Connect with us

පුවත්

අරගලයේ සිංදු කිව්ව කලාකරුවෝ දැන් රෝගී වෙනවා – රෝහිත

Published

on

කළුතර නගරයේ හෝටලයකට රැගෙන ගිය පාසල් දැරියක් ඝාතනය වීමේ සිද්ධියේ ප්‍රධාන සැකකරු අරගලයේ කළුතර දිස්ත්‍රික් ප්‍රධාන සංවිධායක බව කළුතර දිස්ත්‍රික් මන්ත්‍රි රෝහිත අබේගුණවර්ධන පාර්ලිමේන්තුවේ දී ඊයේ (09) පැවැසීය.

මන්ත්‍රිවරයා මෙසේද කීවේය.

‘‘දැන් අරගලකරුවන්ගෙ ඇත්ත තත්ත්ත්වය එළියට එනවා. ගම්වල ඉන්නවා සමහර කොටසක් රස්සා නැති. ඒකගෙ රස්සාව තමයි අනුන්ට වෛර කිරීම. ඒ වගේම කුඩ්ඩො ඉන්නවා. මේ වගේ අයට ගමේ කියන්නේ පිංගුත්තරයෝ. දැන් සැකපිට හාරදහස් ගණනක් ඉන්නවා. ඒ අයගෙ පැටිකිරිය ගත්තාම පිංගුත්තර අලුගුත්තේරුවො ඉන්නෙ.

ගෝල්ෆේස් අරගලයේ විවිධ පුද්ගලයන් හිටියා. කූඩාරම් හදාගෙන. වගාවල් කරලා තිබුණා. ඒ අයට මේ ආත්මයෙම පඩිසන් දුන් ආකාරයත් පේනවා. මම මේ කියන්නෙ කෙනෙකුට විපතක් වූ අවස්ථාවකදි සතුටට නෙමෙයි. බුදුන් තුන්වරක් වැඩිය රටක්. ස්වභාව ධර්මයයෙන් දඬුවම් ලැබෙනවා. අරගල බීමේ ජනාධිපතිතුමා එළවන්න නූලක් කැපුව කට්ටඩියෙක්. කපුවා මැරෙන්නේ හෙණ ගහලා. අංක එක ඒක. දෙක තමයි අරගල බිමේ පුස්තකාලයක් තිබුණා. එහි සිටි පුස්තකාලයාධිපති සියදිවි නසා ගත්තා. ඊළඟට වෙන්නෙ මොකක්ද? වෙසක් උත්සවයට කළුපාටින් වෙසක් කූඩු හැදුව පුද්ගලයා දැන් අංගොඩ පිස්සන් කොටුවේ. ඒ විතරක් ද ප්‍රධාන අරගලකරුවෙක් කෝච්චියට හැපිලා මැරෙනවා. මහින්ද රාජපක්ෂට බැන්න කෙනා ලංකා හොස්පිට්ල් එකේදි හදිසියේ මිය යනවා. තව තියෙනවා. ජනාධිපති කොඩිය හොරකන් කරගෙන තමන්ගෙ ඇඳට දාලා නිදිය ගත් තැනැත්තා සති දෙකකට කලින් ත්‍රිරෝද අනතුරකින් කකුල කපනවා. අතුකෝරල මන්ත්‍රිතුමාගේ සැකකරුවෙක් හිර ගෙදරදි නැති වෙනවා. සින්දු කිව්ව සමහර කලාකරුවො හදිසි රෝගී තත්ත්වයන්ට ලක් වෙනවා. වෙසක් දිනයේ කළුතර නගරයේ දැරියක් අරගෙන යනවා හෝටලයකට. අපි දන්නෙ නැහැ ඒ දරුවා මැරුණෙ කොහොමද කියලා. ඒ සිද්ධියේ ප්‍රධාන සැකකරු අරගලයේ කළුතර දිස්ත්‍රික් සංවිධායකවරයා. කසාදත් දෙකක් බැඳලා.’’

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved