කලා
“පිරිමින්ටත් ඇහුම්කන් දෙන්න” පුරුදුකරණ “සැප්තැම්බර්” Teaser එක එළියට (ඡායා)
අධ්‍යක්ෂවරයෙක් හා ජනප්‍රිය නළුවකු වන බුද්ධික ජයරත්න අධ්‍යක්ෂණය කළ රවී රොද්‍රිගු නිෂ්පාදනය කළ “සැප්තැම්බර්” චිත්‍රපටයේ පූර්ව ප්‍රචාරක පටය පසුගියදා බත්තර මුල්ල වෝටර්ස් එජ් හෝටලයේදී එළි දක්වනු ලැබීය.
මේ බුද්ධිකගේ දෙවැනි චිත්‍රපට අධ්‍යක්ෂණය වන අතර ඔහු මෙහි අධක්ෂකවරයා ලෙස කටයුතු කරමින් රංගනයෙන්ද දායකවීම විශේෂිතය.
2006දී දේදුනු වැස්ස බුද්ධික අධ්‍යක්ෂණය කළ පළමු චිත්‍රපටයයි.
නදීෂා හේමමාලි මෙහි ප්‍රධාන නිළියගේ චරිතයට පණ පොවන අතර, ප්‍රවීන නළු සනත් ගුණතිලක, සචිනි අයේන්ද්‍රා, අශාන් ඩයස් හා මිලින්ද මඩුගල්ලේ ඇතුළු නළු නිළි පිරිසක් මෙයට දායක වී ඇත.
සුනෙත් මාලිංග ලොකුහේවා සහ ප්‍රියනාත් විදානපතිරණ යන දෙදෙනා විසින් “සැප්තැම්බර්” හි තිර පිටපත රචනා කර තිබේ.
මේ චිත්‍රපටයේ රූගත කිරීම් මසක් පමණ කෙටිකාලයකින් අවසන් කිරීමට සම්බන්ධීකරණ කළමනාකාරිනිය ලෙස බුද්ධිනී ජයවර්ධන ගේ සහයද අධ්‍යක්ෂ බුද්ධික ජයරත්න පූර්ව ප්‍රචාරක පටය මුදාහැරීමේ උත්සවයේදී අගය කළේය.
“ආදරය හින්දාම මරණය තෝරගන්න පිරිමි ඉන්නවා… ආදරය හින්දම බිහිසුනුම දේවල්වලටත් සැහැල්ලුවෙන් මුහුන දෙන පිරිමි ඉන්නවා.. මේ දෙකම වෙන්නෙ හුඟක් වෙලාවට පිරිමියෙක්ට ඇහුම්කන් දෙන්න කෙනෙක් නැතිවෙනකොට..දරු සෙනෙහස ළඟ තාත්තා කෙනෙක්ගෙ ආදරය මොනතරම් පරිත්‍යාගශීලිද කියලා කියන්න“ මේ නිර්මාණයෙන් දැකගත හැකි බව බුද්ධික ජයරත්නගේ අදහසයි.
ඡායාරූප – 𝐒𝐚𝐧𝐝𝐚𝐦𝐚𝐥𝐢 𝐖𝐢𝐦𝐚𝐥𝐚𝐬𝐞𝐧 𝐏𝐡𝐨𝐭𝐨𝐠𝐫𝐚𝐩𝐡𝐲
ශ්‍රී ලංකාවේ ජපන් තානාපති කාර්යාලය විසින් එම පරිශ්‍රය තුළ පිහිටි බෝල්රූම් ශාලාවේදී පසුගිය 26දා සුන්දර සංගීතමය සන්ධ්‍යාවක් පවත්වා තිබුණි.
කීර්තිමත් ජපන් සංගීතඥයින් දෙදෙනෙකු වන ෂෝගෝ හියෝෂි සහ කෝගා මිචියෝ යන මහත්වරුන්ගේ කන්කළු සම්ප්‍රදායික ජපන් සංගීතයෙන් මෙම ප්‍රසංගය වර්ණවත් විය.
මෙම උත්සවය ජපානය සහ ශ්‍රී ලංකාව අතර සංස්කෘතික හුවමාරුව ප්‍රවර්ධනය කළා පමණක් නොව, දෙරට අතර ශක්තිමත් ද්විපාර්ශ්වික සබඳතා ශක්තිමත් කිරීමද මෙමගින් සනිටුවහන් විය.
සංගීත ශිල්පීන් පිළිබඳ තොරතුරු
ඉකුතා-රියු නම් කොතෝ සංගීත ගුරුකුලයේ මාස්ටර්වරයෙකු වන ෂෝගෝ හියෝෂි මහතා, සංගෙන් සංගීතයේද ප්‍රවීණයෙකි. වර්තමානයේදී එතුමා කොතෝ සහ සංගෙන් යන සංගීත භාණ්ඩ ද්විත්වයම වාදනය කරයි. ඊට අමතරව, හෙතෙම තත් තුනකින් යුත් ජපන් සාම්ප්‍රදායික සංගීත භාණ්ඩයක් වන කොකියු සහ සංගෙන් හි මුල් කාලීන ස්වරූපයක් යැයි විශ්වාස කෙරෙන හයිකේ-බිවා නැමැති සාම්ප්‍රදායික භාණ්ඩයද වාදනය කරයි.
එතුමා වර්ෂ 2023 සිට ටෝකියෝ කලා විශ්වවිද්‍යාලයේ ආරාධිත කථිකාචාර්යවරයෙකු ලෙස කටයුතු කර ඇත. ඔහු 2009 දී සිය මංගල ජාත්‍යන්තර ප්‍රසංගය අයිස්ලන්තයේදී පවත්වන්නට යෙදුණු අතර, පසුව ඉතාලිය, ප්‍රංශය, ස්විට්සර්ලන්තය, පෝලන්තය යනාදී රටවල් වලද ප්‍රසංගයන්ට සහභාගී විය.
කෝගා මිචියෝ මහතා Lanka Nippon BizTech Institute (LNBTI) හි මව් සමාගම වන Metatechno Inc. හි හිටපු සභාපතිවරයා වේ.
කෝගා මිචියෝ මහතා වසර 50 කට පමණ පෙර ජපානයේ වසෙදා විශ්ව විද්‍යාලයෙහි පිහිටි ෂකුහචි සමාජයක් වන කොචිකු-කයි හිදී එම සංගීත භාණ්ඩය වාදනය ඉගෙනීමට පටන්ගත්තේය. වසර දහයකට පෙර කින්කො-රියු නම් ෂකුහචි ගුරුකුලයේ මාස්ටර් තත්ත්වය ලබාගැනීමත් සමගම හෙතෙම සිය වේදිකා නාමය වන චිකුසුකේ යන්න අත්කරගන්නට යෙදුණි.
දියුණු ශ්‍රී ලංකාවක් ගොඩනැගීම සඳහා වත්මන් රජය ගෙන යන වැඩපිළිවෙළට එක්සත් අරාබි එමීර් රාජ්යයේ සහාය
කොංගෝවෙන් හඳුනානොගත් වෛරසයක්
කථානායකට එරෙහි විශ්වාසභංගයක් ආවොත් ආණ්ඩුව ගන්න තීරණය
-
පුවත්1 week agoතල්දූව ධූරයෙන් ඉවතට
-
පුවත්6 days agoකතානායකගේ අධ්යාපන සුදුසුකම් ගැන ප්රශ්නයක්
-
පුවත්2 days agoෆේස්බුක් සටහනක් දැමූ ගුරුවරියක් ගැන විමර්ශනයක්
-
පුවත්5 days agoකුප්රකට වාහන ආනයන කරුවෝ පාරිභෝගිකයන් මුලාකරන දැන්වීම් දාලා – මහාචාර්ය වසන්ත
-
පුවත්6 days agoමිලියන 55ක් වංචා කළ දොස්තර අත්අඩංගුවට