Connect with us

පුවත්

අලුත් කැබිනෙට්ටුවේ අවසන් තීන්දුව බැසිල් රනිල් හමුවෙන් පසුවයි

Published

on

යෝජිත අමාත්‍ය මණ්ඩල පත් කිරීම් සම්බන්ධ අවසන් තීන්දුව ගැනීම සඳහා ජනාධිපති රනිල් වික්‍රමසිංහ මහතා සහ පොහොට්ටුවේ ජාතික සංවිධායක බැසිල් රාජපක්ෂ මහතා අතර විශේෂ හමුවක් ඉදිරි දින කිහිපය තුළදී පැවැත්වෙනු ඇතැයි ශ්‍රී ලංකා මිරර් වෙත වාර්තා වේ.

පසුගියදා පෞද්ගලික නිවාඩුවක් සඳහා ඇමෙරිකාව බලා ගිය බැසිල් රාජපක්ෂ මහතා ඊයේ (20) උදෑසන 8.30ට ඩුබායි සිට එමිරේට් ගුවන් සේවයේ ඊ.කේ. – 650 දරන ගුවන්යානයෙන් ශ්‍රී ලංකාවට පැමිණ තිබිණි.

බැසිල් මහතා මීට පෙර ලංකාවට පැමිණෙනු ඇතැයි වාර්තා පලව තිබුණේ ලබන ජනවාරි මාසයේදීය.

එසේම හිටපු ඇමැතිවරයාට ලබන වසරේ ජනවාරි 15 වැනිදා තෙක් විදේශගත වීමට ශ්‍රේෂ්ඨාධිකරණය අවසර ද ලබා දී තිබිණි.

මීට මාස තුනකට පමණ පෙර අමෙරිකා එක්සත් ජනපදය බලා ගොස් තිබූ, ඒ මහතා පිළිගැනීම සඳහා ඇමැති ප්‍රසන්න රණතුංග, රාජ්‍ය ඇමැතිවරුන් වන පියල් නිශාන්ත, ප්‍රසන්න රණවීර, සනත් නිශාන්ත, ශාන්ත බණ්ඩාර, පොදුජන පෙරමුණේ මන්ත්‍රීවරු වන රෝහිත අබේගුණවර්ධන, ජොන්ස්ටන් ප්‍රනාන්දු, ගාමිණී ලොකුගේ, එස්.එම්. චන්ද්‍රසේන, පවිත්‍රා වන්නිආරච්චි මහත්ම මහත්මීහු පැමිණ සිටියහ.

කෙසේවුවද, රාජපක්ෂ පවුලේ කිසිවකු ඔහු පිළිගැනීමට පැමිණ සිටියේ නැත.

පක්ෂය ප්‍රවර්ධනය කිරීමට මෙන්ම පක්ෂයේ ඉදිරි කටයුතු ක්‍රියාත්මක කිරීම සඳහා බැසිල් රාජපක්ෂ මහතා මෙරටට පැමිණි බව ගුවන්තොටුපළෙන් පිටතට පැමිණි රාජ්‍ය ඇමැති සනත් නිශාන්ත මාධ්‍යවේදීන් හමුවේ පැවසීය.

මෙම පැමිණීම පක්ෂයට ශක්තියක් මෙන්ම මන්ත්‍රීවරුන්ට ගමට ගොස් ඡන්දය ගන්න රාජපක්ෂවරු අවශ්‍ය බවත් හෙතෙම කීවේය.

ගුවන්තොටුපොළ අවට ඊයේ (20) විශේෂ ආරක්ෂක වැඩපිළිවෙළක් ද ක්‍රියාත්මක කර තිබිණි.

පුවත්

පුත්තලමේ පාසල් සඳහා හෙටත් නිවාඩු

Published

on

By

පවතින අයහපත් කාලගුණික තත්ත්වය හේතුවෙන් පුත්තලම දිස්ත්‍රික්කයේ සියලුම පාසල් හෙට (21) දිනයේදීත් වසා තැබීමට තීරණය කර තිබේ.

වයඹ පළාත් අධ්‍යාපන අධ්‍යයක්‍ෂ කාර්යාලය ඒ බව නිවේදනය කළේය.

Continue Reading

පුවත්

කෙහෙළිය යළිත් රිමාන්ඩ්

Published

on

By

හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 8 දෙනෙක් ජුනි මස 03 වනදා දක්වා නැවතත් රක්ෂිත බන්ධනාගාරගත කිරීමට අධිකරණය නියෝග කර තිබේ.

ඒ ප්‍රශ්නගත ඉමියුනෝග්ලොබියුලීන් ඖෂධ සිද්ධිය සම්බන්ධයෙන් එම සැකකරුවන් අද (20) මාළිගාකන්ද අධිකරණයට ඉදිරිපත් කළ අවස්ථාවේදී ය.

Continue Reading

පුවත්

විජයදාස ට සහ කීර්ති ට වාරණයක්

Published

on

By

ශ්‍රී ලංකා නිදහස් පක්ෂයේ සභාපතිවරයා ලෙස විජයදාස රාජපක්ෂ සහ වැඩ බලන මහලේකම් ලෙස කීර්ති උඩවත්ත යන මහත්වරු  කටයුතු කිරීම වළක්වාලමින් කොළඹ දිසා අධිකරණය වාරණ නියෝගයක් නිකුත් කර තිබේ.

පාර්ලිමේන්තු මන්ත්‍රී දුමින්ද දිසානායක මහතා විසින් ඉදිරිපත් කළ පැමිණිල්ලක් සලකා බැලීමෙන් අනතුරුව කොළඹ දිසා විනිසුරු සඳුන් විතාන මහතා මෙම නියෝගය නිකුත් කළේය.

Continue Reading

Trending

Copyright © 2023 Sri Lanka Mirror. All Rights Reserved