Connect with us

පුවත්

ආනයන සීමා නිසා රේගු ආදායම 12%කින් බැහැලා

Published

on

කර්මාන්තවලට අවශ්‍ය භාණ්ඩ, ඖෂධ, ගෘහ උපකරණ ඇතුළු භාණ්ඩ රැසක ආනයන සීමා ඉවත්කිරීම සම්බන්ධව රජයේ අවධානය යොමුවී ඇතැයි මුදල් රාජ්‍ය ඇමැති රංජිත් සියඹලාපිටිය මහතා කියයි.

මුදල් රාජ්‍ය ඇමැතිවරයා රේගු මූලස්ථානයේදී ඊයේ (18) පැවැති සාකච්ඡාවකින් අනතුරුව මේ බව ප්‍රකාශ කළේය. රේගුවේ ඉකුත් පළමු කාර්තුවේ ආදායම් තත්ත්වය පිළිබඳව මෙහිදී සාකච්ඡා කෙරිණි.

මෙම භාණ්ඩවල සීමා ඉවත් කිරීමට අදාළව මහ බැංකුවේ ආර්ථික පර්‌යේෂණ අංශය සමග දැඩි සොයා බැලීමක් සිදුකරගෙන යන බවත්, රටට අවැඩක් නොවන පරිදි තීරණ ගන්නා බවත් ඇමැතිවරයා වැඩිදුරටත් එහිදී කීය.

රේගුවට ඉකුත් පළමු කාර්තුව සඳහා රුපියල් බිලියන 270 ක ඉලක්කයක් ලබාදී තිබුණද, එම කාලය තුළදී රේගුවේ ආදායම අපේක්ෂිත ආදායමට වඩා සියයට 12 ක අඩුවක් දක්නට ලැබෙන බවද, මේ සඳහා ප්‍රධාන වශයෙන් භාණ්ඩ ආනයන සීමා පනවා තිබීම හේතු වූ බවද ඇමැතිවරයා කීවේය.

2021 වසරේ දී වාහන ඇතුළු භාණ්ඩ 485 ක්ද, ඉකුත් වසරේදී (2022) භාණ්ඩ 750ක් සඳහා ආනයන සීමා පනවා තිබෙන බවත්, මාර්තු මාසයේ ඩොලරයේ අගය පහළ යාම ද ආදායම් ඉලක්ක කරා ළඟා වීමට නොහැකි වීමට හේතු වූ බවත් රාජ්‍ය ඇමැතිවරයා කීවේය.

ඉදිරියේදී රේගුවට ඩිජිටල් තාක්ෂණය වැනි ක්‍රම හඳුන්වාදීමට බලාපොරොත්තු වන බවත්, රේගු සංකේතාංක යාවත්කාලීන කරන බවත් මේ නිසා ඉදිරි අභියෝග සාර්ථකව ජය ගැනීමට හැකිවනු ඇති බවත් ඇමැතිවරයා සඳහන් කළේය.

පුවත්

ඉදිරි කාලගුණ තත්ත්වය ගැන රතු නිවේදනයක්

Published

on

By

කාලගුණවිද්‍යා දෙපාර්තමේන්තුව විසින් තද වැසි පිළිබඳ අනතුරු ඇඟවීමේ රතු නිවේදනයක් නිකුත් කර තිබේ.

අදාළ නිවේදනය  බස්නාහිර, සබරගමුව, වයඹ පළාත් සහ ගාල්ල, මාතර, මහනුවර, නුවරඑළිය සහ මන්නාරම දිස්ත්‍රික්ක සඳහා බලපැවැත්වේ.

නිරිත දිග මෝසම් තත්ත්වය දිවයින හරහා ක්‍රමයෙන් ස්ථාපිත වෙමින් පැවතීම හේතුවෙන් පවතින වැසි සහ සුළං තත්ත්වය තවදුරටත් බලාපොරොත්තු විය හැකි බව කාලගුණවිද්‍යා දෙපාර්තමේන්තුව නිවේදනය කරයි.

එමෙන්ම, බස්නාහිර සහ වයඹ පළාතේ ඇතැම් ස්ථානවල මි.මී 150ට වැඩි ඉතා තද වැසි ඇති විය හැකි බව ද කාලගුණවිද්‍යා දෙපාර්තමේන්තුව නිකුත් කළ නිවේදනයේ සඳහන්ය.

සබරගමුව පළාතෙත් ගාල්ල, මාතර, මහනුවර, නුවරඑළිය සහ මන්නාරම දිස්ත්‍රික්කවලත් ඇතැම් ස්ථානවලට මි.මී 100ට වැඩි තද වැසි ඇති විය හැකියි.

මේ අතර, කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්‍රදේශ සඳහා තද වැසි සහ තද සුළං මෙන්ම රළු මුහුද පිළිබඳව අවවාදාත්මක නිවේදනයක් ද කාලගුණවිද්‍යා දෙපාර්තමේන්තුව විසින් නිකුත් කර ඇත.

ඒ අනුව, බේරුවල සිට ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වූ මුහුදු ප්‍රදේශවල සුළඟේ වේගය පැ.කි.මී 60 දක්වා වැඩි වන අතර මුහුදු ප්‍රදේශ විටින් විට ඉතා රළු විය හැකි බවද සඳහන් වේ.

Continue Reading

පුවත්

ජනපති රනිල්ගෙන් ඉරානයට ශෝක ප්‍රකාශයක්

Published

on

By

ඉරාන ජනාධිපති ඊබ්‍රාහිම් රයිසි සහ විදේශ අමාත්‍ය අමීර් අබ්දුල්ලාහිගේ මරණය සම්බන්ධයෙන් ජනාධිපති රනිල් වික්‍රමසිංහ මහතා සිය ශෝකය පළ කර තිබේ.

ඒ සිය නිල X ගිණුමෙහි සටහනක් තබමිනි.

ඔවුන්ගේ ඛේදනීය මරණය පිළිබඳව ශ්‍රී ලංකාව දැඩි කම්පනයට සහ ශෝකයට පත් වී ඇති බව එහි සඳහන් වේ.

එමෙන් ම ශෝකයට පත් වූ පවුල්වලට, රජයට සහ ඉරාන ජනතාවට සිය බලවත් සංවේගය ප්‍රකාශ කරන බවයි ජනාධිපති රනිල් වික්‍රමසිංහ මහතා සිය පණිවිඩයේ සඳහන් කර ඇත.

Continue Reading

පුවත්

ඥානසාර හිමිට සමාව දෙන්නැයි මහනාහිමිවරු ඉල්ලති

Published

on

By

ලගොඩඅත්තේ ඥානසාර හිමිට ජනාධිපති සමාව ලබා දෙන ලෙස ඉල්ලා තෛයිනිකායික මහනාහිමිවරු ජනාධිපති රනිල් වික්‍රමසිංහ මහතාට ලිපියක් යොමු කර තිබේ.

පසුගිය 2016 වසරේදී කූලරගල රජමහා විහාරස්ථානය සම්බන්ධ පැවැති මාධ්‍ය සාකච්ඡාවක් අතරතුරදී ජාතින් අතර අසමගියක් ඇතිවන ආකාරයට කටයුතු කළේ යැයි කියන සිද්ධියක් සම්බන්ධයෙන් අත්අඩංගුවට ගත් ඥානසාර හිමිට පසුව වසර 07ක සිර දඬුවමක් නියම කෙරිණි.

එම ලිපිය පහත දැක්වෙයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved