Connect with us

පුවත්

අද හවසට දුම්රියේ ටිකට් නැතිව යා හැකියි: අතහිත දුම්රිය ස්ථානධිපතිවරු

Published

on

අද (14) සවස සිට දුම්රිය ස්ථානාධිපතිවරුන් විසින් වෘත්තීය ක්‍රියාමාර්ගග රැසක් ගැනීමට සැලැසුම්කර ඇතැයි ශ්‍රී ලංකා දුම්රිය ස්ථානාධිපතිවරුන්ගේ සංගමය කියාසිටී.

ඒ උසස්වීම් හා බඳවාගැනීම් මෙන්ම ආසන වෙන්කිරීමේ ගැටලු මුල් කරගනිමිනි.

මෙසේ ක්‍රියාත්මක කිරීමට සැලැසුම්කර ඇති වෘත්තීය ක්‍රියාමාර්ග අතරින් අද සවස්වරුවේ දුම්රිය ප්‍රවේශපත්‍ර නිකුත් නොකිරීමට ගෙන ඇති තීන්දුව ජනප්‍රිය මාතෘකාවක් වී තිබේ.

කෙසේවුවද, මේ හේතුවෙන් දුම්රිය ප්‍රවේශපත්‍ර නොමැතිව මගීන්ට ගමන් කළ හැකි වීම හා මගී ආදායම් දුම්රිය දෙපාර්තුමේන්තුවට අහිමි වීමත් පාර්සල් බාර ගැනීම හා බෙදාහැරීම් අඩාළ වීමත් ඇතුළු විවිධ අලාභදායක ක්‍රියාදාමයන් සිදුවිය හැකි බව දුම්රිය ස්ථානාධිපති සංගමය සඳහන් කර සිටියි.

දුම්රිය ස්ථානාධිපති සංගමයේ සභාපති සුමේධ සෝමරත්න මහතා පවසන්නේ දුම්රිය මෙහෙයුම් කටයුතු, දුම්රිය උප කාර්ය මණ්ඩල පාලන කටයුතු, පාර්සල් බාර ගැනීම හා බෙදාහැරීම, දුම්රිය ප්‍රවේශපත්‍ර නිකුත් කිරීම හා ආදායම් වාර්තා දුම්රිය දෙපාර්තුමේන්තුවට ලබාදීම ඇතුළු කටයුතු රැසක්ම දුම්රිය ස්ථානාධිපතිවරුන්ට පැවරී ඇති බවය.

සිය වෘත්තීය ක්‍රියාමාර්ගය ගැන අද සවස රැස්ව අවසන් තීරණය ගන්නා බවද මේ අනුව ක්ෂණික වෘත්තීය ක්‍රියාමාර්ග විවිධ ආකාරයෙන් ගනු ඇති බවද සභාපතිවරයා කියා සිටියි.

අද දහවල් 02.00ට ප්‍රථම සිය ගැටලු සම්බන්ධයෙන් පිළිතුරක් ලබාදෙන්නැයි දුම්රිය සාමාන්‍යාධිකාරීවරයාගෙන් ලිඛිතව ඉල්ලා තිබෙන බව දුම්රිය ස්ථානාධිපති සංගමයේ ප්‍රධාන ලේකම් සංජය ජයසුන්දර මහතා කියයි.

දුම්රිය ස්ථානාධිපති, නියාමක, රියැදුරු, අධීක්ෂණ කළමනාකරු යන තනතුරු එකම කාණ්ඩයක පැවැතියත් විශේෂ කැබිනට් පත්‍රිකාවක් මගින් රියැදුරු, නියාමක, අධීක්ෂණ කළමනකරුවන්ට වසර පහෙන් පහට උසස් වීම් ලබාදීමේ ක්‍රමවේදයක් ක්‍රියාත්මක කර තිබෙන බවත් එම ක්‍රමවේදයට දුම්රිය ස්ථානාධිපතිවරුන්ද ඇතුළත් කරගන්නැයි බලකරන බවත් ලේකම්වරයා පවසයි.

විශේෂ කැබිනට් පත්‍රිකාවක් මගින් ඒ සඳහා අවසර ලබාගෙන ඇති මුත් දුම්රිය ස්ථානාධිපතිවරුන්ගේ උසස් වීම් වසර දහයකට වරක් සිදුවීම බලවත් අසාධාරණයක් බවද හෙතෙම කියා සිටී.

මේ තත්ත්වය හේතුවෙන් ස්ථානාධිපතිවරුන්ගේ උසස් වීම් ද වසර පහෙන් පහට සිදුකරන්නැයි ඉල්ලා සිටින බවද ඔහු පවසයි.

එසේම දුම්රිය ස්ථානාධිපති තනතුරු 1372 ක් තිබෙන නමුත් මේ වනවිට සිටින්නේ ස්ථානාධිපතිවරුන් 900 කට ආසන්න සංඛ්‍යාවක් පමණක් බවත් ඉදිරි දෙවසර තුළ එම පිරිසද වැඩි වශයෙන් අඩු විය හැකි බවත් සඳහන් කරන දුම්රිය ස්ථානාධිපති සංගමය කඩිනමින් බඳවාගැනීම් සිදුකර පුරප්පාඩු පිරවීමට අවශ්‍ය පියවර ගන්නා ලෙසද ඉල්ලා සිටියි.

පුවත්

යුනෙස්කෝ අධ්‍යක්ෂවරිය ලංකාවට පැමිණෙයි

Published

on

By

එක්සත් ජාතීන්ගේ, අධ්‍යාපනික, විද්‍යාත්මක සහ සංස්කෘතික සංවිධානයේ අධ්‍යක්ෂ ජනරාල් ඕද්රි අසූලේ මහත්මිය, ශ්‍රී ලංකාවේ සංචාරයක් සදහා අද (16)  අලුයම කටුනායක ගුවන් තොටුපොළෙන් පැමිණියාය.

අධ්‍යක්ෂකවරිය සමග ඇයගේ දූත පිරිස ලෙස තවත් තිදෙනකු ද පැමිණ පැමිණ තිබේ.

ඔවුන් අද (16) අලුයම 02.10 ට දෝහා සිට කටාර් ගුවන් සේවයේ කිව්.ආර්.- 662 දරන ගුවන් යානයෙන් කටුනායක ගුවන් තොටුපොළ විශේෂ අමුත්තන්ගේ මැදිරිය වෙත පැමිණ ඇත.

ඔවුන් පිළිගැනීම සදහා ශ්‍රී ලංකා විදේශ කටයුතු අමාත්‍යාංශයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටි බව වාර්තා වේ.

සබැඳි පුවත්

යුනෙස්කෝ සංවිධානයේ අධ්‍යක්ෂ ජනරාල් ශ්‍රී ලංකාවේ සංචාරයක

Continue Reading

පුවත්

ට්‍රම්ප් රිපබ්ලිකන් පක්ෂයේ ජනාධිපති අපේක්ෂකයා ලෙස නම් කරයි

Published

on

By

 2024 අමෙරිකානු ජනාධිපතිවරණයේ රිපබ්ලිකන් පක්ෂ අපේක්ෂකයා ලෙස හිටපු ජනාධිපති ඩොනල්ඩ් ට්‍රම්ප් නිල වශයෙන් නම් කර තිබේ.

ඒ,  ඊයේ (15) විස්කොන්සි ප්‍රාන්තයේ මිල්වෞකි නගරයේ ආරම්භ වූ රිපබ්ලිකන් පක්ෂ සම්මේලනයේදීය.

පෙන්සිල්වේනියා ප්‍රාන්තයේ පැවති මැතිවරණ රැළියකදී වෙඩි ප්‍රහාරයකට ලක්ව සුළු තුවාල ලැබු හිටපු ජනාධිපතිවරයා සමුළුවට සහාභාගි වීම ජාත්‍යන්තරයේ දැඩි අවධානයට ලක් විය.

දින 04 ක් පුරා මෙම ජාතික සම්මේලනය පැවැත්වීමට නියමිතයි.

මෙහිදී ඩොනල්ඩ් ට්‍රම්ප් 2024 අමෙරිකානු ජනාධිපතිවරණයේ රිපබ්ලිකන් පක්ෂ අපේක්ෂකයා ලෙස නම් කරුණු අතර 39 හැවිරිදි ඔහායෝ සෙනෙට් සභික ජේ ඩී වාන්ස් රිපබ්ලිකන් පක්ෂ උපජනාධිපති ධුරය සඳහා නම් කෙරුණි.

අමෙරිකාව යළිත් විශිෂ්ට රාජ්‍යක් කිරීම වෙනුවෙන් ඔහු සිය උපරිම දායකත්වය ලබාදෙනු ඇතැයි අමෙරිකානු හිටපු ජනාධිපති ඩොනල්ඩ් ට්‍රම්ප් මෙම සම්මේලනයේදී ප්‍රකාශ කර ඇත.

Continue Reading

පුවත්

හොරු අල්ලන බව කී අනුරගේ ෆයිල් 400න් 360ක්ම හිස් බව රනිල් කියයි

Published

on

By

තමන් බලයට පත්වූ පසු රටේ හොරුන් අල්ලන බවට ප්‍රකාශ කරමින් ජාතික ජන බලවේගයේ නායක අනුර කුමාර දිසානායක මහතා විසින් ලිපි ගොනු පෙන්වා සිදුකර ඇත්තේ රංගනයක් බවත් එම ලිපි ගොනු බොහෝ ප්‍රමාණයක් හිස් ඒවා බවත් ජනාධිපති රනිල් වික්‍රමසිංහ මහතා කියයි.

නීතීඥවරු පිරිසක් සමග ජනාධිපති ලේකම් කාර්යාලයේ පැවැති හමුවකදියි ජනාධිපතිවරයා මේ බව කියා ඇතැයි වාර්තා වේ.

අනුර කුමාර ෆයිල් 400ක් පෙන්වා හොරු අල්ලන බව කී නමුත් එම ෆයිල් 400න් 40කට නඩු පැවරූ බවත් ඉතුරු ලිපි ගොනු 360ක් හිස් බවයි ජනාධිපතිවරයා එහිදී පවසා ඇත්තේ.

ජනාධිපතිවරයා එහිදි අදහස් දක්වමින් අනුර කුමාරට ලිපි ගොනු 400ක් පෙන්වීමට වඩා කළ යුතු වන්නේ ලිපිගොනු 40ක් පෙන්වීම බව පවසා තිබේ.

තමන් දූෂණ විරෝධි පනත ක්‍රියාත්මක කිරීමට සූදානම් බවත් පනත ක්‍රියාත්මක කිරීමට යාන්ත්‍රණයක් තමන් යෝජනා කරන බවත්, ජනාධිපතිවරයා වැඩිදුරටත් අදහස් දක්වමින් එහිදී කියා ඇත.

මූලාශ්‍රය – මොනරා

Continue Reading

Trending

Copyright © 2023 Sri Lanka Mirror. All Rights Reserved