ඉන්දීය ජනප්‍රිය බොලිවුඩ් නළු සුෂාන්ත් සිං රාජ්පුත්ගේ මරණය සම්බන්ධයෙන් වසර පහකට ආසන්න කාලයක් විමර්ශනය වෙමින් තිබු නඩු ගොණු සියල්ල එරට මධ්‍යම විමර්ශන කාර්යාංශය විසින් “CBI”වසා දැමීමට තීරණය කර තිබේ.

එය “සියදිවි නසාගැනීමේ සරල නඩුවක්” ලෙස සඳහන් කර ඇති බව ඉන්දීය මාධ්‍ය පවසයි.

එමෙන්ම මරණය සම්බන්ධයෙන් පැවති නඩුවේ ගොනු කර ඇති FIR පෙත්සම් දෙකෙහි නම් කර ඇති සියලුම පුද්ගලයින් CBI විසින් නිදහස් කර ඇත.

එලෙස නිදහස් කර ඇත්තේ, සුෂාන්ත් රාජ්පුත් ගේ පෙම්වතිය වූ රංගන ශිල්පිනී රියා චක්‍රබෝර්ති, ඇගේ දෙමාපියන් සහ සහෝදරයා මෙන්ම රාජ්පුත්ගේ සහෝදරියක් වන ප්‍රියංකා සහ වෛද්‍යවරයෙකුවය.

එමෙන්ම සියදිවි නසා ගැනීමට අනුබල දීම සම්බන්ධයෙන් මෙම පුද්ගලයින්ගේ කිසිදු සම්බන්ධයක් නොමැති බව ද නිගමනය කර ඇත.

CBI එහි අවසන් වාර්තාව සමඟ ලේඛන සහ සාක්ෂිකරුවන්ගේ ලැයිස්තුවක් ගොනු කර ඇති අතර, අධිකරණය අප්‍රේල් 8 වන දිනට නඩුව විභාග කිරීමට සහ වැඩිදුර නියෝග සඳහා දින නියම කර ඇත බව සඳහන් වේ.

නළු සුෂාන්ත් සිං රාජ්පුත් ඔහුගේ මුම්බායි නිවසේ ගෙල වැලලාගෙන සියදිවි නසාගෙන සිටියදී සොයා ගැනුනේ 2020 වසරේ ජුනි 14 වනදාය.

සියදිවි නසා ගැනීමට අනුබල දීම, වංචා කිරීම, වැරදි ලෙස රඳවා තබා ගැනීම, සොරකම, සාපරාධී විශ්වාසය කඩ කිරීම, ඉන්දියානු දණ්ඩ නීති සංග්‍රහයට සාපරාධී බිය ගැන්වීම ඇතුළු චෝදනා යටතේ රියා චක්‍රබෝර්ති, ඇගේ දෙමාපියන් සහ සහෝදරයා සහ තවත් දෙදෙනෙකු නම් කරමින් CBI 2020 අගෝස්තු 6 වන දින FIR පෙත්සම් ගොනු කර තිබුණි.

රාජ්පුත්ගේ පියා විසින් පැට්නා පොලීසියට ගොනු කරන ලද පැමිණිල්ලක් මත මෙම FIR පෙත්සම් ගොනු කර තිබුනේ අදාළ පුද්ගලයින් නළු රාජ්පුත්ට එවැනි පියවරක් ගැනීමට හේතු වූ බවට චෝදනා කරමිනි.

2020 ජුනි 14 වනදා 34 හැවිරිදි සුෂාන්ත්ගේ මරණයත් සමඟ ඔහුගේ අකල් වියෝව සම්බන්ධයෙන් ලොව පුරා ඔහු    ගේ රසික රසිකාවියන් මෙන්ම විවිද සංගම්  පරීක්ෂණයක් ඉල්ලා හඬ නැගීය.

මේ අතර, ඇතැමුන් චෝදනා කළේ මෙම මරණයට හේතුව බොලිවුඩ් සිනමාවට සම්බන්ධ දැවැන්ත පවුල් කණ්ඩායම්වල ඇතැම් බලපෑම් සහ ක්‍රියාවන් බවටය.

එමෙන්ම ඔවුන් පැවසුවේ මෙය සියදිවි නසා ගැනීමක් නොවන බවත් එය ඝාතනයක් වියයුතු බවටත්ය.

ඒ සුෂාන්ත් සිය නිවසේ මියගොස් සිටි ආකාරය, මරණ පරීක්ෂණය හා සම්බන්ධ ගැටලු සහ ඇතැම් සාක්ෂි විනාශ කිරීම වසන් කිරීම යන කරුණු උපුටා දක්වමිනි.

ඒ අනුව වසර 5කට ආසන්න කාලයක් සුෂාන්ත්ගේ මරණය සියදිවි නසාගැනීමක් ද නැතහොත් ඝාතනයක් ද යන්න සම්බන්ධයෙන් ඉන්දීය මධ්‍යම විමර්ශන කාර්යාංශය විසින් පරීක්ෂණ පැවැත් වූ අතර අවසානයේ ඔවුන් තීරණය කර ඇත්තේ මෙය සියදිවි නසා ගැනීමක් බවටය.

එහි අවසන් තීන්දුව අධිකරණය විසින් අප්‍රේල් 8 වනදා ලබාදීමට නියමිත බව ද ඉන්දීය මාධ්‍ය වැඩිදුරටත් වාර්තා කර ඇත.

ඉන්දීය සිනමා ඉතිහාසයේ සිටම මේ වන තෙක්ම නළු නිලියන් කිහිපදෙනෙකු මෙලෙස ආන්දෝලනාත්මක ලෙස මියගොස් ඇති අතර ඇතැම් මරණ වසර ගණන් පැරණි වුවත් අදටත් අභිරහසක් ඉතිරිකර තිබේ.

එවන් අකල් මරණ අතර, දිව්‍යා භාරතී, ශ්‍රීදේවි, කුනාල් සිං, මීනා කුමාරි, ගුරු දත්, පර්වීන් බබී, ජියා ඛාන්, කුල්ජීත් රන්ධාවා, ස්මිතා පටිල් සහ නෆීසා ජෝසප් වැනි ඉන්දීය නළු ලියන්ගේ මරණ ප්‍රධාන වේ.

මෙරට ප්‍රකට රංගන ශිල්පිනියක සහ නිරූපිකාවක වූ අකුෂ්ලා සෙල්ලයා මහත්මිය අභාවප්‍රාප්ත වී ඇත.මිය යන විට ඇය 67 වැනි වියේ පසු වූවාය

1978 වසරේදී Slave Of the Cannibal God ඉතාලි සිනමා පටය හරහා  සිනමාවට පිවිසි ඇය පසුව   “Rampage” (1978) / “Tarzan the Ape Man” (Hollywood) (1981), “තවලම” (1981), “බාඳුරා මල්” (1981), “රෑ මනමාලි” (1982), “හිතත් හොඳයි වැඩත් හොඳයි” (1983), වැනි සිංහල චිත්‍රපට රැසකට  රංගනයෙන් ද දායක වූවාය. 

1985 වසරේදී “චාර්ල්ස් ඒන්ජල්ස්” චිත්‍රපටයේ සිංහල ප්‍රතිනිර්මාණය වූ “සුර දූතියෝ” චිත්‍රපටයේ රංගනයෙන් දාකයක වූ ඇය එය සිය ඇගේ රංගන දිවියේ උච්චතම අවස්ථාව බව සිනමා විචාරකයෝ සදහන් කළහ.

“සුර දූතියෝ” චිත්‍රපටය මෙරට සිනමාවේ ප්‍රවීන සටන් නළුවෙකු වූ රොබින් ප්‍රනාන්දු මහතා අධ්‍යක්ෂණය කළ මුල්ම චිත්‍රපටය

පසුගියදා මැදිරිගිරිය, දිවුලන්කඩවල පැවති සංගීත සංදර්ශන අතරතුරදී සිදුවූ ප්‍රේක්ෂක කෝලහාලයේ උණුසුම තවමත් පහව ගොස් නොමැත.

ඊයේ (16) දිනය වනවිට සංගීත සංදර්ශනය අතරතුර කළහකාරී ලෙස හැසිරුණු පුද්ගලයින් 06 දෙනෙකු අත්අඩංගුවට ගත් බව පොලීසිය පවසයි. පොලීසිය වැඩිදුරටත් සඳහන් කලේ අත්අඩංගුවට ගත් සැකකරුවන්ගෙන් මේ වනවිට ප්‍රශ්න කිරීම් සිදු කරන බවය.

මේ ප්‍රේක්ෂක හැසිරීමට හේතුව ලෙස “වස්ති” ගායකයන්ට ඇතැමෙක් චෝදනා කරන අතර තවත් චෝදනාවක්  සංවිධායකයින් වෙත එල්ල වී තිබේ.

මේ පිළිබඳව ප්‍රසංගයේ සංවිධායකයින් වන  RC Event Management විසින් Facebook සටහනක් එක්කර තිබිණි.

සංවිධාකයින් විසින් ප්‍රචාරණය කර තිබුනේ ශානා, හනා, අමේලියා, හා වස්ති යන ගායන ශිල්පීන් හා ශිල්පිනියන් මේ ප්‍රසංගය සඳහා සහභාගී වන බවය.

කෙසේ වෙතත් නීති විරෝධී ගිනි අවියක් ලඟ තබා ගැනීමේ හේතුව මත “ශාන් පුතා” අත් අඩංගුවට ගැනීම හේතුවෙන් ඔහු වෙනුවට රොමේෂ් නම් ගායන ශිල්පියා සහභාගී වී තිබේ. ගායන ශිල්පිනියන් දෙදෙනා ද මෙම සංගීත සංදර්ශනය වෙනුවෙන් සහභාගී වී ඇති අතර “වස්ති” ගායන ශිල්පීන්ගේ නොපැමිණීම මේ ප්‍රේක්ෂක කුපිත වීමට හේතුව වී ඇතිබවට බහුතරයක් චෝදනා නඟති.

මෙම සිදුවීම සම්බන්ධයෙන් වස්ති වෙනුවෙන් අනුශ්ක උදාන විසින් ද පැහැදිලි කිරීමක් කරන ආකාරය දැක්වෙන වීඩියෝවක් මේ වනවිට Facebook පුරා සංසරණය වේ.

https://fb.watch/ynumowdxUm

මෙම සිදුවීමත් සමඟ වස්ති වෙත විශාල ජන අප්‍රසාදයක් මෙන්ම චෝදනා රැසක් එල්ල වෙමින් පවතින අයුරක් දැකිය හැකිය.

ලංකාවේ ජනප්‍රියම ගායකයින් දෙපළක් වූ වස්ති වෙත ආදරෙන් පැමිණි ඒ සුවිසල් ජනතාව වෙනුවෙන් එක් ගීතයක් හෝ ගයන්නට ජනතාවගේ ගායකයින්ට ඕනෑතරම් අවස්ථාව තිබිණි.