Feb 22, 2021

රුපියල 2021 දී 4.2%කින් පිරිහිලා! Featured

මේ වසරේ (2021) ජනවාරි මුල සිට පෙබරවාරි 11 වැනිදා දක්වා කාලය තුළ ඇමෙරිකානු ඩොලරයට සාපේක්‍ෂව ශ්‍රී ලංකා රුපියල් සියයට 4.2 කින් පිරිහීමට ලක්ව තිබේ.

එසේම මේ කාලයේදී ශ්‍රී ලංකා රුපියල ස්ටර්ලින් පවුමට සාපේක්‍ෂව සියයට 5.4 කින්ද යුරෝ මුදලට සාපේක්‍ෂව සියයට 2.7 කින්ද, ඔස්ට්‍රේලියානු ඩොලරයට සාපේක්‍ෂව සියයට 4.3 කින්ද, ඉන්දියානු රුපියලට සාපේක්‍ෂව සියයට 4.6 කින් සහ ජපන් යෙන් මුදලට සාපේක්‍ෂව සියයට 2.8 කින්ද පිරිහීමට ලක්ව ඇතැයි මහ බැංකුව නිකුත් කළ නවතම වාර්තාවක දැක්වේ.

මේ අතර ගිය වසරේ (2020) දී ඇමෙරිකානු ඩොලරයට සාපේක්‍ෂව ශ්‍රී ලංකා රුපියල සියයට 2.6 කින් පිරිහීමට ලක්වූ බවද එම වාර්තාවේ තවදුරටත් දැක්වේ.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top