Connect with us

කලා

එමී සම්මාන උළෙල කල් යයි

Published

on

ඇමෙරිකානු රූපවාහිනි ක්ෂේත්‍රයේ ප්‍රධානතම සම්මාන උළෙලක් වන එමී සම්මාන උළෙල කල්දමා ඇතැයි වාර්තා වේ.

මෙවර එමී සම්මාන උළෙල සැප්තැම්බර් 18දා පැවැත්වීමට කටයුතු යොදා තිබුණද, සති කිහිපයක් පුරාවට හොලිවුඩයේ පවතින දැවැන්ත වැඩ වර්ජනය හේතුවෙන් මෙය කල්ගොස් ඇත.

හොලිවුඩ් පුරයේ නළු නිළියන් රැසක් මෙන්ම කතුවරයන්ගේ සංසදයද මෙම වර්ජනයට එක්ව සිටින බැවින් මෙලෙස කල් යන සම්මාන උළෙල පැවැත්වෙන නව දිනයක් පිළිබඳව මේ දක්වා ස්ථිර වශයෙන් ප්‍රකාශ කර නොමැති අතර, වර්ජනයට එක්ව සිටින පාර්ශවයන් හා රූපවාහිනී සමාගම් සමග එකඟතාවයකට පැමිණෙන තෙක් බලා සිටීමට එහි සංවිධායකයන් හට අවශ්‍ය බව විදෙස් වාර්තා සඳහන් කරයි.

වසර 20කට වැඩි කාලයක් පුරාවට එමී සම්මාන උළෙලක් කල් දමනු ලැබූ පළමු අවස්ථාව මෙයයි. අවසන් වරට මෙම සම්මාන උළෙල කල්දැමුනේ 2001දී සිදුවූ 9/11 ත්‍රස්ත ප්‍රහාරයට ප්‍රතිචාර වශයෙනි.

සබැඳි පුවත් :

හොලිවුඩයේ දැවැන්ත විරෝධයට නළුනිළියොත් එක්වෙයි

කලා

එකම වේදිකාවක සම්මානනීය වූ තාත්තයි දුවයි

Published

on

By

ප්‍රවීණ ගායන ශිල්පි රූකාන්ත ගුණතිලක සහ ඔහුගේ ආදරණීය දියණිය වින්ඩි ගුණතිලක ඊයේ (17) රාත්‍රියේ සම්මානයට පාත්‍ර විය.

ඒ, ”Business World International Awards USA – 2023” සම්මාන රාත්‍රියේදීයි.

එහිදී, රූකාන්ත ගුණතිලක මහතා ”Pride of Sri Lanka (Music)” සම්මානයට හිමිකම් කියූ අතර ඔහුගේ දියණිය වින්ඩි ගුණතිලක සම්මාන ද්විත්වයකට හිමිකම් ලැබුවාය.

ඒ, ”Pride of Global (Music) 2022” සහ ”Global Icon (Music) 2023” යන සම්මාන ද්විත්වයටයි.

BWIO විසින් සංවිධානය කරන ලද මෙම විශිෂ්ටතා සම්මාන උළෙල ගෝලීය වශයෙන් ව්‍යාපාර සහ ව්‍යවසායක විශිෂ්ටයින් ඇගයීම උදෙසා ක්‍රියාත්මක වන්නකි.

Continue Reading

කලා

එජාප මැයි රැලි සංගීතයට ගායක ගායිකාවන් ඉන්දියාවෙන්; සංගීතේ ශේන් සිංගෙන්

Published

on

By

එක්සත් ජාතික පක්ෂයේ මැයි දින රැලියට සමගාමීව සංවිධානය කර ඇති සංගීත ප්‍රසංගයේ ගීත ගායනා කිරීම සඳහා ඉන්දීය ගායක ගායිකාවන් පිරිසක් ඊයේ (30) මෙරටට පැමිණ තිබිණි.

මෙම සංගීත ප්‍රසංගය අද (01) රාත්‍රි 07.00 සිට මාලිගාවත්ත පී.ඩී. සිරිසේන ක්‍රීඩා පිටියේදී පැවැත්වීමට නියමිතය. 

එහි ගීත ගායනා කිරීම සඳහා විජේ බාලක්‍රිශ්ණන්, රම්‍යා නාගර්කෝවිල්, ඩැනියෙල් ජෙයරාම් සහ රෙෂ්මා සුන්දරම් ආදි ගායන ශිල්පීන් පැමිණ ඇත.

ඊට අමතරව ඉන්දීය සංගීත ශිල්පීන් වන ධර්මර් සත්‍ය ප්‍රකාශ් සහ නුරානි වර්ෂා ද මෙම ප්‍රසංගයේ ගීත ගායනා කිරීම සඳහා අද (01) මෙරටට පැමිණීමට නියමිත බව වාර්තා වේ.

ශේන් සිං ප්‍රමුඛ ‘ලයින්වන්’ සංගීත කණ්ඩායම ඊට සංගීතය සපයන අතර අදාළ ප්‍රසංගය නොමිලේ පැවැත්වේ.

Continue Reading

කලා

ජගත් මනුවර්ණට වෙඩි වැදිලා!

Published

on

By

රූගත කිරීමක් අතරතුරදී සිදුවූ වෙඩි තැබීමේ දර්ශනයකදී රංගන ශිල්පී ජගත් මනුවර්ණ අනතුරකට ලක්ව ඇතැයි වාර්තා වේ.

කෙසේවුවද, ඔහුට සිදුව ඇත්තේ සුළු තුවාලයක් පමණක් බව වාර්තා වේ.

ක්‍රියාදාම දර්ශන රැසක් රැගත්, චමින්ද ජයසූරියගේ ‘ෆාදර්’ සිනමාපටයේ රූගතකිරීම් අතුරතුර දී ඔහු මෙම අනතුරට පත්ව ඇත.

අනතුර සිදුවූ ඊයේ (28) දින රාත්‍රීයේ ම ඔහු ප්‍රතිකාර සඳහා කොළඹ පිටත් කර එවා තිබේ.

වෙඩි පිපිරවීම් සිදු කළ ශිල්පියාගේ අත්වැරදීමකින් මෙම අනතුර සිදුව ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved