පුවත්
ආරක්ෂක ප්‍රදර්ශනය – 2022 සදහා ලංකාවෙන් ඉහළ පෙළේ නියෝජිත පිරිසක්
ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතාගේ ප්‍රධානත්වය යටතේ යුධ සහ නාවික හමුදා නිලධාරීන් ඇතුළු තිදෙනෙකුගෙන් සමන්විත නිල නියෝජිත පිරිසක් වසර දෙකකට වරක් පැවැත්වෙන ඉන්දියාවේ ප්‍රමුඛතම ප්‍රදර්ශනයක් වන ආරක්ෂක ප්‍රදර්ශනය 2022 සඳහා සහභාගී වීම වෙනුවෙන් මේ දිනවල ඉන්දියානු සංචාරයක නිරත වේ.
අග්‍රාමාත්‍ය නරේන්ද්‍ර මෝදි මැතිතුමා විසින් 2022 ඔක්තෝබර් මස 19 වන දින ගුජරාටයේ ගාන්ධි නගර්හිදි මෙම ප්‍රදර්ශනය විවෘත කරන ලදී. පසුගිය වසරක කාලය තුළදී අග්‍රාමාත්‍ය මෝදි මැතිතුමා විසින් සමාරම්භ කරන ලද අවස්ථාවකට ශ්‍රී ලංකා අමාත්‍යවරයකු සහභාගී වන දෙවන අවස්ථාව මෙය වේ. 2021 ඔක්තෝබර් මස කුෂිනගර් ජාත්‍යන්තර ගුවන් තොටුපළ විවෘත කිරීමේ අවස්ථාවට ද ශ්‍රී ලංකා අමාත්‍යවරුන් සහභාගී වූහ.
ආරක්ෂක ප්‍රදර්ශනයේ දී අදහස් දක්වමින් රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා ආරක්ෂක ක්ෂේත්‍රය තුළ ඉන්දියාව සහ ශ්‍රී ලංකාව අතර පවතින සහයෝගීතාවය අගය කළේය. ආරක්ෂක ප්‍රතිපත්තිය තහවුරු කිරීමෙහි ලා ආරක්ෂක කර්මාන්ත පදනමෙහි වැදගත්කම අවධාරණය කළ එතුමා අංශ පහ පුරාම නවීන යුධ කර්තව්‍යයන්හි පරිවර්තනයෙහි ස්වභාවය ගැඹුරින් වටහා ගැනීම සඳහා ආරක්ෂක ප්‍රදර්ශනය 2022 මනා මාවතක් නිර්මාණය කරන දෙන බව සඳහන් කළේය.
“Make in India, Make for the World” දැක්ම සාක්ෂාත් කරගැනීම මෙන්ම ආරක්ෂක ක්ෂේත්‍රය තුළ ස්වයං යැපීමක් තහවුරු කිරීම සඳහා ඉන්දියාවේ ආරක්ෂක ක්ෂේත්‍රයේ වර්ධනය වන ශක්තීන් විදහා දැක්වෙන ආරක්ෂක ප්‍රදර්ශනය විශාලතම ආරක්ෂක ප්‍රදර්ශනය වේ. යුධ උපකරණ සහ සන්නද්ධ හමුදාවන්ගේ, රාජ්‍ය ආරක්ෂක ක්ෂේත්‍රයේ සහ කර්මාන්තයේ කුසලතා සහ හැකියාවන් ප්‍රදර්ශනය කරමින් පැවති සජීවී වැඩසටහන් ද මෙහිදී සංවිධානය කර තිබිණ.
අමාත්‍ය ප්‍රමිත බණ්ඩාර තෙන්නකෝන් මහතා 2022 ඔක්තෝබර් 17 වන දින ඉන්දියාවේ ආරක්ෂක සහ සංචාරක කර්මාන්ත රාජ්‍ය අමාත්‍ය අජේ භාත් මහතා ද හමු විය. ආරක්ෂක ක්ෂේත්‍රය සඳහා ශ්‍රී ලංකාවට අඛණ්ඩව සහය දැක්වීමට ඉන්දියාව සූදානම් බව අමාත්‍ය භාත් මහතා මෙහිදී සහතික විය. ශ්‍රී ලංකා නියෝජිත පිරිස සහ ආරක්ෂක අමාත්‍යතුමා, ආරක්ෂක ලේකම්තුමා, ආරක්ෂක මාණ්ඩලික ප්‍රධානීතුමා සහ ත්‍රවිධ හමුදාපතිවරුන් සමඟ සුහද කතාබහක නිරත වූහ.
ඉන්දියාව සහ ශ්‍රී ලංකාව අතර ආරක්ෂක ක්ෂේත්‍රෙය් ද්විපාර්ශවික සබඳතා විවිධ අංශ ඔස්සේ පැතිර පවතී. කොවිඩ් 19 වසංගතය විසින් මතුකළ අභියෝග හමුවේ වුවද දෙරට අතර ඉහළ පෙළේ අන්තර් ක්‍රියාවන් අඛණ්ඩව පැවැත්විණ. SLINEX නාවික අභ්‍යාසය සහ මිත්‍ර ශක්ති යුධ අභ්‍යාසය සෑම වසරකම පැවැත්වෙන අතර එය වසරක ශ්‍රී ලංකාවේ ද ඊළඟ වසරේ දී ඉන්දියාවේ ද පැවැත්වේ. මත්ද්‍රව්‍ය සහ මිනිස් ජාවාරම වැනි පොදු ආරක්ෂක අභියෝගයන්ට මුහුණ දීමේ දී දෙරට හමුදාවන් සමීප සහයෝගයකින් කටයුතු කරයි. කොළඹ ආරක්ෂක පර්ෂදය කලාපීය මට්ටමින් මෙවැනි අභියෝගයන් ජය ගැනීම සඳහා ප්‍රධාන ආරක්ෂක වේදිකාවක් බවට පත් වී ඇත. ශ්‍රී ලංකාවේ සමුද්‍රීය ආවේක්ෂණ හැකියාවන් ඉහළ නැංවීම සඳහා පළමු ඩෝනියර් සමුද්‍රීය නිරීක්ෂණ ගුවන් යානය 2022 අගෝස්තු මස 15 වන දින ඉන්දියාව විසින් ශ්‍රී ලංකා ගුවන් හමුදාවට තිළිණ කරන ලද අතර ඒ සඳහා ජනාධිපති රනිල් වික්‍රමසිංහ මැතිතුමා ද සහභාගී විය.
අත්දැකීම් බෙදා හදා ගැනීම සහ කුසලතා සංවර්ධනය ශක්තිමත් සහෝදරත්වයකින් හෙබි සහ අන්‍යෝන්‍ය වශයෙන් ප්‍රතිලාභදායි ඉන්දු – ශ්‍රී ලංකා ආරක්ෂක සහයෝගීතාවය අප දෙරටට පොදු ආරක්ෂාව ඉහළ නැංවීමෙහි ලා අතිශය වැදගත් කුළුණක් වී ඇත. ජාතික ආරක්ෂක විද්‍යාලය (NDC) ඇතුළු හමුදා ආයතන දශක ගණනාවක් පුරා ශ්‍රී ලංකා හමුදාවන්ගේ ප්‍රමුඛතම තේරීම වී ඇති අතර එවන් ආයතන ශ්‍රී ලංකාව සඳහා හමුදා නායකයන් රැසක් බිහි කර ඇත. ඉන්දියාව ශ්‍රී ලංකාවේ අභ්‍යාසලාභීන් සඳහා වසරකට අවස්ථාවන් 1500 – 1700ක් පමණ වෙන් කරන අතර ඒ සඳහා වැය කරන මුදල ඉන්දියානු රුපියල් මිලියන 500 – 550ක් (ඇමරිකානු ඩොලර් මිලියන 6කට අධික) පමණ වේ. එසේම, මහජන නැගිටීම් වලට මුහුණ දීම වැනි විවිධ ක්ෂේත්‍රයන් හි විශේෂීකරණය වූ පුහුණු වැඩසටහන් සඳහා ශ්‍රී ලංකාවේ මිත්‍රශීලී හමුදාවන් ඉන්දියානු හමුදා නිලධාරීන්ට සත්කාරකත්වය ලබා දී ඇත.
මහා පරිමාණ පරිසර හානි වැළැක්වීම, කඩිනමින් ද්‍රව වෛද්‍ය ඔක්සිජන් සහ අවශ්‍ය වෙනත් ද්‍රව්‍ය සැපයීම සහ කොවිඩ් 19 වසංගත සමයේ දී ශ්‍රී ලංකා හමුදාවන්ගේ සහය ඇතිව ඉන්දියානුවන් 700ක් පමණ නැවතත් මව්රටට ගෙනයාම වැනි මානුෂීය කර්තව්‍යයන් සඳහා ද දෙරට හමුදා සහයෝගයෙන් කටයුතු කරයි.
අසල්වාසී රාජ්‍යයන් දෙක අතර අනාගතයට යොමු වූ සහයෝගීතාවය ඉන්දියාවේ “අසල්වැසියා ප්‍රථමයෙන්” යන ප්‍රතිපත්තිය සහ කලාපයේ සැමට ආරක්ෂාව සහ වර්ධනය (SAGAR) යන දැක්ම අවධාරණය කරයි. අන්‍යෝන්‍ය සුබ සිද්ධිය උදෙසා මෙන්ම කලාපයේ සාමය, ආරක්ෂාව සහ ස්ථාවරත්වය ඉහළ නැංවීම සඳහා ශ්‍රී ලංකාව සමඟ බහු ආංශීය සහයෝගීතාවය ශක්තිමත් කිරීමට ඉන්දියාව තවදුරටත් කටයුතු කරනු ඇත.
ක්ලීන් ශ්‍රී ලංකා වැඩසටහන යටතේ පොළොන්නරුව, වැලිකන්ද නෙළුම්වැව ප්‍රදේශයේ පිහිටි උණු දිය උල්පත් ආශ්‍රිත ප්‍රදේශය සංවර්ධන කිරීමේ ව්‍යාපෘතියක් ආරම්භ කිරිමට සැලසුම් සකස් කර ඇත.
මීට අදාළ සාකච්ඡාවක් අද (24) දින පෙරවරුවේ එම ප්‍රදේශයේදී පැවැත්වුණු අතර, එහි නිරීක්ෂණ චාරිකාවක්ද සිදු කෙරිණි.
මෙතෙක් මෙම උණුදිය උල්පත් ආශ්‍රිත ප්‍රදේශය නිසි පරිදි සංවර්ධනය කර නොතිබීම එහි සංචාරය කිරීමට දෙස් විදෙස් සංචාරකයන් දක්වන උනන්දුව අඩු වීමට හේතුවක් වී තිබිණි.
මෙම සාකච්ඡාවේදී නෙළුම්වැව උණුදිය උල්පත් සංවර්ධනය කිරීමේ වැදගත්කම, එහි ඇති සංචාරක සහ තාක්ෂණික විභවතාව මෙන්ම වත්මන් තත්ත්වය සම්බන්ධයෙන්ද අවධානය යොමු කෙරිණි.
උණුදිය උල්පත් ආශ්‍රිත ප්‍රදේශයේ වන ගහනය වැඩි කිරීම, දූපත අලංකරණය සහ දෙස් විදෙස් සංචාරකයින්ගේ පැමිණීමට පහසු වන ආකාරයට ගොඩබිමේ සිට දූපත දක්වා පාලමක් ඉදිකිරීම ආදී කරුණුද මෙහිදී සාකච්ඡාවට ලක් විය.
නිවාස නියෝජ්‍ය අමාත්‍ය ටී. බී. සරත්, වැලිකන්ද ප්‍රාදේශීය සභාවේ සභාපති ඩී. ඩබ්. වසන්ත, පේරාදෙණිය විශ්වවිද්‍යාලයේ විශ්‍රාමික මහාචාර්ය භූගත ජලවිද්‍යාඥ ධර්ම ගුණවර්ධන යන මහත්වරු, ක්ලීන් ශ්‍රී ලංකා ලේකම් කාර්යාලය, ශ්‍රී ලංකා මහවැලි අධිකාරිය, සංචාරක සංවර්ධන අධිකාරිය, වැලිකන්ද ප්‍රාදේශීය ලේකම් කාර්යාලය හා තවත් ආයතන කිහිපයක නිලධාරිහුද මෙම අවස්ථාවට එක්ව සිටියහ.
(ජනාධිපති මාධ්‍ය අංශය)
ජ’පුර නේවාසිකාගාරයකට හානි කළ සිසුන් 10කගෙන් අනවශ්‍ය ලෙස මුදල් අයකරගෙන!
නෙළුම්වැව උණුදිය උල්පත් ආශ්‍රිත ප්‍රදේශය සංවර්ධනය කරන්න සැලසුම්
නවකවදය ඇතුළු සියලු ආකාරයේ හිංසනයන් වැළැක්වීමට කාර්ය සාධක බළකායක්
-
පුවත්3 days agoපොලිස් ලොක්කෝ දෙකකගේ වත්කම් විමර්ශනයට
-
ගොසිප්4 days agoහර්ෂණගේ අස් වීමෙන් හිස් වූ මන්ත්‍රී අසුනට නම් තුනක්???
-
පුවත්6 days agoදේශපාලනඥයන් ඇතුළු 26 කගේ අයථා වත්කම් රජයට පවරා ගැනීමට විමර්ශන
-
පුවත්5 days agoපහේ ශිෂ්යත්ව විභාගය ගැන නියෝජ්‍ය ඇමතිගෙන් ප්රකාශයක්
-
පුවත්1 week agoකොළඹ නගරාධිපති පුටුව මාලිමාවට (UPDATE)