කලා
දර්ශන් මුනිදාසට ජපානයෙන් හරසර
ශ්‍රී ලංකාවේ ජපන් තානාපති – මිසුකොෂි හිදෙඅකි මහතා විසින් ඊයේ (30) දිනයේදී ශ්‍රී ලංකාවේ ජපන් ආහාර ප්‍රවර්ධනය සඳහා දැක්වූ විශිෂ්ට දායකත්වය අගයමින් “නිහොන්බෂි” (“Nihonbashi”) අවන්හලේ ප්‍රධාන විධායක නිලධාරී සහ හිමිකරු දර්ශන් මුනිදාස මහතා වෙත “The Order of the Rising Sun, Gold and Silver Rays” සම්මානය ප්‍රදානය කරන ලදී.
දර්ශන් මුනිදාස මහතා 1995 දී ඔහුගේ සුප්‍රසිද්ධ ජපන් අවන්හලක් වන “නිහොන්බෂි” ආරම්භ කළ දා සිට ශ්‍රී ලාංකීය උරුවට ගැලපෙන ලෙස ජපන් ආහාර විද්‍යාවේ සූක්ෂ්මතාවයන් හඳුන්වා දීමේ මගපෙන්වන්නෙකු විය. උසස්ම තත්ත්වයේ ජපන් අමුද්‍රව්‍ය සපයා ගැනීමට ඔහු දක්වන කැපවීම සහ සාම්ප්‍රදායික ජපන් සූපශාස්ත්‍ර ශිල්පීය ක්‍රම ආරක්ෂා කිරීමට ඇති කැපවීම තුළින් මුනිදාස මහතා ජපානය සහ ශ්‍රී ලංකාව අතර සංස්කෘතික හුවමාරුව තවදුරටත් වර්ධනය කරමින් අනුග්‍රාහකයින් සඳහා භෝජන අත්දැකීම ඉහළ නංවා ඇත.
මුනිදාස මහතා විසින් ජපන් අවන්හලක් කළමනාකරණය කිරීම සම්බන්ධයෙන් පමණක් නොව, යුනෙස්කෝවේ අස්පෘශ්‍ය සංස්කෘතික උරුමයක් ලෙස ශ්‍රී ලංකාව තුළ සහ ඉන් පිටත පිළිගත් “washoku” ඇතුළු ජපන් ආහාර සහ සංස්කෘතිය අවබෝධ කර ගැනීම, ප්‍රවර්ධනය කිරීම සහ ව්‍යාප්ත කිරීම සඳහා දීර්ඝකාලීන දායකත්වය ලබා දීම පිළිබඳව ද තානාපතිවරයා මෙහිදී ප්‍රශංසා කළේය. මීට අමතරව, මෑත මුලපිරීම්වල කොටසක් ලෙස, ශ්‍රී ලාංකීය උත්සව නරඹන්නන් බොහෝ දෙනෙකුට ජපන් ආහාර අත්විඳීමට අවස්ථාවක් සපයමින් වසර දෙකක් අඛණ්ඩව මහරගම පැවති ජපානයේ සංස්කෘතික උත්සවයක් වන Bon Odori උත්සවයේදී සම්ප්‍රදායික ගෙදර පිසූ ජපන් කෑම වර්ග පිරිනැමීමට මුනිදාස මහතා ගත් උත්සාහය තානාපතිවරයා මෙහිදී තවදුරටත් ඉස්මතු කළේය.
“The Order of the Rising Sun” සම්මානය, ජපානය සමඟ මිත්‍ර සබඳතා වැඩි දියුණු කිරීම සඳහා විශිෂ්ට දායකත්වයක් ලබා දුන් විදේශීය ජාතිකයින්ට ජපානයේ අධිරාජයා විසින් පිරිනමනු ලැබෙන අතර, මෙම සුවිශේෂී අවස්ථාවත් සමගම ජපානය සහ ශ්‍රී ලංකාව අතර ද්විපාර්ශ්වික සබඳතාව තවදුරටත් වර්ධනය වනු ඇතැයි අපේක්ෂා කෙරේ.
ශ්‍රී ලංකාව සිනමා ඉතිහාසයේ අභිමානවත් මොහොතක් සනිටුහන් කරමින්, අභාවප්‍රාප්ත සුමිත්‍රා පීරිස් අධ්‍යක්ෂණය කළ ගැහැණු ළමයි’ (1978) චිත්‍රපටයේ නව ප්‍රතිසංස්කරණය කරන ලද අනුවාදන පිටපත මෙවර ප්‍රංශයේ කෑන්ස් සිනමා උළෙලේදී ප්‍රදර්ශනය කෙරිණි.
1978 දී තිරගත වූ මෙම සිනමා නිර්මාණයේ ප්‍රතිසංස්කරණය කරන ලද අනුවාදය, මැයි 17 වන දින 2025 කෑන්ස් උළෙලේදී මෙසේ ප්‍රදර්ශනය කරනු ලැබීය.
මේ අවස්ථාවට එහි ප්‍රධාන නළු නිළියන් වන වසන්ති චතුරානි, අජිත් ජිනදාස සහ ශ්‍යාමා ආනන්දගේ , ජාතික චිත්‍රපට සංස්ථාවේ සභාපති සුදත් මහදිවුල් වැව මහතා ප්‍රධාන පිරිසක් සහභාගී වී සිටියහ
චිත්‍රපට උරුම පදනම විසින් ලෙස්ටර් ජේම්ස් පීරිස් සහ සුමිත්‍රා පීරිස් පදනම සමඟ එක්ව ගැහැණු ළමයි චිත්‍රපටය ‘එල්’ඉමැජින් රිට්‍රෝවාටා’ රසායනාගාරයේදී 4ඛ් ආකාරයෙන් ප්‍රතිසංස්කරණය කරන ලදී.
රණක්ෂිතයට පත් සෙබළුන්ගේ ප්රයෝජනයට ජනාධිපති කාර්යාලයෙන් වාහන
අගමැතිනියට මරණ තර්ජන
රොෂාන්ට වාරණයක්
-
පුවත්3 days agoIMF තීන්දුව, ලෝක හා ආසියානු බැංකු ණයටත් පරහට හිටියි?
-
පුවත්1 week agoකොළඹ වෙසක් කලාප වෙනුවෙන් රථවාහන සැළැස්මක්
-
පුවත්4 days agoරනිල්ගේ ප්රකාශය පරීක්ෂණ නොමඟ යැවීමක්
-
පුවත්2 days agoතෙල් සංස්ථාවේ “අයිෆෝන්” බිල් පිටවුණා වගේ රහස් එළියට යන නිසා සංස්ථාව ඩිජිටල් කරනවා – MD
-
පුවත්1 week agoවෙසක් සමයේ දිවයින පුරා විශේෂ වැටලීම්