Connect with us

පුවත්

ඇමති කෙහෙලිය, චන්ද්‍රපාල හා රූබසිංහට විදෙස් ගමන් තහනම්

Published

on

ජනමාධ්‍ය ඇමැතිවරයාව කටයුතු කරමින් සිටියදී අත්‍යවශ්‍ය නොවන මොහොතක රූපවාහිනී සංස්ථාවට ජී අයි බට මිල දී ගනිමින් රජයට පාඩුවක් කළේ යැයි චෝදනා එල්ල වී සිටින සෞඛ්‍ය ඇමැති කෙහෙළිය රඹුක්වැල්ල මහතා ඇතුළු තිදෙනකුට අධිචෝදනා බාර දුන් කොළඹ මහාධිකරණය සැකකරුවන් ඇප මත මුදා හරින ලෙසට ඊයේ (22) නියෝග කළේය.

ඇමැති කෙහෙළිය රඹුක්වැල්ල, රූපවාහිනී සංස්ථාවේ හිටපු අධ්‍යක්ෂ චන්ද්‍රපාල ලියනගේ හා හිටපු සභාපති විමලසේන රූබසිංහ යන මහත්වරුන්ට මෙලෙස අධි චෝදනා බාර දුන්නේය.

රුපියල් විසි දහස බැගින් වූ මුදල් ඇප, රුපියල් ලක්ෂ 5ක් වටිනා ශරීර ඇප දෙක බැගින් විත්තිකරුවන්ට නියම කළ මහාධිකරණ විනිසුරු නවරත්න මාරසිංහ මහතා නඩුව විභාග කර අවසන් වන තුරු විදේශ ගමන් තහනම් කරන බව ද, විදේශ ගමන් බලපත්‍රය අධිකරණයේ තැන්පත් කළ යුතු බවටද නියෝග කළේය.

විත්තිකරුවන්ගේ ඇඟිලි සලකුණු ලබා ගැනීමෙන් පසු මුදා හරින ලෙස නියම කළ මහාධිකරණ විනිසුරුවරයා අමාත්‍ය කෙහෙළිය රඹුක්වැල්ල මහතාට අය වැය සඳහා ඡන්දය පාවිච්චි කිරීමට යාමට අවශ්‍ය බැවින් කඩිනමින් ඔහු මුදා හරින ලෙසට අධිකරණ පොලිසියට නියෝග කළේය .

ජනමාධ්‍ය ඇමැතිවරයා ලෙස කටයුතු කරමින් සිටියදී 2014 නොවැම්බර් 25 වැනි දින රූපවාහිනියේ ප්‍රවර්ධන වැඩසටහනක් යැයි පවසමින් රූපවාහිනියට අත්‍යවශ්‍ය නොවන මොහොතක ජී අයි බට 600ක් මිල දී ගනිමින් රුපියල් නව ලක්ෂ අනූදහසක පාඩුවක් රජයට කළේ යැයි පවසමින් දූෂණය නම් වරද කිරීම සම්බන්ධයෙන් අධිචෝදනා හතරක් යටතේ අල්ලස් හෝ දූෂණ විමර්ශන කොමිසම මෙම නඩුව පවරා තිබිණි.

නඩුවට අදාළ පූර්ව නඩු විභාග සම්මන්ත්‍රණය 2023 පෙබරවාරි 01 වන දින කරන බවට මහාධිකරණ විනිසුරුවරයා දින නියම කළේය. සෞඛ්‍ය ඇමැති කෙහෙළිය රඹුක්වැල්ල මහතා වෙනුවෙන් නීතිඥ හේමන්ත ගමගේ මහතා පෙනී සිටි අතර, අධි චෝදනා සම්බන්ධයෙන් මූලික විරෝධතාවයක් ඉදිරිපත් කිරීමට බලාපොරොත්තු වන බවට අධිකරණයට කරුණු ඉදිරිපත් කරමින් දන්වා සිටියේය.

එම විරෝධතාවය ඉදිරි දිනයේ දී ඉදිරිපත් කරන ලෙසට විනිසුරුවරයා දන්වා සිටියේය.

නඩුවේ වැඩිදුර විභාගය පෙබරවාරි 01 දිනට නියම කෙරිණි.

මූලාශ්‍රය – දිනමිණ

Continue Reading

පුවත්

නාවිකයන් 3,146 ට උසස්වීම්

Published

on

By

15 වන රණවිරු සැමරුම් දිනයට සමගාමීව නාවිකයන් 3,146 දෙනෙක් ඊළඟ තරාතිරමට උසස් කර තිබේ.

නිවේදනයක් නිකුත් කරමින් නාවික හමුදාව මේ බව දැනුම් දී ඇත.

15 වන රණවිරු සැමරුම් දිනයට සමඟාමීව සන්නද්ධ හමුදා සේනාධිනායක හා ශ්‍රී ලංකා ජනාධිපතිවරයාගේ අනුමැතිය ඇතුව නාවික හමුදාධිපති වයිස් අද්මිරාල් ප්‍රියන්ත පෙරේරා විසින් නාවික හමුදාවේ ජ්‍යේෂ්ඨ හා කණිෂ්ඨ නාවිකයන් 3,146 දෙනෙකුට මෙම උසස්වීම් සිදුකර ඇත.

වසර 30 කට ආසන්න කාලයක් මෙරට වෙලා ගනිමින් පැවති ත්‍රස්තවාදය මානුෂීය මෙහෙයුමකින් විජයග්‍රහණය කර මවිබිමේ ස්වෛරීභාවය සහ භෞමික අඛණ්ඩතාවය ස්ථාපිත කිරීම උදෙසා ත්‍රිවිධ හමුදාවේ, පොලීසියේ සහ සිවිල් ආරක්‍ෂක දෙපාර්තමේන්තුවේ වීරෝධාර රණවිරුවන් ජීවිත පරිත්‍යාගයෙන් සිදුකළ අනභිබවනීය දායකත්වය එම විජයග්‍රහණය සඳහා තීරණාත්මක සාධකයක් විය.

(අරුණ)

Continue Reading

පුවත්

කෝටි 5ක ජංගම දුරකතන එක්ක දෙදෙනෙක් ගුවන්තොටේදී කොටුවෙයි

Published

on

By

නීතිවිරෝධී ලෙස ශ්‍රී ලංකාවට ආනයනය කර, තීරු බදු නොගෙවා ගුවන් තොටුපොළෙන් පිට කර ගෙන යමින් සිටි රුපියල් කෝටි පහක් පමණ වටිනා නවීන ජංගම දුරකථන තොගයක් සහ පෙන් ඩ්‍රයිව් තොගයක් සමග ඒවා ගුවන් තොටුපොළ වෙත රැගෙන ආ ව්‍යාපාරිකයන් දෙදෙනෙකු ද කටුනායක ගුවන් තොටුපොළ පැමිණීමේ පර්යන්තයේ දී ගුවන් තොටුපොළ අපරාධ පරීක්ෂණ දෙපාර්තමේන්තුවේ නිලධාරීන් පිරිසක් විසින් අද (17) අලුයම අත් අඩංගුවට ගෙන තිබේ.

මොවුන් දෙදෙනාගෙන් එක් අයෙකු කොළඹ – 12 ප්‍රදේශයේ පදිංචි අයෙකු වන අතර ඔහු 59 හැවිරිදිය. අනෙක් ව්‍යාපාරිකයා කොළඹ – 14 පදිංචි 24 හැවිරිදි පුද්ගලයෙකි .

ඔවුන් දෙදෙනා ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත  අද අලුයම 04.55ට පැමිණ තිබුණි .

මෙම ජංගම දුරකථන සහ පෙන් ඩ්‍රයිව් තොගය වැඩිදුර විමර්ශන කටයුතු සදහා කටුනායක ගුවන් තොටුපොළ රේගු නිලධාරීන් වෙත භාර දීමට පියවර ගෙන තිබේ .

(ලංකාදීප)

Continue Reading

පුවත්

බැසිල්ගේ ඉල්ලීමට රනිල්ගේ ප්‍රතිචාරය

Published

on

By

ජනාධිපතිවරණයට පෙර මහ මැතිවරණය පවත්වන ලෙස කළ ඉල්ලීමට ජනාධිපතිවරයා නිශ්චිත ප්‍රතිචාරයක් නොදැක්වූ බව ශ්‍රී ලංකා පොදු ජන පෙරමුණ පවසයි.

ජනාධිපති රනිල් වික්‍රමසිංහ සහ ශ්‍රී ලංකා පොදු ජන පෙරමුණේ නිර්මාතෘ බැසිල් රාජපක්ෂ මහත්වරුන් අතර පෙරේදා (15) සාකච්ඡාවක් පවත්වා ඇත.

මෙම ඉල්ලීම කර ඇත්තේ එම රැස්වීමේදීය.

රටේ සංවර්ධන ක්‍රියාදාමය සම්බන්ධයෙන්ද සිය පක්ෂයේ ස්ථාවරයද ජනාධිපතිවරයාට එහිදී දැනුම්දුන් බව එම පොදුජන පෙරමුණ පවසයි.

බැසිල් රාජපක්ෂ මහතා සහ ජනාධිපතිවරයා අතර සාකච්ඡා වට හතක් මේ වනවිට පවත්වා ඇත

Continue Reading
Advertisement

Trending

Copyright © 2023 Sri Lanka Mirror. All Rights Reserved