Connect with us

පුවත්

අද වර්ජනයට වෘත්තීය සමිති 100ක් එක් වෙයි!

Published

on

අද වර්ජනයට වෘත්තීය සමිති 100ක් එක් වෙයි!

අසාධාරණ බදු ප්‍රතිපත්තියට එරෙහිව තෙල්, වරාය, විදුලි, සෞඛ්‍ය, දුම්රිය, බැංකු, ගුරු ඇතුළු වෘත්තීය සමිති 1000කට අධික ප්‍රමාණයක් අද දින (01) රටපුරාම වැඩවර්ජන සහ විරෝධතා පැවැත්වීමට නියමිතය.

ඒ අනුව තෙල්, විදුලිබල සහ ජලසම්පාදන සේවකයන් අද දින අකුරට වැඩ කිරීමේ වෘත්තීය ක්‍රියාමාර්ගයක නියැළෙන අතර සෞඛ්‍ය සේවකයන් රෝගී සත්කාර සේවාවට බරපතළ හානියක් නොවන ලෙස වෘත්තීය ක්‍රියාමාර්ග ගන්නා බව දන්වා තිබේ.

රෝහල්වල ඇතැම් අංශවලින් සම්පූර්ණයෙන්ම ඉවත් විය හැකි බැවින් ඒවායෙන් සම්පූර්ණයෙන්ම ඉවත් වී වැඩවර්ජනය කරන බවත්, හදිසි ප්‍රතිකාර ලබා දිය යුතු අංශවල ඒවා සිදු කරමින් විරෝධතාව සඳහා සහාය දක්වන බවත් සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පැවැසීය.

කළු පටි පැලඳ, කළු කොඩි ඔසවමින් මෙම විරෝධතාව දහවල් කෑම පැයේදී සිදු කිරීමට නියමිතය.

රෝහල්වල හදිසි ප්‍රතිකාර සේවා අඛණ්ඩව පවත්වා ගනිමින් අද දිනයේදී රට පුරා පැවැත්වෙන උද්ඝෝෂණ මාලාවට රජයේ වෛද්‍ය නිලධාරීන්ගේ සංගමයේ සාමාජිකයන්ගේ උපරිම සහභාගිත්වය ලබාදෙන බවද එහි ලේකම් වෛද්‍ය හරිත අලුත්ගේ මහතා කියා සිටී.

එමෙන්ම අද දින දුම්රිය වර්ජනයක් නොකරන බවත් වර්ජනයට සමගාමීව ආණ්ඩුවේ අසාධාරණ ක්‍රියාකලාපයට එරෙහි දැවැන්ත විරෝධතාවක් සිදුකරන බවත් දුම්රිය වෘත්තීය සමිති සන්ධානය පවසයි.

අද දින දුම්රිය කළු කොඩි ඔසවා ධාවනය වන බවත්, දුම්රිය සේවකයන් කළු පටි පැලඳ සේවා සඳහා පැමිණීමට කටයුතු යොදා ඇත.

මේ අතර බස් ධාවනයද අද සාමාන්‍ය පරිදි සිදුවන බව බස් සංගම් සඳහන් කර සිටිති.

එමෙන්ම ගුරුවරුන්ද කළු පටි පැලඳ සේවයට වාර්තා කර පාසල් ඉදිරිපිට කළු කොඩි ඔසවා විරෝධතා පැවැත්වීමට නියමිතය.

මෙම වැඩවර්ජන සහ විරෝධතා ක්‍රියාවලියට ලංකා බැංකු සේවක සංගමයද එක්වන බව එම සංගමයේ ප්‍රධාන ලේකම් රන්ජන් සේනානායක මහතා කියා සිටී.

ඒ අනුව ලංකා බැංකු සේවක සංගමයේ සාමාජිකත්වය දරන රාජ්‍ය, පෞද්ගලික හා විදෙස් බැංකු 18ක සේවකයන් අද දින වැඩවර්ජනයේ නිරත වෙති.

මේ අතර වරාය, ගුවන් තොටුපොළ සහ මගී ප්‍රවාහන සේවා ආශ්‍රිත සේවාවන් අත්‍යවශ්‍ය සේවාවන් බවට අලුතින් අර්ථ දක්වමින් ජනාධිපති ලේකම් ඊ. එම්. එස්. බී. ඒකනායක මහතාගේ අත්සනින් යුතුව පෙරේදා (27) ගැසට් නිවේදනයක් නිකුත් කෙරිණි.

ඒ අනුව මගීන් හෝ භාණ්ඩ පිටකිරීම්, ගොඩබෑම, ගබඩා කිරීම, බෙදා හැරීම සහ ආහාර පාන භාණ්ඩ හෝ ගල් අඟුරු, තෙල්, ඉන්ධන ඕනෑම වරායක් තුළ ඇති යාත්‍රාවලින් ඉවත් කිරීම පොදු ප්‍රවාහන සේවා බවට ගැසට් නිවේදනය මගින් මෙලෙස ප්‍රකාශයට පත් කර ඇත.

එමෙන්ම මාර්ග, පාලම්, බෝක්කු, ගුවන් තොටුපළ, වරාය සහ දුම්රිය මාර්ග ඇතුළුව මාර්ග, දුම්රිය හෝ ගුවන් මගීන් ප්‍රවාහන සේවා සඳහා පහසුකම් සැපයීම සහ නඩත්තු කිරීම, වහාම ක්‍රියාත්මක වන පරිදි අත්‍යවශ්‍ය සේවාවන් ලෙසද ප්‍රකාශයට පත් කර ඇත.

මෙම ගැසට් නිවේදනය නිකුත් කිරීමට හේතුවී ඇත්තේ වරාය, ගුවන් තොටුපොළ සහ මගී ප්‍රවාහන සේවාවන් ඇතුළු වෘත්තීය සමිති ගණනාවක් විසින් අද දින සිදු කරන වැඩවර්ජනය වැළැක්වීම සඳහා බවද වාර්තා වේ.

සබැඳි පුවත්

ජනපතිගෙන් තවත් අති විශේෂ ගැසට් එකක්!

පුවත්

වෛද්‍ය කපිල වික්‍රමනායකගේ පෙත්සම ගැන අධිකරණයෙන් තීරණයක්

Published

on

By

සෞඛ්‍ය අමාත්‍යාංශයේ වෛද්‍ය සැපයීම් අංශයේ අධ්‍යක්ෂ වෛද්‍ය කපිල වික්‍රමනායක මහතා විසින් ඉදිරිපත් කළ පෙත්සම සලකාබැලීම සඳහා ජුනි මස 04 වනදා කැඳවන ලෙස අභියාචනාධිකරණය නියම කලේය.

තමන්ව රක්ෂිත බන්ධනාගාර ගත කිරීමට දුන් නියෝගය නීතියට පටහැනි බවට තීන්දුවක් ලබාදෙන ලෙස ඉල්ලා ඔහු මෙම පෙත්සම ගොනු කර තිබුණි.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් මාළිගාකන්ද මහෙස්ත්‍රාත් අධිකරණය විසින් ඔහුව රක්ෂිත බන්ධනාගාර ගත කරන ලදී.

අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්‍රන් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් ඉදිරියේ එම පෙත්සම අද (30) කැඳවනු ලැබීය.

එහිදී නීතිපතිවරයා වෙනුවෙන් පෙනී සිටි  නියෝජ්‍ය සොලිසිටර් ජනරාල් නිර්මලන් විග්නේෂ්වරන් මහතා සඳහන් කළේ මෙම පෙත්සමට අදාළ සීමිත විරෝධතා ගොනුකර අවසන් බවය.

ඉන්  අනතුරුව පෙත්සම සලකාබැලීම සඳහා ජුනි මස 04 වනදා කැඳවන ලෙස නියෝග කලේය.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් තමන්ව පොදු දේපොළ පනත යටතේ නඩුව අවසන් වනතුරු රක්ෂිත බන්ධනාගාර ගත කිරීමට මාළිගාකන්ද මහෙස්ත්‍රාත් අධිකරණය විසින් දී ඇති නියෝගය බලරහිත කරන ලෙස ඉල්ලා ඔහු විසින් මෙම පෙත්සම ඉදිරිපත් කර තිබුණි.

Continue Reading

පුවත්

කබ්රාල්ගේ විදෙස් ගමන් තහනම තාවකාලිකව ඉවතට

Published

on

By

හිටපු මහ බැංකු අධිපති අජිත් නිවාඩ් කබ්රාල් මහතාට වෛද්‍ය ප්‍රතිකාර ලබාගැනීම සඳහා ඔහුට පනවා තිබූ විදේශ ගමන් තහනම තාවකාලිකව ඉවත් කිරීමට ඊයේ (29)  කොටුව මහෙස්ත්‍රාත් කෝසල සේනාධීර මහතා නියෝග කලේය.

ශ්‍රී ලංකා රජයට අයත් මහබැංකු බැඳුම්කර නිකුත් කිරීමේදී අමෙරිකානු ඩොලර් මිලියන 6.5ක මුදලක් අහිමි කිරීම සම්බන්ධ නඩුවට අදාළව හිටපු මහ බැංකු අධිපති අජිත් නිවාඩ් කබ්රාල් මහතාට විදෙස් ගමන් තහනමක් පනවා තිබුණි.

ඒ අනුව, ඔහුට එරෙහිව පනවා තිබූ  විදේශ ගමන් තහනම ලබන ජුනි මස 07 වනදා සිට ජූලි මස 07වනදා දක්වා තාවකාලිකව ඉවත් කිරීමට ඒ ඔහු වෙනුවෙන් පෙනී සිටි නීතිඥ මඩුල්ල මෝසමක් ගොනු කරමින් සිදු කළ ඉල්ලීමට කොටුව මහේස්ත්‍රාත් කෝසල සේනාධීර අවසර ලබා දීම සිදුවිය.

එංගලන්තයේ සිදු කිරීමට නියමිත හෘද රෝග පරීක්ෂාවක් සඳහා මෙලෙස අවසර ලබා දුනි.

අජිත් නිවාඩ් කබ්රාල් මෙම සිද්ධිය සම්බන්ධයෙන් සැකකරුවෙකු ලෙස නම් කර නැති බව කියමින් විදේශ ගමන් තහනම සම්පූර්ණයෙන්ම ඉවත් කරන ලෙස අජිත් නිවාඩ් කබ්රාල් මහතා වෙනුවෙන් ඔහුගේ නීතිඥවරුන් මෙහිදී ඉල්ලීමක් කලේය.

කෙසේවෙතත්, සැකකරුවෙක් ලෙස නම් කර නැතත් සිදු කරන විමර්ශනවලට බාධා විය හැකි බව පවසමින්  මහේස්ත්‍රාත්වරයා එම ඉල්ලීම ප්‍රතික්ෂේප කර තිබේ.

විමර්ශන අනුව ඕනෑම අවස්ථාවක සැකකරුවෙක් ලෙස නම් කළ හැකි බවත් විදේශ ගත වුවහොත් විමර්ශනවලට බාධා විය හැකි බවත් කියමින් මහේස්ත්‍රාත් වරයා මෙම නියෝගය නිකුත් කලේය.

ශ්‍රී ලංකාවේ ප්‍රතිරූපය ඉහළ නැංවීම සඳහා ඇමරිකාවේ පදිංචි පුද්ගලයකුට ඇමරිකානු ඩොලර් මිලියන 6.5ක ප්‍රමාණයක් ලබාදීම සම්බන්ධයෙන් සිදු කරන විමර්ශන අවසන් නොකිරීම නිසා ඉතා අත්‍යවශ්‍ය කටයුත්තකට හෝ විදේශගත වීමට ඔහුට නොහැකි වී ඇති බවත් විශිෂ්ට රාජ්‍ය සේවකයකුට එලෙස බාධා කිරීම ඉතා අසාධාරණ බවත් කියමින් නීතිඥ මල්දිනි හේරත් හා නීතිඥ ෂෙනාල් විජේසිංහ සමග පෙනීසිටි ජ්‍යෙෂ්ඨ නීතිඥ චමින්ද අතුකෝරළ මහතා මෙහිදී අධිකරණය හමුවේ කරුණු දක්වන ලදී.

කරුණු සලකා බැලූ මහෙස්ත්‍රාත්වරයා, ලබන මස 5 වැනිදා සිට ජූලි මස 5 වැනිදා දක්වා කාලය සඳහා විදේශ ගමන් තහනම ඉවත් කිරීමට ද නියෝග කලේය.

සබැඳි පුවත්

Continue Reading

පුවත්

අධිකරණයට අපහාස කළැයි මෛත්‍රීට පෙත්සමක්

Published

on

By

අධිකරණයට අපහාස කළේ යැයි චෝදනා කරමින් හිටපු ජනාධිපති මෛත්‍රීපාල සිරිසේන මහතාට එරෙහිව අභියාචනාධිකරණය හමුවේ පෙත්සමක් ගොනු කර තිබේ.

ශ්‍රී ලංකා නිදහස් පක්ෂයේ විධායක සභිකයකු වන මොන්ටේගු සරත්චන්ද්‍ර මහතා විසින් පෙත්සම ඉදිරිපත් කරන ලදී.

පෙත්සම අද (30) අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ෂශී මහේන්ද්‍රන් යන විනිසුරු මඩුල්ල ඉදිරියේ කැඳවනු ලැබීය.

එහිදී අධිකරණය විසින් පෙත්සම්කාර පාර්ශ්වයේ නීතිඥවරයාට නියෝග කළේ, මෙම පෙත්සමට අදාළව කරුණු තහවුරු කිරීම සඳහා වගඋත්තරකාර මෛත්‍රීපාල සිරිසේන මහතා වෙත නොතීසි යැවීමට පියවර ගන්නා ලෙසයි.

ශ්‍රී ලංකා නිදහස් පක්ෂයේ සභාපතිවරයා වශයෙන් කටයුතු කිරීම වළක්වාලමින් කොළඹ දිසා අධිකරණය විසින් අතුරු තහනම් නියෝගයක් නිකුත් කර තිබියදී එය උල්ලංඝනය වන ආකාරයෙන් කටයුතු කිරීම තුළින් අධිකරණයට අපහාස කළේ යැයි චෝදනා කොට හිටපු ජනාධිපති මෛත්‍රීපාල සිරිසේන මහතාට එරෙහිව මෙම පෙත්සම ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved