Connect with us

කලා

Jailer ට විශේෂ අධිකරණ නියෝගයක්

Published

on

ඉන්දීය සිනමාවේ ආදායම් වාර්තා බිඳදැමු Jailer සිනමාපටයට එරෙහිව විශේෂ අධිකරණ නියෝගයක් ලබා දී ඇත.

එයට හේතුව නම් IPL ක්‍රිකට් කණ්ඩායමක් වන රෝයල් චැලන්ජර්ස් බැංගලෝර් කණ්ඩායමේ ජර්සියකින් සැරසී සිටින මිනීමරුවෙකු සිටින රූපරාමුවක් මෙම චිත්‍රපටයට ඇතුළත් වී තිබීමයි.

මේ සම්බන්ධයෙන් නඩුවක් ගොනු කරමින් එම කණ්ඩායමේ නීතිඥයන් පවසා තිබුණේ මෙම ජර්සිය භාවිතා කිරීමට Jailer නිෂ්පාදන කණ්ඩායමට අවසර නොතිබුණු බවත්, මෙම රූපරාමුව හේතුවෙන් සිය සන්නාම නාමයට බලපෑමක් ඇති විය හැකි බවයි.

දෙපාර්ශවයේම නීතිඥයන් අධිකරණයට පවසා තිබුණේ මෙම නඩුව අධිකරණයට පිටතදී මෙම  ප්‍රශ්ණය නිරාකරණය කරගැනීමට කැමැත්ත පළ කරන බවයි.

සැප්තැම්බර් 01දා වන විට ඉහත රූපරාමුව ඩිජිටල් ලෙස වෙනස් කරන බවට Jailer නිෂ්පාදනය කළ Sun Pictures සමාගම පොරොන්දු වී තිබුණි. තවද, මෙම වෙනස් කරන ලද දර්ශනය සහිත චිත්‍රපටය රූපවාහිනී සහ OTT වේදිකාවල විකාශය කරන බවටද ඔවුන් සහතික වී ඇත.

දකුණු ඉන්දීය සිනමාවේ සුපිරු තරුව රජිනිකාන්ත් ප්‍රධාන රංගනයෙන් දායකත්වය ලබා දෙන Jailer චිත්‍රපටය, මේ වන විට එරට ආදායම් වාර්තා බිඳදමමින් අතිසාර්ථක ලෙස ප්‍රදර්ශනය වේ.

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

කලා

ෂාරුක් රෝහල් ගත කෙරේ

Published

on

By

ඉන්දියාවට බලපා තිබෙන දැඩි උෂ්ණත්වය හේතුවෙන් ඇතිවූ හදිසි රෝගී තත්වයක් මත ඉන්දීය සුපිරි බොලිවුඩ් නළු ෂාරුක් ඛාන් රෝහල් ගත කර ඇතැයි එරට මාධ්‍ය වාර්තා කළේය.

කල්කටා නයිට් රයිඩර්ස් කණ්ඩාම සහ සන්රයිස් හයිද්‍රාබාද් කණ්ඩායම අතර 21 දින පැවැති තරඟය නැරඹීම සඳහා ෂාරුක් ඛාන් අහමාදාබාද් නගරය වෙත පැමිණ සිට ඇති බවත් එහිදී ප්‍රීති ඝෝෂා නගමින් අධික ලෙස වෙහෙස වීම හේතුවෙන් ඔහුට විජලන තත්වයක් ඇති වී ශරීර උෂ්ණත්වය අධික ලෙස ඉහළ ගොස් ඇති බවත් ඉන්දීය මාධ්‍ය සඳහන් කළේය.

එම රෝගී තත්වය හේතුවෙන් ඔහුව අහමදාබාද්හි කේ.ඩී රෝහල වෙත ඇතුළත් කර ඇති බවත් ගෞරි ඛාන්, බොලිවුඩ් සුපිරි නිළි ජුහී චව්ලා සහ ඇයගේ සැමියාද වහාම කේ.ඩී රෝහල වෙත පැමිණ ඇති බවත් ඉන්දීය මාධ්‍ය වාර්තා කළේය.

ෂාරුක්ගේ වත්මන් සෞඛ්‍ය තත්වය පිළිබඳ ජනතාව දැනුවත් කරමින් බොලිවුඩ් සුපිරි නිළි ජුහී චව්ලා ප්‍රකාශ කර සිටියේ ෂාරුක් ඛාන්ගේ සෞඛ්‍ය තත්වය යහපත් අතට හැරෙමින් පවතින බවත් කල්කටා නයිට් රයිඩර්ස් කණ්ඩාම සහභාගී වන අවසන් තරඟය නැරඹීමට පැමිණීමට ඔහුට හැකියාව ලැබෙතැයි තමන් විශ්වාස කරන බවත්ය.

Continue Reading

කලා

එකම වේදිකාවක සම්මානනීය වූ තාත්තයි දුවයි

Published

on

By

ප්‍රවීණ ගායන ශිල්පි රූකාන්ත ගුණතිලක සහ ඔහුගේ ආදරණීය දියණිය වින්ඩි ගුණතිලක ඊයේ (17) රාත්‍රියේ සම්මානයට පාත්‍ර විය.

ඒ, ”Business World International Awards USA – 2023” සම්මාන රාත්‍රියේදීයි.

එහිදී, රූකාන්ත ගුණතිලක මහතා ”Pride of Sri Lanka (Music)” සම්මානයට හිමිකම් කියූ අතර ඔහුගේ දියණිය වින්ඩි ගුණතිලක සම්මාන ද්විත්වයකට හිමිකම් ලැබුවාය.

ඒ, ”Pride of Global (Music) 2022” සහ ”Global Icon (Music) 2023” යන සම්මාන ද්විත්වයටයි.

BWIO විසින් සංවිධානය කරන ලද මෙම විශිෂ්ටතා සම්මාන උළෙල ගෝලීය වශයෙන් ව්‍යාපාර සහ ව්‍යවසායක විශිෂ්ටයින් ඇගයීම උදෙසා ක්‍රියාත්මක වන්නකි.

Continue Reading
Advertisement

Trending

Copyright © 2023 Sri Lanka Mirror. All Rights Reserved