඹ අතර අපගේ ගුවන් මෙහෙයුම් පුළුල් කිරීමට හැකි වීම පිළිබඳව අපි සතුටු වෙනවා. ඉදිරියේදී ශ්‍රී ලංකාවට පැමිණෙන ඉන්දියානු සංචාරකයන් සඳහා නොමිලේ වීසා ලබා දීම ක්‍රියාත්මක වීම සහ අපගේ ගුවන් මෙහෙයුම් පුළුල් කිරීමත් සමඟ ශ්‍රී ලංකාව වෙත පැමිණීමට සංචාරකයින් දිරිමත් කරනු ඇතැයි අපි බලාපොරොත්තු වෙමු.” ශ්‍රීලංකන් ගුවන් සේවයේ ජාත්‍යන්තර විකුණුම් හා බෙදාහැරීම් ප්‍රධානී දිමුතු තෙන්නකෝන් මහතා පැවසී ය.

ශ්‍රීලංකන් ගුවන් සේවය මේ වනවිට ඉන්දියාවේ දිල්ලි, බැංගලෝර්, හයිද්‍රාබාද්, කොචි, මදුරෙයි සහ ත්‍රිවේන්ද්‍රම් යන නගර වෙතද ගුවන් ගමන් ක්‍රියාත්මක කරයි. මේ ආකාරයට ඉන්දියාව වෙත සතියකට ගුවන් ගමන් වාර 100 කට අධික සංඛ්‍යාවක් ක්‍රියාත්මක කරන ශ්‍රීලංකන් ගුවන් සේවය, එරට තුළ ක්‍රියාත්මක වන ප්‍රධානතම ජාත්‍යන්තර ගුවන් සේවාවක් ලෙස සැලකේ.

මෑතකදී ඉන්දියාවේ බැංගලෝර් හි පැවති දකුණු ආසියානු සංචාරක සම්මාන උළෙලේදී (SATA) ඇගයීමට ලක් වූ අතර එහිදී දකුණු ආසියාවේ ප්‍රමුඛතම ජාත්‍යන්තර ගුවන් සේවය හා ‘ප්‍රමුඛතම ගුවන් සේවා පන්තිය – ව්‍යාපාරික පන්තිය’(Leading Airline Class – Business Class) ඇගයුම හිමිකර ගැනීමටද ශ්‍රීලංකන් ගුවන් සේවයට හැකියාව ලැබිණි. වැඩිදුර තොරතුරු සඳහා සහ ගුවන් ප්‍රවේශපත්‍ර මිලදීගැනීම සඳහා www.srilankan.com වෙත පිවිසෙන්න.

ව්‍යාපාර

විදෙස් දේපොළ ආයෝජනය ගැන අවවාදාත්මක නිවේදනයක්

Published

8 hours ago

June 20, 2025

editor

විදේශයන්හි දේපොළ මිලදී ගැනීම සඳහා සිදුකරන ආයෝජන ප්‍රවර්ධනය කරමින් පළකරන වෙළෙඳ දැන්වීම් සම්බන්ධයෙන් ශ්‍රී ලංකා මහා බැංකුව නිවේදනයක් නිකුත්කර ඇත.

ව්‍යාපාර

කෙසෙල් මිල අඩුවෙලා

Published

15 hours ago

June 20, 2025

editor

තඹුත්තේගම ආර්ථික මධ්‍යස්ථානයේ කෙසෙල් මිල යළිත් විශාල වශයෙන් පහත වැටීම හේතුවෙන් ගොවීහු දැඩි ආර්ථික අපහසුතාවකට මුහුණ දී සිටින බව පවසති.

රාජාංගනය, ගල්නෑව, තලාව, එප්පාවල, තඹුත්තේගම සහ බුල්නෑව යන ප්‍රදේශවල ගොවීන් විසින් ආර්ථික මධ්‍යස්ථානයට ගෙන එන කෙසෙල් සඳහා සාධාරණ මිලක් ලබා ගැනීමට නොහැකි වී ඇති බව ගොවීහු මැසිවිලි නගති.

ව්‍යාපාරිකයන් පෙන්වා දෙන්නේ, වෙළෙඳපොළට විශාල කෙසෙල් අස්වැන්නක් පැමිණීමත්, ගැනුම්කරුවන්ගේ පැමිණීම සීමා වීමත් මිල පහත වැටීමට ප්‍රධාන හේතු බවයි.

වත්මන් කෙසෙල් මිල ගණන්

ඇඹුල් කෙසෙල්: රු. 40–45 (කිලෝවක තොග මිල)
සීනි කෙසෙල්: රු. 45–50 (කිලෝවක තොග මිල)
අළු කෙසෙල්: රු. 50–60 (කිලෝවක තොග මිල)
කෝලිකුට්ටු කෙසෙල්: රු. 180–200 (කිලෝවක තොග මිල)

පුවත්

බිත්තර මිල දැනගන්න අලුත් ක්‍රමයක්

Published

17 hours ago

June 20, 2025

editor

පාරිභෝගිකයන්ට අසාධාරණයක් නොවන පරිදි ලබන සඳුදා (23) සිට බිත්තර මිල තීරණය කර එය දැනුම්දීමට සිය සංගමය කටයුතු යොදා ඇතැයි සමස්ත ලංකා බිත්තර නිෂ්පාදකයන්ගේ සංගමයේ සභාපති ආර්.එම්. සරත් රත්නායක මහතා පවසයි.

ඒ අනුව තීරණය කෙරෙන බිත්තර මිල සතියේ සෑම දිනකම පෙරවරු 5.00 ට සුළු, මධ්‍ය පරිමාණ සහ මහා පරිමාණ බිත්තර නිෂ්පාදකයන්ට, බේකරි හිමියන්ට, බිත්තර යොදාගෙන විවිධ ආහාර ද්‍රව්‍ය නිෂ්පාදනය කරන කර්මාන්තශාලා හිමියන්ට, හෝටල් හිමියන්ට එස්.එම්.එස්. පණිවුඩයක් මගින් නිකුත් කරන බව ඒ මහතා සඳහන් කලේය.

070-7030700 යන දුරකථන අංකය ඔස්සේ බිත්තර තොග මිල, සිල්ලර මිල, අතරමැදියා මිලදී ගන්නා මිල නිකුත් කෙරෙනු ඇත.

පසුගිය කාලයේදී ඇතැමුන් රුපියල් 15 ත් 18 ත් අතර අඩු මිලකට බිත්තර මිලදී ගෙන තොග රැස්කළ බවත්, එවැනි කටයුතුවලට ඉදිරියේදී ඉඩ ලබා නොදෙන බවත් සභාපතිවරයා වැඩිදුරටත් පැවසීය.

ඇතැමුන් බිත්තර සංගම් පිහිටුවාගෙන තිබුණත් ඔවුනට ගොවිපොළක් හෝ නොමැති බවද, ඔවුන්ට බිත්තර නිෂ්පාදනය පිළිබඳව අවබෝධයක් නොමැති බවද හෙතෙම පෙන්වා දුන්නේය.

බිත්තරයක් නිෂ්පාදනය කිරීමට මහා පරිමාණ කුකුළු ගොවිපොළ හිමියෙකුට රුපියල් 28 ක මුදලක්ද, මධ්‍ය පරිමාණ කුකුළු ගොවිපොළ හිමියෙකුට රුපියල් 29 ත් 30 ත් අතර මුදලක්ද, කුඩා පරිමාණ කුකුළු ගොවිපොළ හිමියෙකුට රුපියල් 32 ක මුදලක්ද වැය වන බවද ඔහු මෙහිදී අදහස් ප්‍රකාශ කරමින් පෙන්වා දුන්නේය.