රම්බොඩ, ගැරඬිඇල්ල ප්‍රදේශයේ දී බස් රථයක් ප්‍රපාතයකට පෙරළීමෙන් සිදුවූ බස් රථ අනතුරින් මිය ගිය පුද්ගලයින් සංඛ්‍යාව 22ක් දක්වා ඉහළ ගොස් ඇති බව පොලීසිය පවසයි.

අද (11) උදෑසන ප්‍රපාතයට පෙරළුණු එම බස් රථයේ කොටස් පස්වරුවේ ගොඩගෙන තිබේ.

පොලීසිය සහ යුදහමුදාව එක්ව විශාල දොඹකර ආධාරයෙන් මෙම බස් රථයේ කොටස් ගොඩට ගෙන ඇත.

පසුව එම කොටස් ඉදිරි පරික්ෂණ කටයුතු සඳහා කොත්මලේ පොලීසිය වෙත රැගෙන යවා ඇති බවද පැවසේ.

අද අළුයම සිදු වූ අනතුරින් මේ වන විට පුද්ගලයින් 22නෙකු මියගොස් ඇති බව වාර්තා වේ.

මෙම අනතුර සම්බන්ධ විමර්ශන කොත්මලේ පොලීසිය විසින් සිදුකරනු ලබයි.

පෞද්ගලික ආරක්ෂක සේවයක් පවත්වාගෙන යමින් එහි සේවය කරන ලද සේවකයන්ගේ අර්ථසාධක මුදල් සහ දායක මුදල් නොගෙවීම සම්බන්ධයෙන් වරෙන්තු ලබා සිටියදී අත් අඩංගුවටගෙන අධිකරණයට ඉදිරිපත් කළ රංගන ශිල්පීණී සේමිණි ඉද්දමල්ගොඩ ඇප මත මුදා හැරීමට කොළඹ අතිරේක මහේස්ත්‍රාත් බණ්ඩාර ඉළංඟසිංහ මහතා අද (11) නියෝග කළේය.

අර්ථසාධක නොගෙවීම සම්බන්ධයෙන් ගොනු කළ විමර්ශනයන්ට අධිකරණය හමුවේ පෙනී නොසිටීම හේතුවෙන් සැකකාරියට අධිකරණය මගින් වරෙන්තු හතක් නිකුත් කර තිබූ අතර එම වරෙන්තු අනුව වැලිකඩ පොලීසිය මගින් සැකකාරිය අත් අඩංගුවට ගෙන ඉදිරිපත් කිරීමෙන් පසුව මෙසේ ඇප නියම කළේය.

කොළඹ අධිකරණයේ,මාතර හා තංගල්ල අධිකරණවල විමර්ශනයන්ට අනුව මෙම වරෙන්තු සැකකාරියට එරෙහිව නිකුත් කර තිබිණි.

ජාතික ඖෂධ නියාමන අධිකාරිය සහ විද්යුත් ගමන් බලපත්‍ර නිකුත් කිරීමේ කටයුතු සඳහා එපික් ලංකා සමාගමේ මෘදුකාංග භාවිතා කිරීම වළක්වාලන අතුරු තහනම් නියෝගයක් නිකුත් කරන ලෙස ඉල්ලා සිවිල් අයිතිවාසිකම් පිළිබඳ වෛද්‍යවරුන්ගේ සංගමය විසින් ගොනුකර තිබූ මූලික අයිතිවාසිකම් පෙත්සම සලකා බැලීම සඳහා ජූනි 09 දා කැඳවන ලෙස ශ්‍රේෂ්ඨාධිකරකරණය ඉකුත් 08දා නියෝග කළේය.

මෙම පෙත්සම යසන්ත කෝදාගොඩ සහ සම්පත් අබේකෝන් යන මහත්වරුන්ගේ සමනවිත ශ්‍රේෂ්ඨාධිකරණය විනිසුරු මඩුල්ල ඉදිරියේ කැඳවනු ලැබූ අවස්ථාවේදී වග උත්තර කරුවන් වෙනුවෙන් නීතිපතිවරයා පමණක් අධිකරණය හමුවේ පෙනී සිටියේය.

ඒ අනුව සෙසු වගඋත්තරකරුවන්ට නොතිසියැවීමට පියවර ගන්නා ලෙසත් විනිසුරු මඩුල්ල විසින් පෙත්සම්කාර පාරිශ්‍රවයේ නීතිඥවරුන්ට දැනුම් දුන්හ. 

මෙම පෙත්සමේ වග උත්තරකරුවන් ලෙස එපික් ලංකා සමාගම, නීතිපතිවරයා ඇතුළු පිරිසක් නම් කරනු ලැබ සිටිති.

පෙත්සම්කරුවන් කියා සිටින්නේ වග උත්තරකාර එපික් ලංකා සමාගම විසින් නිර්මාණය කරන ලද මෘදුකාංගය ඖෂධ නියාමන අධිකාරිය මෙන්ම විද්‍යුත් ගමන් බලපත් නිකුත් කිරීමේ කටයුතු සඳහා මේ වනවිටත් යොදා ගන්නා බවයි. 

ඉකුත් කාලයේ ජාතික ඖෂධ නියාමන අධිකාරියේ දත්ත පද්ධතිය හරහා දත්ත වංචාවක් සිදු වී ඇති බවට කරුණු වාර්තා වී තිබුණු බවත් පෙත්සම්කරු සඳහන් කරයි.

එම වාතාවරණය හමුවේ වග උත්තර කාල සමාගමේ තවදුරටත් භාවිතා කිරීම තුළින් දැඩි අගතියක් සිදුවන බවත් පෙත්සමේ සඳහන් වෙයි.

එබැවින් මෙම කටයුතු සඳහා අදාළ මෘදුකාංගය භාවිතා කිරීම වළක්වාලන හතුරු තහනම් නියෝගයක් නිකුත් කරන ලෙසත් පෙත්සම්කරුවන් ශ්‍රේෂ්ඨාධිකරණයෙන් වැඩිදුරටත් ඉල්ලා සිටියේය.

මෙහිදී පෙත්සම්කාර පාර්ශ්වය වෙනුවෙන් වෙනුවෙන් ජනාධිපති නීතිඥ උදිත ඉගලහේවා පෙනී සිටියේය.

මේ අතර මෙම මූලික අයිතිවාසිකම් පෙත්සම ගොනු කළ පෙත්සම්කරු වන වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානයේ සභාපති වෛද්‍ය චමල් සංජීව එම නඩුව විභාගයෙන් අනතුරුව ශ්‍රේෂ්ඨාධිකරකරණ පරිශ්‍රයෙන් පිටතට පැමිණ මාධ්‍යට මෙසේ අදහස් දැක්වීය.

“ජාතික ඖෂධ නියාමන අධිකාරියේ දත්ත පද්ධතිය හරහා සිදු වූ දත්ත වංචාව සහ ඊට සමගාමිව මේ රටේ විදේශ ගමන් බලපත්‍ර නිකුත් කිරීමේදී පාස්පෝර්ට් සදහා වන ටෙන්ඩරය ලබා දීමේ ප්‍රමාදය සහ එම මෘදුකාංග පද්ධතිය නිසි පරිදි රජයේ භාරයට පත් කර නොගැනීම සම්බන්ධයෙන් තමයි අපි මූලික අයිතිවාසිකම් පෙත්සම ගොනු කළේ. මිට පෙර ටෙන්ඩරය ලබා දුන් සමාගමම එම මෘදුකාංගයේ අයිතිය තහවුරු කර ගනිමින් ඒ සම්බන්ධ වන ගාස්තු අය කර ගැනීමට කටයුතු කිරීම නිසා මේ රටේ සාමාන්‍ය මහජනතාවට විදේශ ගමන් බලපත්‍රයක් සදහා ගෙවන්න වෙන මුදල වගේ විශාල මුදලක් පසුගිය කාලයේ දිගින් දිගටම ගෙවන්න සිද්ද වුනා. ඒ වගේම ඉතාම දීර්ඝ කාලයක් තිස්සේ ප්‍රශ්න සහගත සමාගමකට එකවර ටෙන්ඩර් ලබා දීම නිසා ඊට වඩා අඩු මුදලකට සහ වැඩි ප්‍රතිලාභ සහිතව විදේශ ගමන් බලපත්‍ර ලබා ගන්න තියෙන අවස්තාව අහිමි වුනා. නව රජය බලයට පත් වුණත් මේ පිලිබදව දිගින් දිගටම ගැටළු මතු වුණා. මිට පෙර කවුරුන් හෝ කෙනෙක් පාස්පෝර්ට් ටෙන්ඩරය ලබා දීමේදී මේ රටේ මහජනතාවට අවාසියක් වන විදියට කටයුතු කිරීම ගැන රජයටත් අපි කියනවා අපි අධිකරණ ක්‍රියමාර්ග ගන්නා අතරතුර මේ පිළිබද පසු විපරමක් කරලා කරුණාකරලා නිවැරදි ප්‍රසම්පාදන යටතේ මිල අඩු සමාගමකට අවස්ථාව ලබා දෙන්න ඕන.

ඒ වගේම ආගමන විගමන දෙපාර්තමේන්තුව ජාතික ඖෂධ නියාමන අධිකාරියේ දත්ත වංචාවේදී දත්ත පරිපාලනය කල සමාගමටම ආගමන විගමන දෙපාර්තමේන්තුවේ දත්ත පරිපාලනය කරන්න අවස්තාව ලබා දීම ගැන නැවත පසුවිපරමක් කරලා කරුණාකරලා ආගමන විගමන දෙපාර්තමේන්තුවේ මේ රටේ මහජනතාවගේ දත්ත පරිගණකගත කිරීමේ අයිතිය අනිවාර්යෙන්ම ආගමන විගමන දෙපාර්තමේන්තුවේ භාරයට අරගෙන අපේ රටේ ජනතාවගෙන් පාස්පෝර්ට් එකක් ගන්න විට ඒ සදහා අමතරව අය කරන මෘදුකාංග ගාස්තුව අය කර ගැනීම අත්හිටුවන්න කියලා එම දෙපාර්තමේන්තුවෙන් සහ විෂය භාර ඇමතිගෙන් ඉල්ලනවා.”