කලා
කමල් හා තිරිමාදුර හොඳම නළුවා ලෙස ජනාධිපති සම්මාන දිනයි
20 වැනි ජනාධිපති සිනමා සම්මාන උලෙළ ඊයේ (14) සවස ජනාධිපති රනිල් වික්රමසිංහ මහතාගේ ප්රධානත්වයෙන් කොළඹ, නෙළුම් පොකුණ මහින්ද රාජපක්ෂ රඟහලේදී පැවැත්විණි.
ඒ, 2019 සහ 2020 දෙවසර වෙනුවෙනි.
මෙම සම්මාන උළෙලේදී 2019 වසරේ හොඳම නළුවා ලෙස ගින්නෙන් උපන් සීතල චිත්රපටයේ රඟපෑ ප්රවීණ රංගනවේදී කමල් අද්දරආරච්චි ද 2020 වසරේ හොඳම නළුවා ලෙස දි නිවුස්පේපර් චිත්රපටයේ කුමාර තිරිමාදුර ද පිදුම් ලැබීය.
මෙම සම්මාන උළෙලේදී හොඳම නිළිය ලෙස දැකලා පුරුදු කෙනෙක් චිත්රපටයේ රඟපෑ සමාධි ලක්සිරිද, 2020 වසරේ හොඳම නිළිය ලෙස පාංශු චිත්රපටයේ රඟපෑ ප්රවීණ රංගනවේදිනී නීටා ප්රනාන්දු ද පිදුම් ලැබීය.
මෙම සම්මාන උළෙලේදී 2020 හොඳම පසුබිම් ගායිකාව ලෙස ප්රවීණ සංගීතවේදීනි ආචාර්ය නන්දා මාලිනිය පිදුම් ලැබූ අතර ඒ අවස්ථාවේදී නන්දා මාලිනි මහත්මියට සම්මානය පුද කිරීමට ජනාධිපති රනිල් වික්රමසිංහ මහතා ඇතුළු පිරිස එම ස්ථානයට පැමිණ සම්මානය පුද කිරීම විශේෂත්වයක් විය.
එහිදී අදහස් දක්වමින් 1963 නන්දා මාලිනිය ගැයූ දොයි දොයි දොයි දොයිය බබා ගීතය තමන් රස විඳි බවත් එය සරසවි සම්මාන දිනූ බවත් එම අවස්ථාවට තමන්ද එක්ව සිටි බවත් ජනාධිපති රනිල් වික්රමසිංහ මහතා පැවැසීය.
රටටම සංගීතයට කළ මෙහෙවර වෙනුවෙන් සමස්ත ජනතාව වෙනුවෙන් නන්දා මාලිනියට ස්තූතිය පුද කරන බවද ජනාධිපතිවරයා කියා සිටියේය.
දමිළ කිවිඳුට උපහාර ලෙස නම් කල, සංස්කෘතික මධ්යස්ථානය යාපනයේ සංස්කෘතික මධ්යස්ථානය ‘තිරුවල්ලුවර් සංස්කෘතික මධ්යස්ථානය’ ලෙස නම් කෙරේ.
ශ්රී ලංකාවේ ඉන්දීය මහ කොමසාරිස් සන්තෝෂ් ජා මහතා සහ බුද්ධ ශාසන, ආගමික සහ සංස්කෘතික කටයුතු අමාත්ය හිනිදුම සුනිල් සෙනෙවි මහතා විසින් 2025 ජනවාරි 18 වන දින පැවති උත්සවයකදී යාපනයේ සංස්කෘතික මධ්යස්ථානය ශ්රේෂ්ඨ දමිළ කවියකු සහ දාර්ශනිකයකු වන තිරුවල්ලුවර්තුමාට උපහාරයක් ලෙස ‘තිරුවල්ලුවර් සංස්කෘතික මධ්යස්ථානය’ ලෙස නම් කරන ලදී.
මෙම අවස්ථාව සඳහා ධීවර, ජලජ සහ සාගර සම්පත් අමාත්ය රාමලිංගම් චන්ද්රෙස්කර්, උතුරු පළාත් ආණ්ඩුකාර නාගලිංගම් වේදනායම්, යාපනය නාගරික කොමසාරිස් එස්. ක්රිෂේන්ද්රන්, බුද්ධ ශාසන, ආගමික සහ සංස්කෘතික කටයුතු අමාත්යාංශයේ ලේකම් අතපත්තු, යාපනයේ ඉන්දීය කොන්සියුලර් ජෙනරාල් සායි මුරලි යන මහත්වරුන් ඇතුළු සම්භාවනීය අමුත්තන් සහ යාපනයේ කලාකරුවන් රැසක් සහභාගී වූහ.
මෙම සුවිශේෂී අති නවීන ගොඩනැගිල්ල මහල් දෙකක් පුරා පැතිරුණු කෞතුකාගාරයක්, ප්රේක්ෂකයන් 600කට වැඩි පිරිසකට අසුන් ගත හැකි රංග පීඨ ආකාරයේ අති නවීන ශ්රවණාගාරයක්, එකළොස් මහල් ඉගෙනුම් කුළුණක් සහ එළිමහන් රංග පීඨයක් ලෙස ද භාවිතා කළ හැකි පොදු මහජන චතුරස්රයක් යනාදි විවිධ පහසුකම්වලින් සමන්විත වේ.
වාහන ආනයනය ගැන ජනපතිගෙන් ප්රකාශයක්
චීනයට නව කන්සියුලර් කාර්යාලයක්
ආගමන හා විගමන පාලකව අධිකරණයට රැගෙන එයි
-
පුවත්4 days agoරනිල්ගෙන් විකල්ප පාර්ලිමේන්තුවක්!
-
පුවත්5 days agoමත්තල ගුවන්තොට ඉන්දියානු හා රුසියානු සමාගම්වලට දුන් තීන්දුව රිවර්ස්වන ලකුණු!
-
පුවත්4 days agoඇපැල් උසාවියේ සභාපති කලින් විශ්රාම යාමට සැරසෙයි!
-
ව්යාපාර7 days agoසිමෙන්ති මිල අඩු වෙයි ද?
-
පුවත්7 days ago“රජයේ ප්රවෘත්ති දෙපාර්තමේන්තුවේ හැඳුනුම්පත ක්රියාකාරී මාධ්යවේදීන්ට පමණයි”