Connect with us

පුවත්

අරක්කුවල ප්‍රමිතිය සොයන්න පරීක්ෂණාගාරයක්!

Published

on

මිනිස් පරිභෝජනයට නුසුදුසු මධ්‍යසාර හඳුනා ගැනීම සහ ඊට එරෙහිව නීතිය ක්‍රියාත්මක කිරීම සඳහා සුරා බදු දෙපාර්තමේන්තුව යටතේ ම වෙනම රසායනාගාරයක් ස්ථාපනය කිරීමට මෙවර අයවැය මගින් යෝජනා කර ඇතැයි මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා පවසයි.

අමාත්‍යවරයා පෙන්වා දෙන්නේ මෙමගින් ප්‍රමාදයකින් තොරව අදාළ මධ්‍යසාර හඳුනා ගැනීමේ හැකියාව ලැබෙන බැවින් ඒවා සමාජ ගත වීම කඩිනමින් වැලැක්විය හැකි බවයි.

සියඹලාපිටිය මහතා මේ බව කියා සිටියේ සමස්ත ලංකා සුරාබදු සැරයන් සහ නියාමක සංගමයේ 70 වන වාර්ෂික සම්මේලනයට ඊයේ (18) එක්වෙමිනි.

“මෙවර අයවැය මගින් අපි සුරා බදු දෙපාර්තමේන්තුව සඳහා ම වෙනම රසායනාගාරයක් ඉදිකිරීම සඳහා රුපියල් මිලියන 100ක් වෙන් කරල තියෙනවා. මේක කාලාන්තරයක් තිස්සේ තිබුණ ඉල්ලීමක්. දැනට සුරාවල ප්‍රමිතිය සම්බන්ධ කටයුතු රස පරීක්ෂක දෙපාර්තමේන්තුව හරහා සිදු වන බැවින් කාර්ය බහුලත්වයත් එක්ක ප්‍රමාදයක් සහිතව තමයි ඒ කටයුතු සිදු වෙන්නේ. ” යැයි අමාත්‍යවරයා පැවැසීය.

2023 අයවැය යෝජනාවලිය සම්බන්ධයෙන් ද අමාත්‍යවරයා මෙහි දී අදහස් පළ කළේ ය.

“මෙවර අයවැයේ සඳහා රජයේ වියදම රුපියල් බිලියන 7800ක්. එය පසුගිය වසරේ විදයම ලෙස සටහන් වූ රුපියල් බිලියන 6100ට වඩා 30%ක ඉහළ යාමක්. රජයට වැඩිම ආදායම් හොයල දෙන ලැයිස්තුවේ තුන් වැනි තැන ඉන්න සුරා බදු දෙපාර්තමේන්තුවේ සුවිශේෂී නිලධාරීන් වන ඔබ ඒ වෙනුවෙන් පුළුල් කාර්යභාරයක් ඉටු කරමින් ඉන්නවා. අපි මාසෙකට රජයේ වැටුප් බිල විදියට රුපියල් බිලියන 92ක් හොයන්න ඕනෙ. විශ්‍රාම වැටුප් සඳහා රුපියල් බිලියන 26ක් හොයන්න ඕනෙ.” යැයි අමාත්‍යවරයා එහි දී පැවැසීය.

මෙම අවස්ථාවට සුරාබදු කොමසාරිස් ජනරාල් එම්.ජේ. ගුණසිරි මහතා ඇතුළු නිලධාරීහු පිරිසක් සහභාගී වූහ.

පුවත්

මේ සතියේ කැබිනට් තීරණ මෙන්න

Published

on

By

ඊයේ (ජූලි 15) පැවති අමාත්‍ය මණ්ඩල රැස්වීමේදී තීරණ රැසකට එළැඹ තිබේ.

එම තීරණ මෙසේය :

Continue Reading

පුවත්

ජල ගාස්තු සූත්‍රයට කැබිනට් අනුමැතිය

Published

on

By

ජාතික ජල සම්පාදන හා ජලාපවහන මණ්ඩලය සමාලෝචනය කිරීම පිණිස ගාස්තු ප්‍රතිපත්තිය සහ සූත්‍රය ක්‍රියාත්මක කිරීම සඳහා කැබිනට් අනුමැතිය ලැබී තිබේ.

2024-04-08 දින පැවැති අමාත්‍ය මණ්ඩල රැස්වීමේදි සාකච්ඡාවට ගන්නා ලද ජාතික ජල සම්පාදන හා ජලාපවහන මණ්ඩලයේ නව ගාස්තු ප්‍රතිපත්තිය සහ සූත්‍රයට සියලු පාර්ශ්ව සමග සාකච්ඡා කර අවශ්‍ය සංශෝධන ඇතුළත් කරමින් නව ගාස්තු ප්‍රතිපත්තිය සම සූත්‍රය ඉදිරිපත් කිරීමට නියම කර ඇත.

මේ අනුව සකස් කර ඇති සංශෝධිත ජල ගාස්තු ප්‍රතිපත්තිය සහ සංශෝධිත ජල ගාස්තු සූත්‍රය 2025 වසරේ සිට ක්‍රියාත්මක කිරීම පිණිස ජල සම්පාදන සහ වතු යටිතල පහසුකම් සංවර්ධන අමාත්‍යවරයා විසින් ඉදිරිපත් කළ යෝජනාව අමාත්‍ය මණ්ඩලය අනුමත කර ඇත.

Continue Reading

පුවත්

ආණ්ඩුක්‍රම ව්‍යවස්ථාව සංශෝධනයට කැබිනට් අනුමැතිය

Published

on

By

ආණ්ඩුක්‍රම ව්‍යවස්ථාව සංශෝධනය කිරීමේ පනත් කෙටුම්පත ගැසට් පත්‍රයේ පළ කිරීමට සහ පාර්ලිමේන්තුවට ඉදිරිපත් අමාත්‍ය මණ්ඩලයේ අනුමැතිය හිමි වී තිබේ.

කැබිනට් තීරණ දැනුම්දීමේ මාධ්‍ය හමුවට එක්වෙමින්, අමාත්‍ය බන්දුල ගුණවර්ධන මහතා මේ බව සඳහන් කලේය.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවේ 83 ව්‍යවස්ථාවේ (ආ) ඡේදයෙහි සඳහන් ” සාවුරුද්දක් ඉක්මවා” යන වචන වෙනුවට “වසර පහක් ඉක්මවා” යන වචන ආදේශ කරමින් 83 ව්‍යවස්ථාවේ (ආ) ඡේදය සංශෝධනය කිරීම පිණිස 2024-07-09 දින පැවති අමාත්‍ය මණ්ඩල රැස්වීමේදී ප්‍රතිපත්ති අනුමැතිය ලබා දී ඇති බව සඳහන්ය.

ඒ අනුව නීති කෙටුම්පත් සම්පාදක විසින් සකස් කරනු ලැබ ඇති කෙටුම්පත සඳහා නීතිපතිගේ අවසරය ලැබී තිබේ.

Continue Reading

Trending

Copyright © 2023 Sri Lanka Mirror. All Rights Reserved