Connect with us

පුවත්

අස්වැසුම අඩපණයි –  ඇම්නෙස්ටිය ඉන්ටර්නැෂනල්

Published

on

දිළිඳුකම පිටුදැකීම සඳහා ලෝක බැංකුව ශ්‍රී ලංකාවට ලබාදුන් ඇමෙරිකානු ඩොලර් මිලියන 200ක ආධාර යටතේ ක්‍රියාත්මක කළ අස්වැසුම සමාජ ආරක්ෂණ වැඩසටහන නිසි පරිදි ක්‍රියාත්මක නොවන්නේ යැයි ඇම්නෙස්ටිය ඉන්ටර්නැෂනල් ආයතනයේ ”ඇක්ෂන් ස්පීක් ලවුඩර් දෑන් වර්ඩ්ස්” නමින් හඳුන්වා ඇති නවතම වාර්තාව මගින් පෙන්වා දී තිබේ.

LIRNEasia ආයතනයේ අධ්‍යයනයන්ට අනුව, දරිද්‍රතා රේඛාවට පහළින් සිටින පවුල් හඳුනාගැනීම සඳහා යෝජිත සූත්‍රය අනුව 47% ක් වැනි විශාල පිරිසක් එයට ඇතුළත්ව නොමැත. ඒ අනුව මිලියන 2කින් හඳුනාගෙන ඇත්තේ මිලියන 1.1ක් පමණ ප්‍රමාණයක් බවද එම වාර්තාව පෙන්වා දෙයි.

අස්වැසුම වැඩසටහනේ නිර්ණායක අනුව මෙම වැඩසටහන ඔස්සේ සහාය අවශ්‍ය විශේෂිත කණ්ඩායමක් වන ගැබිනි සහ කිරි දෙන මව්වරුන් ඇතුළත් කර නොමැති බවද එම වාර්තාව පෙන්වා දෙයි  ඔවුන් සඳහා ලබා දෙන ආහාර අතිරේකයක් වන ත්‍රිපෝෂ ලබාදීමද පසුගිය සමයේ නතර වූ අතර රජයේ අරමුදල් හිඟය හේතුවෙන් ඔවුනට ලබා දී ඇති ආහාර වවුචරවලින් අවශ්‍ය ද්‍රව්‍ය ලබාගැනීමටද නොහැකි වී තිබේ.  

මෙම වාර්තාව සකස් කරන කාලයේ මෙම වැඩසටහන සම්බන්ධයෙන් විරෝධතා 217,000ක් සහ අතර අභියාචනා 800,000ක් ඉදිරිපත්ව තිබූ බවද එම වාර්තාව සඳහන් කරයි.

(දේශය)

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved