අද (12) සිට මුම්බායි-කොළඹ සෘජු ගුවන් ගමන් එකතු කරමින් ඉන්ඩිගෝ ශ්‍රී ලංකාව වෙත ස්වකීය සම්බන්ධතාව පුළුල් කර තිබේ.

ඒ අනුව සතියකට තුන් වතාවක්, එනම් අඟහරුවාදා, බ්‍රහස්පතින්දා සහ සිකුරාදා යන දිනවල ගුවන් ගමන් ක්‍රියාත්මක කරන අතර ඉන්ඩිගෝ, කොළඹ සිට ඉන්දියාවේ ගමනාන්ත තුනකට (චෙන්නායි දිනකට දෙවරක්, බැංගලෝර් දිනකට එක් වරක් සහ හයිද්‍රාබාද් සතියකට දින හයක්) වශයෙන් ක්‍රියාත්මක වේ.

මෙය ගමනාන්ත හතරක් දක්වා ඉහළ දැමීම අපේක්ෂා කරන අතර එමඟින් ශ්‍රී ලංකාව සහ ඉන්දියාව අතර සංචාර, වෙළෙඳ සහ සංචාරක ව්‍යාපාරයේ දියුණුවට ඉමහත් දායකත්වයක් එක්කරනු ඇත.

ඒ අනුව, නව එකතු කිරීමත් සමඟ ඉන්ඩිගෝ ඉන්දියාවේ ප්‍රධාන නගර හතරකින් කොළඹට සතිපතා ගුවන් ගමන් 30 ක් ක්‍රියාත්මක වීමට නියමිතය.

ගුවන්තොටුපළ සහ ගුවන් සේවා (ශ්‍රී ලංකා) (පුද්ගලික) ලිමිටඩ් (AASL) හි සභාපති අතුල ගල්කැටිය මහතා පැවසුවේ, AASL මෑතකදී ඉන්දියාවේ යාපනය සහ චෙන්නායි අතර ගුවන් ගමන් මෙහෙයුම් ආරම්භ කිරීම සඳහා ඉන්ඩිගෝ සමඟ පැවැත්වූ සාකච්ඡා සාර්ථක වූ බවය.

ඒ අනුව , 2024 ජූනි 1 වනදා සිට යාපනය සහ චෙන්නායි අතර සෘජු ගුවන් ගමන් මෙහෙයුම් ආරම්භ කරන බව සභාපතිවරයා විසින් වැඩිදුරටත් දක්වන ලදී.

මෙහිදී දෛනික ගුවන් ගමන් මෙහෙයුම් සිදුවන අතර මෙම සම්බන්ධතාවය උතුරු පළාතේ සංචාර සහ වෙළඳාම ඉහළ නැංවීම සඳහාත් ජාතීන් අතර සංස්කෘතික හා ආගමික බැඳීම් ශක්තිමත් කිරීම සඳහාත් ඉවහල් වනු ඇත.

නීත්‍යානුකූලව තැන්පතු බාර ගැනීමට අවසර ඇත්තේ අවසරය ලත් ආයතනවලට පමණක් බවත්, එම අනපනත් කඩ කරමින් තැන්පතු බාර ගනු ලබනේ නම් එය අපරාධමය වරදක් බව මහ බැංකුවේ සහකාර අධිපති කේ.ජී.පී. සිරිකුමාර මහතා කියා සිටී.

ඔහු මේ බව කියා සිටියේ කොළඹ පැවැති මාධ්‍ය හමුවකදී මාධ්‍යවේදියකු පවර් හෑන්ඩ්ස් ප්ලාන්ටේෂන් පුද්ගලික සමාගම විසින් විවිධ වගාවන් සිදු කිරීමට යැයි කියමින් ඒවායේ ආයෝජනය කරන ලෙසට සමාජ මාධ්‍ය ඔස්සේ සිදු කරනු ලබන විවිධ ප්‍රචාරක ක්‍රම සම්බන්ධයෙන් මාධ්‍යවේදියකු කළ විමසීමකට පිළිතුරු දෙමිනි.

තැන්පතු ලබාගත හැක්කේ ප්‍රධාන වශයෙන්ම බැංකු පනත යටතේ බැංකුවලට සහ මුදල් ව්‍යාපාර පනත යටතේ මූල්‍ය සමාගම්වලට පමණක් බවද එම පනත් මගින් ඒ හැර වෙනත් ආයතනවලට තැන්පතු බාර ගැනීම තහනම් කර ඇතැයි ද ඒ මහතා කියා සිටී.

තැන්පතුවක් ලෙස නොහඳුවමින් සිදු කරනු ලබන ව්‍යාජයන් උදාහරණයක් ලෙස වගා සඳහා ‍ආයෝජනය කිරීමට යැයි පවසමින් ලබා ගන්නා තැන්පතු ද, වත්කම් සඳහා සිදුකරනු ලබන ආයෝජන ලබා ගැනීමද අදාළ පනත යටතේම වරදක් බව ද ඔහු පැවසීය.

පවර් හෑන්ඩ්ස් ප්ලාන්ටේෂන්ස් පුද්ගලික සමාගම සම්බන්ධයෙන්ද මේවන විට තොරතුරු සොයමින් සිටින බවද ඒ මහතා කියා සිටියේය.

මේ අවස්ථාවට මහ බැංකු අධිපති නන්දලාල් වීරසිංහ මහතා ද සහභාගි වී සිටියේය.

මේ අතර, ක්‍රිකට් ක්‍රීඩකයකු විසින් වගාවන් සඳහා ආයෝජනය කරන්නේ නම් 54% ක ප්‍රතිලාභ ලබාදෙන බවට පවසමින් දැන්වීම් දමා ඇතැයිද එම මාධ්‍යවේදියාම කියා සිටියේය. 

ඒ සම්බන්ධයෙන් මහ බැංතුවට පැමිණිලි කරන බවද ඔහු කීය.

මේ අතර, ශ්‍රී ලංකා හිටපු ක්‍රිකට් ක්‍රීඩකයකු වන කුමාර ධර්මසේන මහතා ද වාගවන් සම්බන්ධයෙන් ආයෝජන ලබාගන්නා පින්තැන්න ප්ලාන්ටේෂන් නමින් වගා ව්‍යාපෘතියක් පවත්වා‍ගෙන යනු ලබන බවද හෙළිකර ගැනීමට හැකිවිය.

ශ්‍රී ලංකා මිරර් සිදුකළ සොයා බැලීමකදී හෙළිවූයේ නොම්බර 65/1,මහ බාගේ පාර, ඇල්පිටිවල, රාගම යන ලිපිනයේ පවර් හෑන්ඩ්ස් ප්ලාන්ටේෂන් ප්‍රධාන ශාඛාව ලෙස  පවත්වාගෙන යමින් එහි ශාඛා ලෙස මාතර, ගාල්ල, ඇඹිලිපිටිය, කල්මුණේ, බණ්ඩාරගම, අවිස්සාවේල්ල,ගොඩගම, කුරුණෑගල, මහනුවර, බලංගොඩ, මඩකලපුව, බණ්ඩාරවෙල හා පානදුර යන ප්‍රදේශවලද කාර්යාල පවතින බවයි.

මේ ආයතන සමූහයේ ප්‍රධානියා ලෙස කටයුතු කරනු ලබන්නේ බ්‍රිතාන්‍යයේ නීතිවේදියකු බව කියනා පී.කේ.ඩී.ජේ.පී. කුලසිංහ නැමැත්තෙකි.

එහි අධ්‍යක්ෂවරුන් ලෙස එස්.ජේ.ඩී. ලුඩ්වික් හා එස්. කුලසිංහ යන දෙදෙනා කටයුතු කරනු ලබයි.

සිලෝන් ඩොලර් බොන්ඩ් ෆන්ඩ් එකට (Ceylon Dollar Bond Fund) පුද්ගලික විදේශ මුදල් ගිණුම් (Personal Foreign Currency Account (PFC) සහ ව්‍යාපාරික විදේශ මුදල් ගිනුම් (Business Foreign Currency Account (BFCA) වලින් ඩොලර් යොමු කර ආයෝජන කළ ‍නොහැකි බව ශ්‍රී ලංකා මහ බැංකුවේ විදේශ විනිමය දෙපාර්තමේන්තුවේ ප්‍රකාශකයකු පැවසීය.

මේ සම්බන්ධයෙන් බැංකු දැනුවත් කර ඇතැයි ද ඔහු කියා සිටියේය.

කොළඹ ව්‍යාපාර වස්තු හුවමාරුවේ (Securities and Exchange Commission) ලිංයාපදිංචි වී ඇති සිලෝන් ඇසට් මැනේජ්මන්ට් පුද්ගලික සමාගම (Ceylon Asset Management Co. Ltd) විසින් පවත්වාගෙන යනු ලබන සිලෝන් ඩොලර් බොන්ඩ් ෆන්ඩ් (Ceylon Dollar Bond Fund) සඳහා සමාජ මාධ්‍ය තුළ දැන්වීම් යොදමින් සිදුකරන ප්‍රචාරණය සම්බන්ධයෙන් ශ්‍රී ලංකා මිරර් ශ්‍රී ලංකා මහ බැංකුවේ විදේශ විනිමය දෙපාර්තමේන්තුවෙන් කළ විමසීමකදී මේ බව කියා සිටියේය.

ශ්‍රී ලංකා මහ බැංකුවේ විදේශ විනිමය ආයතන ප්‍රකාශකයා වැඩිදුරටත් කියා සිටියේ ඔවුන්ට මහ බැංකුවෙන් හිමිව ඇති එකම අවසරය වන්නේ ශ්‍රී ලංකා ස්වෛරී බැඳුම්කර මිලදී ගැනීමට ලබාදී ඇති අවසරය බවයි.

ශ්‍රී ලංකා මහ බැංකුවේ විදේශ විනිමය දෙපාර්තමේන්තුව එසේ කියා සිටියද, සිලෝන් ඇසට් මැනේජ්මන්ට් පුද්ගලික සමාගම (Ceylon Asset Management Co. Ltd) සිය වෙබ් අඩවියේ සඳහන් කර ඇත්තේ පුද්ගලික විදේශ මුදල් ගිණුම් (Personal Foreign Currency Account (PFC) වලින් ඩොලර් ආයෝජන සිදු කළ හැකි බවයි.

එසේම, ඔවුන්ගේ සමාජ මාධ්‍ය දැන්වීම් තුළින් එහි ඩොලර් ආයෝජන සඳහා 24%ක පමණ ලාභ අපේක්ෂා හැකි බව ද පෙන්වා දී තිබේ.

මේ අතර, ආර්ථික ප්‍රවීනයන් පෙන්වාදෙන්නේ ඔවුන් මේ මුදල් ආයෝජනය කරනු ලබන්නේ ශ්‍රී ලංකා ස්වෛරී බැඳුම්කර තුළ නම් එවැනි ලාභයක් ලැබීම අපේක්ෂා කිරීම තරමක් ගැටලු සහගත බවයි.

මේ සම්බන්ධයෙන් අප සිලෝන් ඇසට් මැනේජ්මන්ට් පුද්ගලික සමාගම (Ceylon Asset Management Co. Ltd) කළමනාකාර අධ්‍යක්ෂ දුලින්ද්‍ර ප්‍රනාන්දු මහතාගෙන් ද විමසුමක් කළ අතර, ඔහු කෙටි පිළිතුරක් ලබාදෙමින් කියා සිටියේ මහ බැංකුවෙන්  මෙසේ විදෙස් මුදල් සිය ගිනුම්වලට හුවමාරු කිරීමට තම සමාගමට අවසර ලබාදී ඇති බවත්, ඇතැම් බැංකු එසේ මුදල් හුවමාරු කිරීම ප්‍රතික්ෂේප කර ඇති බවට ද තොරතුරු ඇති බවයි.

කෙසේවුවද, වැඩි තොරතුරු සඳහා ඊමේල් පනිවුඩයක් යොමු කරන ලෙසද ඔහු කියා සිටියේය.