බස්නාහිර, සබරගමුව, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් ප.ව. 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණවිද්‍යා දෙපාර්තමේන්තුව නිවේදනය කරයි.

ඌව පළාතේ සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැක.

සබරගමුව, මධ්‍යම සහ ඌව පළාත්වල ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතිය හැක.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

ලෝක මැලේරියා දිනය අදට (25) යෙදී තිබේ. මැලේරියා රෝගය ලොව පුරා මිනිසාට  ප්‍රබල බලපෑමක් කරන රෝග අතරින් ඉතාම බරපතල පීඩා ගෙන දෙන රෝගයක් ලෙස සැළකේ. ඇස්තමේන්තුගත දත්ත අනුව ලෝකයේ ජනගහනයෙන් මිලියන 212 ක් මැලේරියා රෝගයට ගොඳුරු වී ඇත.

ලෝක සෞඛ්‍ය සංවිධානයේ ඇස්තමේන්තු අනුව 2015 වසරේ ලෝක ජනගහනයෙන් මිලියන 214 කට මැලේරියාව වැළදී ඇති අතර ඉන් සිදු වූ මරණ සංඛ්‍යාව 429,000කි. 

මැලේරියා රෝගීන් බහුතරයක් වාර්තා වන්නේ අප්‍රිකානු කලාපයෙනි. එසේම දකුණු හා නැඟෙනහිර ආසියානු කලපයේ රටවල් 10ක බිලියන 1.4ක ජනගහනයක් මැලේරියාව වැළදීමේ අවදානමක් සහිතව ජීවත් වෙති. 

මෙවර මැලේරියා දිනයේ තේමාව වන්නේ “වඩා සාධාරණ ලෝකයක් සඳහා මැලේරියාවට එරෙහි සටන වේගවත් කිරීම” යි. 

ශ්‍රී ලංකාව මැලේරියා රෝගය තුරන් කළ රටක් වශයෙන් ලෝක සෞඛ්‍ය සංවිධානයෙන් සහතිකය ලත් රටක් වුවත් වර්තමානය වන විට නැවතත් මැලේරියා රෝගීන් වාර්තා වෙමින් පවතී.

ඒ අතර ඊයේ දිනයේ (24) පැවැති මාධ්‍ය හමුවකට එක්වෙමින් මැලේරියා මර්දන ඒකකයේ ප්‍රජා වෛද්‍ය විශේෂඥ පුබුදු චූලසිරි මහතා ප්‍රකාශ කර සිටියේ 2024 වසරේ මේ දක්වා කාලය තුළ මැලේරියා රෝගීන් 09 ක් ද, පසුගිය වසරේ (2023)  රෝගීන් 62 ක් ද මෙරටින් වාර්තා වී ඇති බවයි.

ශ්‍රී ලංකා ක්‍රිකට් කණ්ඩායමේ හිටපු ක්‍රිකට් ක්‍රීඩක කුමාර ධර්මසේන මහතා විසින් පවත්වාගෙන යන “පින්තැන්න ප්ලාන්ටේෂන්” නැමැති වගා ව්‍යාපෘතියට ආයෝජනය කරන ලෙස ජනතාවගෙන් මුදල් තැන්පතු බාරගැනීම සිදු කරනු ලබන්නේ මහ බැංකුවේ බලපත්‍රයක් නොමැතිව බවට මගෙන් රටට සංවිධානයේ සභාපති සංජය මහවත්ත මහතා විසින් මහබැංකු අධිපතිවරයාට ලිඛිත පැමිණිල්ලක් ඉදිරිපත් කර තිබේ.

මෙම ආයතනය විසින් 2011 අංක 42 දරන මුදල් ව්‍යාපාර පනතේ දෙවන වගන්තියේ විධි විධාන උල්ලංඝනය කරමින් ජනතාව නොමග යවා මුදල් තැන්පතු බාරගන්නා බවත්, මුහුණු පොත සහ මුද්‍රිත මාධ්‍ය ඔස්සේ ඒවා ප්‍රචාරණය කරන බවත් බවසමින් මේ පැමිණිල්ල ගොනුකර තිබේ.

මෙම ආයතනය ජනතාවගෙන් මුදල් තැන්පතු බාරගැනීම අඛණ්ඩව සිදු කරගෙන යන බවත්, මෙම ආයතනය සමග ගනුදෙනු කරන ජනතාව ආරක්ෂා කිරීම සඳහා මහ බැංකුව අරඹා තිබෙන විමර්ශන කඩිනම් කරන ලෙසත් අදාළ පැමිණිල්ලේ සඳහන් කර තිබේ.

ධර්මසේනට විදෙස් ගමන් තහනමක් ඉල්ලයි!

මේ අතර කුමාර ධර්මසේම අදාළ ජනතා මුදල් රැගෙන පැනයාමට හැකි බැවින් ඔහුට විරුද්ධව විදේශ ගමන් තහනමක් ගන්නා ලෙසද අදාල පැමිණිල්ල මගින් ඉල්ලා තිබේ.

විශාල පොලී අනුපාතයක් ලබාදෙන බව පවසමින් අගාවුඩ්, වැනිලා, අඹ, තේක්ක ආදී විවිධ ශාක වර්ග වගා කිරීමේ විවිධ ව්‍යාපෘති සඳහා මහජනතාවගෙන් මුදල් ආයෝජන ලබාගැනීම නීති විරෝධී බවත්, එම විවිධ ආයෝජන සමාගම් සම්බන්ධව ශ්‍රී ලංකා මහ බැංකුවේ බැංකු නොවන මූල්‍ය ආයතන අධීක්ෂණ දෙපාර්තමේන්තුව විසින් පුළුල් පරීක්ෂණයක් ආරම්භ කර ඇතැයි මහ බැංකුව පසුගියදා පවත්වන ලද මාධ්‍ය හමුවකදී සඳහන් කළේය.

මහ බැංකුව විසින් භාවිතා කරන අනුපාතවලට විරුද්ධව ගොස් මහජනතාවගෙන් තැන්පතු බාරගැනීම අපරාධමය වරදක් බව මහ බැංකුවේ සහකාර අධිපති කේ.ජී.පී.සිරිකුමාර එහිදී සඳහන් කළේය.

තැන්පතු බාරගැනීමට නීතිමය අවසරය ඇත්තේ ශ්‍රී ලංකා මහ බැංකුවේ අවසරලත් ආයතනවලට පමණක් බවත්, ඒ අනුව බැංකු පනත යටතේ බැංකු ආයතනවලට සහ මුදල් ව්‍යාපාර පනත යටතේ මූල්‍ය ආයතනවලට තැන්පතු බාරගැනීමට අවසරය ඇති බවත්, ඒ හැර වෙනත් ආයතනවලට තැන්පතු බාරගැනීමට අවසරයක් නොමැති බවද සහකාර අධිපතිවරයා මාධ්‍ය හමුවේදී කියා සිටියේය.

හිටපු ක්‍රිකට් ක්‍රීඩකයාගේ මෙම ව්‍යාපෘතිය සම්බන්ධවද තොරතුරු සොයා බලන බව මහ බැංකුව මෙහිදී අනාවරණය කළේය.