Connect with us

කලා

හොලිවුඩ් තිර රචකයින්ගේ වැඩ වර්ජනය අවසන් වන ලකුණු

Published

on

මාස පහකට ආසන්න කාලයක් පුරා පැවති වැඩ වර්ජනය අවසන් කිරීමට හැකි වන පරිදි, චිත්‍රාගාර ප්‍රධානීන් සමඟ තාවකාලික ගිවිසුමකට එළැඹීමට එකඟත්වය පළ වී ඇති බව ඇමෙරිකානු තිරරචකයන් පවසයි.

ඇමරිකාවේ ලේඛක සංසදය (WGA) පවසන්නේ මෙම එකඟතාවය “ලේඛකයින් සඳහා අර්ථවත් වාසි සහ ආරක්ෂාවක් ලබාදෙන” බවයි.  කෙසේවෙතත්, අවසන් තීරණය ගත යුත්තේ WGA සාමාජිකයින් විසින් බව ඔවුන් පවසයි.

ලේඛකයන් යළි සේවයට වාර්තා කිරීමට පෙර WGA නායකත්වය සහ වෘත්තීය සමිති සාමාජිකයින් විසින් මෝෂන් පික්චර්ස් සංසදය හා රූපවාහිනි නිෂ්පාදනකයන් සමග තෙවසරක ගිවිසුමකට එළැඹීමට එකඟ විය යුතු බවද පැවසේ.

මෙම යෝජිත එකඟතාවය සම්බන්ධයෙන් WGA පණිවිඩයක දැක්වෙන්නේ තවමත් තමන් වර්ජනය අත්හැරීමට සූදානම් නැති නමුත්, අද සිට පිකටිං ව්‍යාපාර අත්හිටුවීමට කටයුතු කරන බවයි.

මෙම වැඩ වර්ජනය, දශක ගණනාවකට පසු හොලිවුඩයට බලපෑ දීර්ඝතම වැඩ වර්ජනය ලෙස සැලකෙන අතර, මේ හේතුවෙන් බොහෝ චිත්‍රපට සහ රූපවාහිනී නිෂ්පාදන කටයුතු ඇණහිටුණි.

මීට අමතරව නළුනිළියන් ද වෙනම ආරවුලක හේතුවෙන් වැඩ වර්ජනයක නිරත වී සිටියි.

මේ වසරේ මැයි 02දා සිට ඇරඹුනු ලේඛකවරුන්ගේ වැඩ වර්ජනය හේතුවෙන් කැලිෆෝනියා ප්‍රාන්තයේ ආර්ථිකයට ඩොලර් බිලියන ගණනක පාඩුවක් සිදුවී ඇතැයි විදෙස් වාර්තා සඳහන් කරයි.

වර්ජනය හේතුවෙන් බොහෝ චිත්‍රපට සහ රූපවාහිනී නිෂ්පාදන කටයුතු අතරමඟ ඇනහිට තිබුණු අතර, පසුගිය සැප්තැම්බර් 18දා පැවැත්වීමට කටයුතු යොදා තිබූ එමී සම්මාන උළෙලද මේ හේතුවෙන් කල් දැමිණි.

සාධාරණ ගෙවීමක් සහ රැකියා සුරක්ෂිත කිරීම ඇතුළු ඉල්ලීම් කිහිපයක් මූලික කර ගනිමින් පසුගිය මැයි 02දා පා ගමනකින් ආරම්භ කළ මෙම වර්ජනය හේතුවෙන් කැලිෆෝනියාවේ ආර්ථිකයට ඩොලර් බිලියන ගණනක පාඩුවක් සිදුව ඇති බව විදෙස් වාර්තා පෙන්වා දෙයි.

සබැඳි පුවත් :

එමී සම්මාන උළෙල කල් යයි

හොලිවුඩයේ දැවැන්ත විරෝධයට නළුනිළියොත් එක්වෙයි

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

කලා

ෂාරුක් රෝහල් ගත කෙරේ

Published

on

By

ඉන්දියාවට බලපා තිබෙන දැඩි උෂ්ණත්වය හේතුවෙන් ඇතිවූ හදිසි රෝගී තත්වයක් මත ඉන්දීය සුපිරි බොලිවුඩ් නළු ෂාරුක් ඛාන් රෝහල් ගත කර ඇතැයි එරට මාධ්‍ය වාර්තා කළේය.

කල්කටා නයිට් රයිඩර්ස් කණ්ඩාම සහ සන්රයිස් හයිද්‍රාබාද් කණ්ඩායම අතර 21 දින පැවැති තරඟය නැරඹීම සඳහා ෂාරුක් ඛාන් අහමාදාබාද් නගරය වෙත පැමිණ සිට ඇති බවත් එහිදී ප්‍රීති ඝෝෂා නගමින් අධික ලෙස වෙහෙස වීම හේතුවෙන් ඔහුට විජලන තත්වයක් ඇති වී ශරීර උෂ්ණත්වය අධික ලෙස ඉහළ ගොස් ඇති බවත් ඉන්දීය මාධ්‍ය සඳහන් කළේය.

එම රෝගී තත්වය හේතුවෙන් ඔහුව අහමදාබාද්හි කේ.ඩී රෝහල වෙත ඇතුළත් කර ඇති බවත් ගෞරි ඛාන්, බොලිවුඩ් සුපිරි නිළි ජුහී චව්ලා සහ ඇයගේ සැමියාද වහාම කේ.ඩී රෝහල වෙත පැමිණ ඇති බවත් ඉන්දීය මාධ්‍ය වාර්තා කළේය.

ෂාරුක්ගේ වත්මන් සෞඛ්‍ය තත්වය පිළිබඳ ජනතාව දැනුවත් කරමින් බොලිවුඩ් සුපිරි නිළි ජුහී චව්ලා ප්‍රකාශ කර සිටියේ ෂාරුක් ඛාන්ගේ සෞඛ්‍ය තත්වය යහපත් අතට හැරෙමින් පවතින බවත් කල්කටා නයිට් රයිඩර්ස් කණ්ඩාම සහභාගී වන අවසන් තරඟය නැරඹීමට පැමිණීමට ඔහුට හැකියාව ලැබෙතැයි තමන් විශ්වාස කරන බවත්ය.

Continue Reading

කලා

එකම වේදිකාවක සම්මානනීය වූ තාත්තයි දුවයි

Published

on

By

ප්‍රවීණ ගායන ශිල්පි රූකාන්ත ගුණතිලක සහ ඔහුගේ ආදරණීය දියණිය වින්ඩි ගුණතිලක ඊයේ (17) රාත්‍රියේ සම්මානයට පාත්‍ර විය.

ඒ, ”Business World International Awards USA – 2023” සම්මාන රාත්‍රියේදීයි.

එහිදී, රූකාන්ත ගුණතිලක මහතා ”Pride of Sri Lanka (Music)” සම්මානයට හිමිකම් කියූ අතර ඔහුගේ දියණිය වින්ඩි ගුණතිලක සම්මාන ද්විත්වයකට හිමිකම් ලැබුවාය.

ඒ, ”Pride of Global (Music) 2022” සහ ”Global Icon (Music) 2023” යන සම්මාන ද්විත්වයටයි.

BWIO විසින් සංවිධානය කරන ලද මෙම විශිෂ්ටතා සම්මාන උළෙල ගෝලීය වශයෙන් ව්‍යාපාර සහ ව්‍යවසායක විශිෂ්ටයින් ඇගයීම උදෙසා ක්‍රියාත්මක වන්නකි.

Continue Reading
Advertisement

Trending

Copyright © 2023 Sri Lanka Mirror. All Rights Reserved