Connect with us

පුවත්

අගමැති හා විපක්ෂනායකගෙන් මෝදි ට සුබපැතුම්

Published

on

තුන්වෙනි වතාවටත් ඉන්දියාවේ අග්‍රාමාත්‍ය ධුරයට පත් වූ ශ්‍රී නරේන්ද්‍ර  මෝදි   මහතාට අග්‍රාමාත්‍ය දිනේෂ් ගුණවර්ධන  සහ විපක්ෂ නායක සජිත් ප්‍රේමදාස යන මහත්වරු පාර්ලිමේන්තුවේදී අද (05)  සුභ පැතුම් පිරිනැමූහ.

මෙහිදී අදහස් දැක්වූ අගමැතිවරයා පැවසුවේ මෝදි අග්‍රාමාත්‍යවරයා ලෝකය පුරා  දැවැන්ත පණිවිඩයක් ගෙන ගිය සුවිශේෂ නායකයකු බවයි.

පාර්ලිමේන්තු ප්‍රජාතන්ත්‍රවාදයෙ යෝධයා ලෙස කවුරුත් දන්නා ඉන්දියාව ආසියානු රටවල් සමග ඇති කරගෙන තිබෙන මිත්‍රත්වය සහයෝගය සහ එකමුතුකම ගෞරවයෙන් සිහිපත් කළ  අගමැතිවරයා මෝඩි මහතාගේ ජයග්‍රහණයෙන්  දැවැන්ත ජයග්‍රහණ උදා කිරීමට ඉන්දියාවට හැකිවනු ඇතැයි ප්‍රකාශ කළේය.

ඉන්දියාව සමග අන්‍යෝන්‍ය සබඳතා තවදුරටත් ශක්තිමත් කර ගැනීමට බලාපොරොත්තු වන බවද ඔහු කීවේය.

මෙහිදී අදහස් දැක්වූ විපක්ෂ නායක සජිත් ප්‍රේමදාස මහතා පැවසුවේ ශ්‍රී ලංකාව ආර්ථික වශයෙන් ඇද වැටුණු අවස්ථාවේදී මෝදි අග්‍රාමාත්‍යවරයා සහෝදරයකු මෙන් සැලකූ ආකාරය කිසිවෙකුටත් අමතක නැති බවයි.

රට ඇද වැටුණු මොහොතේ ශ්‍රී ලංකාවට වැඩිම ආධාර දුන්නේ ඉන්දියාව බවද ප්‍රේමදාස මහතා ගෞරවයෙන් සිහිපත් කළේය.

ඉන්දියා අග්‍රාමාත්‍ය මෝදි  මහතාගේ ජයග්‍රහණය ගැන තවත් මැති ඇමතිවරු රැසක්ද මෙහිදී අදහස් දැක්වූහ.

පුවත්

කුලී නිවෙස් හිමියන්ට බද්දක්

Published

on

By

ශ්‍රී ලංකාවේ රාජ්‍ය ආදායම ඉහළ නැංවීමේ පියවරක් වශයෙන් 2025 අප්‍රේල් 01 වනදා සිට ක්‍රියාත්මක වන පරිදි පදිංචිව සිටින සහ හිස්ව තිබෙන නේවාසික දේපොළ සඳහා ආරෝපිත කුලී ආදායම් බද්දක් හඳුන්වාදීමට ජාත්‍යන්තර මූල්‍ය අරමුදල යෝජනා කර තිබේ.

ජාත්‍යන්තර මූල්‍ය අරමුදල ශ්‍රී ලංකාව පිළිබඳව නිකුත් කර ඇති නවතම සවිස්තරාත්මක වාර්තාවක මේ පිළිබඳව දක්වා තිබේ.

ජාත්‍යන්තර මූල්‍ය අරමුදලේ ශ්‍රී ලංකාව සඳහා වන සිව් අවුරුදු විස්තීර්ණ මූල්‍ය පහසුකම් වැඩසටහනේ දෙවන සමාලෝචනයෙන් අනතුරුව  IMF Country Report 24/161 වාර්තාව ප්‍රකාශයට පත් කෙරුණි.

එවැනි බද්දක් හඳුන්වා දීමේ වැදගත්කම එම වාර්තාවෙහි දැක්වෙයි.

රජයේ ආදායම ඉහළ දැමීම සඳහා මෙවැනි බද්දක් හඳුන්වා දීම ඉතා වැදගත් බව ජාත්‍යන්තර මූල්‍ය අරමුදල පෙන්වා දෙයි.

මෙම බදු ක්‍රමය 2026 වසර වනවිට සම්පූර්ණයෙන් ක්‍රියාත්මක කිරීමට ශ්‍රී ලංකාව ඉලක්ක කරගෙන ඇති බව ද එම වාර්තාවේ සඳහන් වේ.

ආරෝපණය කළ කුලී ආදායම් බද්දක් යනු නිවසක හිමිකරුවෙකු සිය නිවස කුලියට ලබාදුන්නේ නම් ඔහුට හෝ ඇයට ලබාගත හැකි ආදායම ඇස්තමේන්තු කර ඒ සඳහා බදු මුදලක් අය කිරීමය.

මෙම බද්ද නිවසේ වටිනාකම මත නොව ඉන් ලැබිය හැකි අදායම මත පදනම් වේ.

මෙම බදු ක්‍රමය ක්‍රියාත්මක කිරීම සඳහා පළාත් පාලන ආයතන මට්ටමින් දත්ත ගබඩාවක් පිහිටුවීමට ශ්‍රී ලංකාව අවධානය යොමු කළයුතු බවත් එම දත්ත ගබඩාවට මෙරට දේපොළ හිමියන් සතුව ඇති දේපොළ සම්බන්ධයෙන් යාවත්කාලීන කළ ඇස්තමේන්තුවක් ඇතුළත් විය යුතු බවත් ජාත්‍යන්තර මූල්‍ය අරමුදල පෙන්වා දෙයි.

එම දත්ත ගබඩාව නිර්මාණය කිරීම මෙම වසරේ අගෝස්තු මාසය වන විට අවසන් විය යුතු බවද එම වාර්තාවේ සඳහන් වේ.

මීට පෙර ජාත්‍යන්තර මූල්‍ය අරමුදල විසින් හඳුන්වාදීමට සූදානම් වූ දේපොළ බදු සහ තෑගි හා ප්‍රවේණි බදු ක්‍රමය ක්‍රියාවට නැංවීම විවිධ ව්‍යවස්ථාමය සීමාකම් හේතුවෙන් ප්‍රමාදවීම හේතුකොට ගෙන මෙලෙස නව ‘ආරෝපිත කුලී ආදායම් බද්දක්‘ හඳුන්වාදීමට ජාත්‍යන්තර මූල්‍ය අරමුදල පියවර ගෙන ඇත.

Continue Reading

පුවත්

ඉන්දීය විදේශ ඇමති මේ මස අගදී ලංකාවට

Published

on

By

ඉන්දීය විදේශ අමාත්‍ය ආචාර්ය එස්. ජයශංකර් මහතා නිල සංචාරයක් සඳහා මෙරටට පැමිණිමට නියමිත බව විදේශ කටයුතු අමාත්‍යාංශය පවසයි.

එළැඹෙන ජුනි 20 වනදා ඒ මහතා ශ්‍රී ලංකාවට පැමිණීමට නියමිත බවයි වාර්තා වේ.

පසුගියදා ඉන්දියාවේදී ජනාධිපති රනිල් වික්‍රමසිංහ මහතා සමඟ පැවති සාකච්ඡාවකදී අතරමග නවතා දමා තිබූ ඉන්දීය ආයෝජන සමඟ ශ්‍රී ලංකාවේ ආරම්භ කළ සංවර්ධන ව්‍යාපෘති කඩිනමින් යළි ආරම්භ කිරීම පිළිබඳව ආචාර්ය ජයිශංකර් මහතා ප්‍රකාශ කර තිබුණි.

ඉන්දීය විදේශ කටයුතු අමාත්‍යවරයා තවදුරටත් පවසා ඇත්තේ, මෙම කටයුතුවල ප්‍රගතිය අධීක්ෂණය කිරීම සඳහා ශ්‍රී ලංකාවට පැමිණීමට නියමිත බවය.

Continue Reading

පුවත්

අදානිගේ  සුළං බලාගාර දෙකට උපයෝගීතා කොමිසමේ අවසරය නැහැ

Published

on

By

ඉන්දීය අදානි සමාගමේ යෝජිත පුනරීන් සහ මන්නාරම සුළං බලාගාර දෙක සඳහා පවතින තත්ත්වය යටතේ අවසර දීමට නොහැකි බව ශ්‍රී ලංකා මහජන උපයෝගීතා කොමිෂන් සභාව දන්වා තිබේ.

ඒ අනුව මහජන උපයෝගීතා කොමිෂන් සභාව දැනුම් දී ඇත්තේ, පාරිසරික බලපෑම් තක්සේරුවේ ප්‍රතිඵල සහ මධ්‍යම පරිසර අධිකාරිය විසින් නිකුත් කරන ලද පාරිසරික බලපත්‍රයේ විස්තර ඇතුළු තවත් තොරතුරු ඉදිරිපත් කරන ලෙසය.

පුනරීන් සහ මන්නාරම සුළං බලාගාර සඳහා ඉන්දීය අදානි සමාගමට ආයෝජන මණ්ඩලයේ අනුමැතිය සහිත ලිපිය පසුගිය වසරේ පෙබරවාරි 23 වැනිදා ලබා දී තිබුණි.

එහිදී ප්‍රකාශ කෙරුණේ, ඩොලර් මිලියන 442ක ආයෝජන ව්‍යාපෘතියක් වන මෙමගින්, මෙගාවොට් 350ක ධාරිතාවක් ජාතික පද්ධතියට එක් කිරීමට නියමිත බවය.

කෙසේවෙතත්, පුනරීන් සහ මන්නාරම සුළං බලාගාර දෙක සඳහා අවසර ලබාදීමට නම් තවත් පැහැදිලි කිරීම් හා තොරතුරු රැසක් කොමිසම වෙත අවශ්‍යව ඇති බව ශ්‍රී ලංකා මහජන උපයෝගීතා කොමිෂන් සභාව දන්වා තිබේ.

Continue Reading

Trending

Copyright © 2023 Sri Lanka Mirror. All Rights Reserved