Connect with us

පුවත්

ආරවුලක් මැවූ විනිසුරු බළලා

Published

on

බළලෙකු නිසා සිදුවූ පවුල් ආරවුලක් හා ජීවිතයක් අහිමි වීමේ පුවතක් ගාල්ල ප්‍රදේශයෙන් වාර්තා වේ. 

මෙම සිදුවීම වාර්තා වන්නේ ගාල්ල, ලබුදූව ප්‍රදේශයෙනි.

බද්දේගම දිසා විනිසුරු එල්. කේ. ජී. විශ්වනාත් මහතා  ඔහුගේ බිරිඳ, අයි. කේ. කමණී සමඟ ගාල්ල ලබුදූව පිහිටි තම බිරිඳගේ මවගේ නිවසට පැමිණෙන්නේ පසුගිය 13 වැනිදා ය. එම ගමනේදී ඔවුන් තම සුරතල් බළලා ද රැගෙන ඒමට අමතක කර නැත.

නැවත නිවසින් පිටවීමට සූදානමින් පසුදින (14) ලක ලෑස්ති වූ දිසා විනිසුරුවරයාට හා ඔහුගේ බිරිඳට තමා සමඟ පැමිණි තම සුරතලා හමු නොවීය. 

මේ සුරතල් බළලාගේ අතුරුදහන් වීම දිසා විනිසුරුවරයා හා බිරිඳගේ සහෝදරයා අතර ආරවුලක් දක්වා දුර දිග යාම සිදුවිය. එම අවස්ථාවේ තම බිරිඳගේ සහෝදරයා විසින් දිසා විනිසුරුවරයාට පරුෂ වචනයෙන් බැණ පහර දීමක් සිදුව ඇති බව වාර්තා වේ. පහර දීමට සම්බන්ධ පුද්ගලයා කළුතර දකුණ පොලිස් ස්ථානයේ සේවයේ නිරත උප පොලිස් පරීක්ෂකවරයෙකි.

අදාල ආරවුල සම්බන්ධයෙන් දිසා විනිසුරුවරයා අක්මීමණ පොලීසිය වෙත පැමිණිලි කිරීමට පියවර ගෙන තිබේ.

එම පැමිණිල්ල සටහන් කරගනිමින් සිටින අවස්ථාවේ දී විනිසුරුවරයාගේ බිරිඳ හෙවත් අයි. කේ. කමණී හට ඇතිවූ  හදිසි කම්පන තත්ත්වය හේතුවෙන් ඇයව වහාම කරාපිටිය ශික්ෂණ රෝහල වෙත ඇතුලත් කර ඇති අතර ප්‍රතිකාර ලබමින් සිටින අතරවාරයේ ඇය මිය ගොස් ඇත.

සිදුවීම සම්බන්ධයෙන් වැඩිදුර විමර්ශන කටයුතු සිදුකරමින් මේ වනවිට අදාල පහර දීමට සම්බන්ධ වූ දිසා විනිසුරුවරයාගේ බිරිඳගේ සහෝදරයා හෙවත්  අදාල උප පොලිස් පරීක්ෂකවරයා අත් අඩංගුවට ගෙන තිබේ.

පුවත්

ගෝඨාට උසාවියේ පෙනී සිටින්නැයි නියෝගයක්

Published

on

By

යුධ හමුදා සැරයන් සුනිල් රත්නායක නමැත්තාට ජනාධිපති සමාව දී නිදහස් කිරීම සම්බන්ධයෙන් අධිකරණයට කරුණු දක්වන ලෙස නියම කරමින් ශ්‍රේෂ්ඨාධිකරණය හිටපු ජනාධිපති ගෝඨාභය රාජපක්ෂ මහතාට ඊයේ (17) නොතීසි නිකුත් කළේය.

සුනිල් රත්නායක නැමැත්තාට යාපනය, මිරිසුවිල් ප්‍රදේශයේ දී අවුරුදු පහක කුඩා දරුවකු ඇතුළු අවතැන්ව සිටි සිවිල් වැසියන් අටදෙනෙකු කපා කොටා මරා දැමීමේ සිද්ධිය සම්බන්ධයෙන් කොළඹ මහාධිකරණය විසින් මරණීය දණ්ඩනය නියම කර තිබියදී මෙසේ ජනපති සමාව ලබාදී තිබිණි.

2000 වසරේ සිදුවු මහත් ආන්දෝලනයකට තුඩු දුන් මෙම අපරාධයට අදාළව සිරදඬුවම් විඳිමින් සිටි යුධ හමුදා සැරයන් සුනිල් රත්නායක නමැත්තාට ජනාධිපති සමාව දී නිදහස් කිරීම අභියෝගයට ලක් කරමින් විකල්ප ප්‍රතිපත්ති කේන්ද්‍රයේ විධායක අධ්‍යක්ෂ ආචාර්ය පාක්‍යසෝති සරවනමුත්තු විසින් ගොනු කර තිබූ මූලික අයිතිවාසිකම් පෙත්සමක් අද කැඳ වූ අවස්ථාවේදී එලෙස නියම කළේය.

ශ්‍රේෂ්ඨාධිකරණ විනිසුරුවරුන් වන යසන්ත කෝදාගොඩ සහ අචල වෙන්ගප්පූලි යන මහත්වරුන්ගෙන් සැදුම්ලත් විනිසුරු මඩුල්ල හමුවේ මෙම පෙත්සම කැඳවීය.

විකල්ප ප්‍රතිපත්ති කේන්ද්‍රයේ විධායක අධ්‍යක්ෂ ආචාර්ය පාක්‍යසෝති සරවනමුත්තු විසින් ගොනු කර තිබූ මූලික අයිතිවාසිකම් පෙත්සමේ වගඋත්තරකරුවන් වශයෙන් හිටපු ජනාධිපති ගෝඨාභය රාජපක්ෂ, ජනාධිපති සමාව ලබා නිදහස් වූ යුද හමුදා සැරයන් සුනිල් රත්නායක සහ නීතීපතිවරයා ඇතුලු පිරිසක් නම් කර ඇත.

Continue Reading

පුවත්

නාවිකයන් 3,146 ට උසස්වීම්

Published

on

By

15 වන රණවිරු සැමරුම් දිනයට සමගාමීව නාවිකයන් 3,146 දෙනෙක් ඊළඟ තරාතිරමට උසස් කර තිබේ.

නිවේදනයක් නිකුත් කරමින් නාවික හමුදාව මේ බව දැනුම් දී ඇත.

15 වන රණවිරු සැමරුම් දිනයට සමඟාමීව සන්නද්ධ හමුදා සේනාධිනායක හා ශ්‍රී ලංකා ජනාධිපතිවරයාගේ අනුමැතිය ඇතුව නාවික හමුදාධිපති වයිස් අද්මිරාල් ප්‍රියන්ත පෙරේරා විසින් නාවික හමුදාවේ ජ්‍යේෂ්ඨ හා කණිෂ්ඨ නාවිකයන් 3,146 දෙනෙකුට මෙම උසස්වීම් සිදුකර ඇත.

වසර 30 කට ආසන්න කාලයක් මෙරට වෙලා ගනිමින් පැවති ත්‍රස්තවාදය මානුෂීය මෙහෙයුමකින් විජයග්‍රහණය කර මවිබිමේ ස්වෛරීභාවය සහ භෞමික අඛණ්ඩතාවය ස්ථාපිත කිරීම උදෙසා ත්‍රිවිධ හමුදාවේ, පොලීසියේ සහ සිවිල් ආරක්‍ෂක දෙපාර්තමේන්තුවේ වීරෝධාර රණවිරුවන් ජීවිත පරිත්‍යාගයෙන් සිදුකළ අනභිබවනීය දායකත්වය එම විජයග්‍රහණය සඳහා තීරණාත්මක සාධකයක් විය.

(අරුණ)

Continue Reading

පුවත්

කෝටි 5ක ජංගම දුරකතන එක්ක දෙදෙනෙක් ගුවන්තොටේදී කොටුවෙයි

Published

on

By

නීතිවිරෝධී ලෙස ශ්‍රී ලංකාවට ආනයනය කර, තීරු බදු නොගෙවා ගුවන් තොටුපොළෙන් පිට කර ගෙන යමින් සිටි රුපියල් කෝටි පහක් පමණ වටිනා නවීන ජංගම දුරකථන තොගයක් සහ පෙන් ඩ්‍රයිව් තොගයක් සමග ඒවා ගුවන් තොටුපොළ වෙත රැගෙන ආ ව්‍යාපාරිකයන් දෙදෙනෙකු ද කටුනායක ගුවන් තොටුපොළ පැමිණීමේ පර්යන්තයේ දී ගුවන් තොටුපොළ අපරාධ පරීක්ෂණ දෙපාර්තමේන්තුවේ නිලධාරීන් පිරිසක් විසින් අද (17) අලුයම අත් අඩංගුවට ගෙන තිබේ.

මොවුන් දෙදෙනාගෙන් එක් අයෙකු කොළඹ – 12 ප්‍රදේශයේ පදිංචි අයෙකු වන අතර ඔහු 59 හැවිරිදිය. අනෙක් ව්‍යාපාරිකයා කොළඹ – 14 පදිංචි 24 හැවිරිදි පුද්ගලයෙකි .

ඔවුන් දෙදෙනා ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත  අද අලුයම 04.55ට පැමිණ තිබුණි .

මෙම ජංගම දුරකථන සහ පෙන් ඩ්‍රයිව් තොගය වැඩිදුර විමර්ශන කටයුතු සදහා කටුනායක ගුවන් තොටුපොළ රේගු නිලධාරීන් වෙත භාර දීමට පියවර ගෙන තිබේ .

(ලංකාදීප)

Continue Reading
Advertisement

Trending

Copyright © 2023 Sri Lanka Mirror. All Rights Reserved