Connect with us

කලා

යුරෝපා සිනමා උළෙල හෙට සිට

Published

on

සිනමා විචාරකයන්ගේ හා සිනමා කලා රසිකයන්ගේ අවධානය දිනාගත් යුරෝපා සිනමා උළෙල මෙවරත් 14 වැනි වරට හෙට (අගෝස්තු 16) අගෝස්තු 21දා දක්වා කොළඹ ජාතික චිත්‍රපට සංස්ථා සිනමා ශාලාවේදී පැවැත්වෙනු ඇත.

මෙවර උළෙල ආරම්භ වන්නේ කාන්ස් සිනමා උළෙලේ ‘කැමරා දෝර්’ (Caméra d’Or) සම්මානය හිමිකරගත් ඇන්ටෝනියෙටා අලමත් ගේ “මුරිනා” ක්‍රොඒෂියානු චිත්‍රපටයෙනි.

උළෙල ආරම්භයේ පටනි පැවති සම්ප්‍රදාය අනුව යමින් මෙවරද උළෙලේ ප්‍රධාන ආරාධිතයා ලෙස සම්මානලාභී සිනමා ශිල්පියෙක් සහභාගී වෙනු ඇත. ඒ රංගන ශිල්පිනියක හා තිරරචිකාවියක වන නිම්මි හරස්ගමයි.

අගෝස්තු 17 – 21 වැනිදා දක්වා තවත් සම්මානලාභී යුරෝපීය චිත්‍රපට 10ක් සවස 3.30ට සහ 6.00ට තිරගතවෙනු ඇත. ඒ අතර ප්‍රංශය, ජර්මනිය, ස්ලෝවැකියාව, චෙක් ජනරජය, ලක්සම්බර්ග්, බෙල්ජියම, ඩෙන්මාර්කය, නෙදර්ලන්තය, ෆින්ලන්තය, යුක්රේනය, ලැටිවියාව සහ ඉතාලිය නියෝජනය චිත්‍රපට වේ.

කොළඹ යුරෝපා සංගමය විසින් ඉදිරිපත් කෙරෙන මෙම සිනමා උළෙලේ අභිරක්ෂණය 14 වැනි වරටත් සිනමාවේදිනී අනෝමා රාජකරුණා මහත්මිය විසින් සිදුකරයි. මෙම සිනමා උළෙල සැප්තැම්බර් 01 – 03 දක්වා මහනුවරදී පැවැත්වීමට කටයුතු කරන බව ඇය පවසයි.

කලා

එකම වේදිකාවක සම්මානනීය වූ තාත්තයි දුවයි

Published

on

By

ප්‍රවීණ ගායන ශිල්පි රූකාන්ත ගුණතිලක සහ ඔහුගේ ආදරණීය දියණිය වින්ඩි ගුණතිලක ඊයේ (17) රාත්‍රියේ සම්මානයට පාත්‍ර විය.

ඒ, ”Business World International Awards USA – 2023” සම්මාන රාත්‍රියේදීයි.

එහිදී, රූකාන්ත ගුණතිලක මහතා ”Pride of Sri Lanka (Music)” සම්මානයට හිමිකම් කියූ අතර ඔහුගේ දියණිය වින්ඩි ගුණතිලක සම්මාන ද්විත්වයකට හිමිකම් ලැබුවාය.

ඒ, ”Pride of Global (Music) 2022” සහ ”Global Icon (Music) 2023” යන සම්මාන ද්විත්වයටයි.

BWIO විසින් සංවිධානය කරන ලද මෙම විශිෂ්ටතා සම්මාන උළෙල ගෝලීය වශයෙන් ව්‍යාපාර සහ ව්‍යවසායක විශිෂ්ටයින් ඇගයීම උදෙසා ක්‍රියාත්මක වන්නකි.

Continue Reading

කලා

එජාප මැයි රැලි සංගීතයට ගායක ගායිකාවන් ඉන්දියාවෙන්; සංගීතේ ශේන් සිංගෙන්

Published

on

By

එක්සත් ජාතික පක්ෂයේ මැයි දින රැලියට සමගාමීව සංවිධානය කර ඇති සංගීත ප්‍රසංගයේ ගීත ගායනා කිරීම සඳහා ඉන්දීය ගායක ගායිකාවන් පිරිසක් ඊයේ (30) මෙරටට පැමිණ තිබිණි.

මෙම සංගීත ප්‍රසංගය අද (01) රාත්‍රි 07.00 සිට මාලිගාවත්ත පී.ඩී. සිරිසේන ක්‍රීඩා පිටියේදී පැවැත්වීමට නියමිතය. 

එහි ගීත ගායනා කිරීම සඳහා විජේ බාලක්‍රිශ්ණන්, රම්‍යා නාගර්කෝවිල්, ඩැනියෙල් ජෙයරාම් සහ රෙෂ්මා සුන්දරම් ආදි ගායන ශිල්පීන් පැමිණ ඇත.

ඊට අමතරව ඉන්දීය සංගීත ශිල්පීන් වන ධර්මර් සත්‍ය ප්‍රකාශ් සහ නුරානි වර්ෂා ද මෙම ප්‍රසංගයේ ගීත ගායනා කිරීම සඳහා අද (01) මෙරටට පැමිණීමට නියමිත බව වාර්තා වේ.

ශේන් සිං ප්‍රමුඛ ‘ලයින්වන්’ සංගීත කණ්ඩායම ඊට සංගීතය සපයන අතර අදාළ ප්‍රසංගය නොමිලේ පැවැත්වේ.

Continue Reading

කලා

ජගත් මනුවර්ණට වෙඩි වැදිලා!

Published

on

By

රූගත කිරීමක් අතරතුරදී සිදුවූ වෙඩි තැබීමේ දර්ශනයකදී රංගන ශිල්පී ජගත් මනුවර්ණ අනතුරකට ලක්ව ඇතැයි වාර්තා වේ.

කෙසේවුවද, ඔහුට සිදුව ඇත්තේ සුළු තුවාලයක් පමණක් බව වාර්තා වේ.

ක්‍රියාදාම දර්ශන රැසක් රැගත්, චමින්ද ජයසූරියගේ ‘ෆාදර්’ සිනමාපටයේ රූගතකිරීම් අතුරතුර දී ඔහු මෙම අනතුරට පත්ව ඇත.

අනතුර සිදුවූ ඊයේ (28) දින රාත්‍රීයේ ම ඔහු ප්‍රතිකාර සඳහා කොළඹ පිටත් කර එවා තිබේ.

වෙඩි පිපිරවීම් සිදු කළ ශිල්පියාගේ අත්වැරදීමකින් මෙම අනතුර සිදුව ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved