Feb 18, 2019

සම්පත් බැංකුවේ මහා වංචාවට ඉහළ නිලධාරීන් සම්බන්ධ බවට තොරතුරු Featured

සම්පත් බැංකුවේ මහා පරිමාණ මූල්‍ය වංචාවට හසු වී සිටින ඇතැම් තැන්පත්කරුවන් එහි කෝටි ගණනින් මුදල් තැන්පත් කර ඇත්තේ එම බැංකුවේ ඉහළම නිලධාරීන්ගේ ඉල්ලීම මත බවට අනාවරණය වී ඇතැයි රහස් පොලිස් ආරංචි මාර්ග සඳහන් කරයි.

HSBC බැංකුවේ ප්‍රිමියර් ගිණුම් හිමිකරුවෙකු වූ ලෝක ප්‍රසිද්ධ ආයුර්වේද වෛද්‍යවරයෙකු වන කැළුම් වීරසිංහ මහතා එහි තිබූ කෝටි ගණනක මුදලක් සම්පත් බැංකුවේ තැන්පත් කර ඇත්තේ එම බැංකුවේ කළමනාකාර අධ්‍යක්ෂ වරයාගේ ඉල්ලීමට බවද මේ වන විට අනාවරණය වී තිබේ.

සම්පත් බැංකුවේ ගිණුම් හිමියන්ගේ අනුදැනුමකින් තොරව රුපියල් කෝටි 7කට අධික මුදලක් විශ්වාසය කඩකර සාවද්‍ය පරිහරණය කරන ලදැයි කියන සිද්ධියට අදාලව කඩුවෙල මහෙස්ත්‍රාත් අධිකරණය වෙත කරුණු වාර්තා කරමින් රහස් පොලිසිය කරන ලද විමර්ශනයේදී මෙම තොරතුරු හෙළිවී තිබේ.

සම්පත් බැංකුවේ ඉහළම නිලධාරීන් පිරිසක් විශාල වශයෙන් මුදල් තැන්පත් කර තිබෙන ගිණුම් හිමියන් සමඟ මිතුරු සම්බන්ධයක් පවත්වමින් මෙම මහා පරිමාණ වංචාව සිදුකර ඇති බව ශ්‍රී ලංකා මිරර් වෙත තොරතුරු ලැබෙමින් පවතින අතර ඒවා සියල්ල ඉදිරියේ දී හෙළිදරව් කිරීමට අප බලාපොරොත්තු වෙමු.

සබැඳි පුවත්

සම්පත් බැංකුවේ සියලු වංචා බැංකු වේලාවෙන් පසුවයි !

සම්පත් බැංකුවේ මූල්‍ය වංචාව ගැන CID යෙන් පුළුල් පරීක්ෂණයක් !

සම්පත් බැංකු වංචාව : බැංකු ලොක්කන්ගෙන් CID ය ප්‍රශ්න කරයි

සම්පත් බැංකුවේ තැන්පත්කරුවන්ගේ මුදල් වංචාවක්

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top