Connect with us

පුවත්

අගමැති – චීන ජනපතිව හමුවෙයි

Published

on

චීන ජනාධිපති ෂී ජින්පිං මහතා හා ශ්‍රී ලංකා අග්‍රාමාත්‍ය දිනේෂ් ගුණවර්ධන මහතා අතර හමුවක් අද (27) බෙයිජිං අගනුවරදී පැවැත්විණි.

දෙරට අතර දීර්ඝ කාලීන මිත්‍රත්වයක් පවතින බවත්, ස්වාධීනත්වය, ස්වෛරීභාවය සහ ජාතික අභිමානය ආරක්ෂා කර ගැනීම සඳහා ශ්‍රී ලංකාව වෙනුවෙන් ස්ථිරව පෙනී සිටින අතරතුර, ශ්‍රී ලංකාවේ ජාතික තත්ත්වයන්ට ගැළපෙන නවීකරණ මාවතක් ගවේෂණය කිරීමටත්, ශ්‍රී ලංකාවේ ආර්ථික හා සමාජීය සංවර්ධනය සඳහා සහය ලබාදෙන බවටත් චීන ජනාධිපතිවරයා මෙහිදී පවසා ඇත.

විශේෂයෙන්ම කොළඹ වරාය නගරය සහ හම්බන්තොට වරාය යන ප්‍රධාන ව්‍යාපෘති දෙක ඇතුළුව එක් තීරයක් එක මාවතක් ව්‍යාපෘතියේ සහයෝගීතාව ප්‍රවර්ධනය කිරීමට දෙපාර්ශ්වයම ඒකාබද්ධ උත්සාහයක් ගත යුතු බවද චීන ජනාධිපතිවරයා මෙහිදී පවසා ඇත.

සම්පත් කළමනාකරණ ක්‍රමවේද මෙන්ම බලශක්ති හා කාර්මික සහයෝගීතාව වැඩිදියුණු කිරීමට දෙරට එක්ව කටයුතු කළ යුතු බවද ඔහු පෙන්වා දී ඇත.

ශ්‍රී ලංකාවෙන් උසස් තත්ත්වයේ නිෂ්පාදන වැඩියෙන් එරටට ආනයනය කිරීමට හා ශ්‍රී ලංකාවේ ආයෝජනය කිරීමට චීන ව්‍යවසායකන් තවදුරටත් දිරිමත් කිරීමටත් ඉදිරියටත් කටයුතු කරන බව පැවසූ චීන ජනාධිපතිවරයා, ශ්‍රී ලංකාවේ ව්‍යාපාරික පරිසරය සාධාරණ හා විනිවිදභාවයෙන් යුක්ත වනු ඇතැයි අපේක්ෂා කරන බවද මෙහිදී පවසා ඇත.

ග්‍රාමීය දිළිඳුකම තුරන් කිරීම සඳහා ශ්‍රී ලංකාව සමඟ සහයෝගයෙන් කටයුතු කිරීමටත්, තිරසර සංවර්ධනයක් සහිතව ආර්ථික පරිවර්තනයක් කරා යාමට සහය දීම සඳහාත් චීනය උනන්දුවෙන් සිටින බව ෂී ජනපතිවරයා වැඩිදුරටත් පවසා ඇත.

මෙහිදී අදහස් දක්වමින් ශ්‍රී ලංකා අග්‍රාමාත්‍ය – දිනේෂ් ගුණවර්ධන මහතා, පෙර නොවූ විරූ ආර්ථික අර්බුදයක දී ලබාදුන් සහාය සහ ණය ප්‍රතිව්‍යුහගත කිරීමේ පහසුකම් ලබාදීම පිළිබඳව චීන ජනාධිපතිවරයා වෙත සිය ස්තූතිය පුද කර තිබේ. 

ජනාධිපති රනිල් වික්‍රමසිංහ මහතාගේ චීන සංචාරයේ දී ගනු ලැබූ තීරණ ක්‍රියාත්මක කිරීමේ ප්‍රගතියද  අග්‍රාමාත්‍යවරයා මෙහිදී පැහැදිලි කර ඇති අතර, පාසල් අධ්‍යාපනය, කෘෂිකර්මය, සෞඛ්‍ය, තාක්‍ෂණය, සංස්කෘතිය සහ ආගම වැනි ක්ෂේත්‍ර සඳහා ලබාදුන් සහයෝගය පිළිබඳ ව ද අග්‍රාමාත්‍යවරයා චීන ජනාධිපතිවරයාට සිය ස්තූතිය පළ කර සිටියේය. 

(මූලාශ්‍ර – ෂින්හුවා හා අග්‍රාමාත්‍ය මාධ්‍ය අංශය)

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved