ජාත්යන්තර වමත්කරුවන්ගේ දිනය අද (13) යි
අද දිනය ලොව පුරා වෙසෙන වමත් පුද්ගලයන්ගේ සුවිශේෂත්වය සමරන දිනයක් ලෙසයි සැළකේ.
ප්රධාන වශයෙන්ම දකුණත් ලෝකයට වමත්කරුවන් ඇතුළත් කිරීම සහ ප්රවර්ධනය කිරීම, වම් අතින් ක්රියා කරන්නන්ගේ අභියෝග සහ ජයග්රහණ පිළිබඳව දැනුවත් කිරීම වෙනුවෙන් අද දිනය වෙන්වී තිබේ.
සමීක්ෂණවලින් හෙළිව තිබෙන්නේ ලොව පුරා සිටින මිනිසුන්ගෙන් 10% ක් පමණ වම් අතට හුරු වූවන් වන බවය.
පාසලේ දී හෝ වැඩ කරන ස්ථානයේදී ”’වමත හුරු” නිසා අපසහුතාවට පත් වූ අයෙක් වේ නම්, අද ඔවුන් වෙනුවෙන් කතා කළ යුතු දවසක් ලෙස අද දිනය සැළකේ.
වමත්කරුවන් වෙනුවෙන් වූ ජාත්යන්තර දිනය විවිධත්වයේ සුන්දරත්වය මතක් කර දෙමින් කලාව ,විද්යාව ,ක්රීඩාව සහ එදිනෙදා ජීවිතය දක්වා වූ ගමන තුළ වමත හුරු පුද්ගලයින් ලද ජයග්රහණ පිළිබඳව කතා කරන දිනයක් ලෙසද සැළකේ.
ජාත්යන්තර වමත්කරුවන්ගේ දිනය ප්රථම වරට සමරනු ලබන්නේ 1976 දීය. ඒ වමත්කරුවන්ගේ සමාජයේ නිර්මාතෘ ඩීන් ආර්. කැම්බල් විසිනි.
ප්රධාන වශයෙන් මෙවන් දිනයක් ප්රකාශ කිරීමට හේතුව වී ඇත්තේ දකුණත් ලෝකයක වමත් පුද්ගලයන් මුහුණ දෙන අභියෝග සහ අත්දැකීම් පිළිබඳව දැනුවත් කිරීමයි.
වම් අත පමණක් හුරු ළමුන් සඳහා ලිවීමේදී, ආහාර ගැනීමේදී විශේෂ අවදානයක් අවශ්ය බව පෙන්වා දීමත් වම් අත පමණක් හුරු පුද්ගලයින්ට භින්නෝන්මාදය වර්ධනය වීමේ සම්භාවිතාවක් ද පවතී.
විවිධ ක්ශේත්රයන්හි කැපී පෙනෙන දක්ෂතා දැක්වූවන් අතර වමත්කරුවෝ ද වෙති.
ඒ අනුව ඩියෙගො මැරඩෝනා, පේලේ, ලියනෝල් මෙසී, සනත් ජයසූරිය, බ්රයන් ලාරා, ඩේවිඩ් වෝනර්, මයිකල් බෙවන්, සෞරව් ගංගුලි, කුමාර් සංගක්කාර්, මයික් ටයිසන් වැනි ක්රීඩා පෞරුෂයන් ද
බිල් ක්ලින්ටන් ,බැරැක් ඔබාමා ඇතුළු එක්සත් ජනපද හිටපු ජනාධිපතිවරුන් කිහිප දෙනෙකුම වමත්කරුවන්. බ්රිතාන්යයේ හිටපු අගමැති ඩේවිඩ් කැමරන් මෙන්ම එක්සත් රාජධානියේ අනාගත රජු වන විලියම් කුමරු ද වමත්කරුවෙකි.
ජස්ටින් බීබර් ,ඔප්රා වින්ෆ්රේ, ශ්රීමත් පෝල් මැකාට්නි, ලේඩි ගාගා ,ජෙනිෆර් ලෝරන්ස් වැනි කලා ලෝකයේ ප්රසිද්ධ චරිත ද වමත්කරුවන්ය.
මෑතක් වන තුරුම එක්සත් රාජධානියේ වමත් මිනිසුන්ට ළමා කාලයේ දී ඔවුන්ගේ වම් අත භාවිතා කරන කාර්යයන් සඳහා ඔවුන්ගේ දකුණු අත භාවිතා කිරීමට බල කෙරුණු බවයි සඳහන්ය. මෙය තවමත් සමහර රටවල සිදු වන්නක් බවත් සඳහන් වේ.
ලෝකයේ බොහෝ ප්රදේශවල වම් අත අපිරිසිදු හෝ රළු ලෙස පිළිගැනේ.
ඉන්දියාව, පකිස්ථානය, බංගලාදේශය, ඉන්දුනීසියාව, නේපාලය සහ මැදපෙරදිග වැනි රටවල දී ආහාර ගැනීමට, යමක් භාර දීමට වම් අත භාවිතා කරන්නේ නම් එය අශිෂ්ට හැසිරීමක් ලෙස සැලකේ.
පර්යේෂකයින් පෙන්වා දෙන්නේ ළදරුවන්ගෙන් 90% ක් පමණ ඔවුන්ගේ දකුණු මාපටැඟිල්ල උරා බොන අතර වයස අවුරුදු 12 දී එම දකුණු මාපටැඟිල්ල උරා බොන්නන් සියල්ලම පාහේ දකුණු අතට හුරු වන බවයි. එමෙන්ම වම් මාපටැඟිල්ල උරා බොන අයගෙන් හතරෙන් තුනක්ම වම් අතට හුරුවන බවයි.
කෙසේ වෙතත් අගෝස්තු 13 දිනය ලෝකය පුරා සිටින වමත්කරුවන්ගේ දිනය ලෙස වෙන්කර තිබේ.
