Connect with us

පුවත්

ඇමති නලින්ගේ හිතුවක්කාරකම් ජනපති නවත්වයි!

Published

on

සහල් මෙරටට ආනයනය කිරීම අත්හිටුවන ලෙස දන්වා ගැසට් පත්‍රයක් නිකුත් කරන ලෙස ජනාධිපති රනිල් වික්‍රමසිංහ මහතා විසින් ජනාධිපති ජ්‍යෙෂ්ඨ උපදේශක ආචාර්ය ආර්. සමරතුංග මහතාට උපදෙස් ලබා දී ඇතැයි කෘෂිකර්ම ඇමැති මහින්ද අමරවීර මහතා කියයි.

තවදුරටත් මෙරටට සහල් ආනයනය කිරීමේ අවශ්‍යතාවයක් නැති බැවින් සහල් ආනයනය කිරීම අත්හිටුවන ලෙස ඊයේ (08) පාර්ලිමේන්තුවේ දී ජනාධිපතිතුමන් හමුවූ අවස්ථාවක දී තමන් ඉල්ලීමක් කළ බවත් ඒ අනුව එයට අදාල ගැසට් පත්‍රයක් නිකුත් කරන ලෙස ජනාධිපති රනිල් වික්‍රමසිංහ මහතා ජනාධිපති ජ්‍යෙෂ්ඨ උපදේශක ආචාර්ය ආර්. සමරතුංග මහතාට එම අවස්ථාවේ ම උපදෙස් දුන් බවත් අමරවීර මහතා කියා සිටී.

පසුගිය යල කන්නයේ දී ඉහළ වී අස්වැන්නක් ලැබීමත්, මෙවර මහ කන්නයේ දී මේ වනවිටත් වගා කිරීමට ඉළක්ක කරන ලද ඉඩම් ප්‍රමාණය වන හෙක්ටෙයාර් ලක්ෂ 08න් හෙක්ටෙයාර් 675,600ක් පමණ වගා කිරීමටත් ගොවි ජනතාව කටයුතු කර ඇති බැවින් 2023 වසරේ දී අප රටට සහල් හිඟයක් ඇතිවීමට කිසිදු ඉඩක් නැතැයි ද ඇමැතිවරයා මෙහිදී ජනාධිපතිවරයාට පෙන්වා දී ඇත.

කෙසේවුවද, මේ තීන්දුව සම්බන්ධයෙන් වෙළඳ අමාත්‍ය නලින් ප්‍රනාන්දු මහතා එතරම් මනාපයක් නැතැයි ඔහුගේ කාර්යාල ආරංචි මාර්ගවලින් ශ්‍රී ලංකා මිරර් වෙත වාර්තා වේ.

වෙළඳ අමාත්‍යවරයා ඉදිරියේදී සහල් හිඟයක් ඇතිවීම හා සහල් මිල පාලනය කිරීමේ ක්‍රමවේදයක් ලෙස දිගින් දිගටම සහල් ආනයනය කළ යතුය යන මතයේ එළඹ සිටීම ඊට හේතුව බව පැවසේ.

ඒ අනුව යමින් පසුගිය කාලයේදී කෘෂිකර්ම අමාත්‍ය මහින්ද අමරවීර හා එහි ලේකම් ගුණදාස සමරසිංහ යන මහත්වරුන් සහල් ආනයනය අත්හිටුවන ලෙස කරන ලද කිසිදු ඉල්ලීමකට වෙළඳ අමාත්‍යවරයා යහපත් ප්‍රතිචාර දක්වා නොතිබුණු බවද වාර්තා වේ.

Continue Reading

පුවත්

තැපැල් ඡන්ද පත්‍රිකාව ෆොටෝ ගත්ත විදුහල්පතිවරයෙක් අත්අඩංගුවට

Published

on

By

තැපැල් ඡන්දය සලකුණු කළ පත්‍රිකාවක් ඡායාරූප ගත කිරීමේ චෝදනාවකට මුලතිව් ප්‍රදේශයේ පාසලක විදුහල්පතිවරයෙකු පොලීසිය විසින් අත්අඩංගුවට ගෙන තිබේ.

මුලතිව් අධ්‍යාපන කාර්යාලයේ සහතික කිරීමේ නිලධාරියා ලෙස කටයුතු කළ විදුහල්පතිවරයෙකු එලෙස අත්අඩංගුවට ගෙන ඇති බව පොලීසිය පැවසීය.

අදාළ විදුහල්පතිවරයා පසුගිය 06 වනදා මුලතිව් අධ්‍යාපන කාර්යාලයේ දී තැපැල් ඡන්දය භාවිත කරන අතරතුර ඡන්ද පත්‍රිකාවේ ඡායාරූපයක් ගෙන ඇති බව මුලතිව් පොලීසිය සඳහන් කළේය.

ඔහු විසින් ඡන්ද පත්‍රිකාව ඡායාරූප ගත කරන අයුරු නිරීක්ෂණය කළ මැතිවරණ කොමිෂන් සභාවේ නිලධාරීන් අදාළ විදුහල්පතිවරයාගේ ජංගම දුරකථනය පරික්ෂාවට ලක් කර තිබුණි.

ඒ සම්බන්ධයෙන් මුලතිව් පොලීසිය දැනුවත් කිරීමෙන් පසු ඊයේ දිනයේ දී අදාළ විදුහල්පතිවරයා මැතිවරණ නීති උල්ලංඝනය කිරීමේ චෝදනාව යටතේ අත්අඩංගුවට ගත් බව මුලතිව් පොලීසිය සඳහන් කළේය.

Continue Reading

පුවත්

නාමල්ගේ ආරක්ෂාවට තර්ජනයක් !

Published

on

By

ශ්‍රී ලංකා පොදුජන පෙරමුණේ ජනාධිපතිධුර අපේක්ෂක නාමල් රාජපක්ෂ මහතාගේ ආරක්ෂාව තර කරන ලෙස බුද්ධි අංශ දැනුම් දී ඇතිබව වාර්තා වේ. 

ඒ පිලිබදව මැතිවරණ කොමිසම සහ පොලිසිය කඩිනමින් දැනුවත් කරන බව ශ්‍රීලංකා පොදුජන පෙරමුණේ ආරංචිමාර්ග වැඩිදුරටත් සදහන් කන බව ලංකා නිවුස් වෙබ් වාර්තා කර තිබේ.

මේ අතර, ජනාධිපති අපේක්ෂකයකු ඉලක්ක කරගෙන ප්‍රහාරයක් එල්ල කිරීමට සැලසුම් කර ඇති බවට ලද තොරතුරක් සම්බන්ධයෙන් පුළුල් විමර්ශනයක් කරන ලෙස කොළඹ ප්‍රධාන මහෙස්ත්‍රාත් තිලිණ ගමගේ අපරාධ පරීක්ෂණ දෙපාර්තමේන්තුවට පසුගියදා නියෝග කර තිබිණි.

මේ සම්බන්ධයෙන් ප්‍රධාන මහේස්ත්‍රාත්වරයාට තොරතුරු ඉදිරිපත් කර තිබුණේ අතිශය රහසිගත වාර්තාවක් අපරාධ පරීක්ෂණ දෙපාර්තමේන්තුවේ විශේෂ විමර්ශන අංශය විසින් ප්‍රධාන මහෙස්ත්‍රාත්වරයාගේ නිල මැදිරිය වෙත ඉදිරිපත් කරමින් බව අරුණ පුවත්පත වාර්තා කර තිබිණි.

Continue Reading

පුවත්

පාතාලේ ජනපති ප්‍රචාරණ වැඩට බැහැලා?

Published

on

By

මෙවර ජනාධිපතිවරණ උණුසුම ආරම්භයත් සමග විදෙස්ගත පාතාල කණ්ඩායම් හා මෙරට පාතාල කණ්ඩායම් තම හිතවාදී දේශපාලනඥයන්ගේ සහායෙන් ජනාධිපති අපේක්ෂකයාගේ ඡන්ද සටනට ප්‍රවිෂ්ඨ වී ඇතැයි බුද්ධි අංශ අනාවරණය කරගෙන ඇතැයි සති අග අරුණ වාර්තා කර තිබේ.

එම පුවත් වාර්තා වේ වැඩිදුරටත් දැක්වෙන්නේ ප්‍රතිවිරුද්ධ කල්ලිවල සාමාජිකයන් ඝාතනය කරමින් කළ ඝාතන රැල්ලට විරාමයක් දී මෙම කල්ලි මෙවර ජනාධිපතිවරණයට පෙනී සිටින ප්‍රධාන අපේක්ෂකයන්ට සහය දැක්වීමේ මෙහෙයුමක් අරඹා ඇති බව හෙළිවී ඇති බවයි.

මැතිවරණ රාජකාරි සඳහා පොලිසිය යෙදවීමත්, යුක්තිය මෙහෙයුම අඩාළ වීමත් නිසා යළි හිස එසවූ කුඩු පාතාලය ඡන්ද උණුසුම අස්සේ මහා පරිමාණයෙන් යළිත් හෙරොයින් හා අයිස් ජාවාරම කරගෙන යන බවද හෙළි වී ඇත.

යුක්තිය මෙහෙයුම අරඹා මුල් මාස හයට රටපුරා ඇති පොලිස් ස්ථාන 601 ක් අතුරින් 187 කට අයත් බල ප්‍රදේශවලින් හෙරොයින් හා අයිස් වෙලෙඳාම මුලිනුපුටා දැමුණද යළිත් පොලිස් ස්ථාන 601 ටම අයත් බල ප්‍රදේශවල මත්ද්‍රව්‍ය ජාවාරම් ජයටම වන බව හෙළි වී තිබේ.

මැතිවරණ උණුසුමට මුවා වී එම මත්ද්‍රව්‍ය ජාවාරම්කරුවන් තමන්ට හිතවාදී අපේක්ෂකයකු ගෙන ඒමේ අරමුණින් ඡන්ද සටනට අත දිගහැර මුදල් වියදම් කරමින් සිටින බවද අනාවරණය වී ඇත.

මේ වන විට ඩුබායි ඇතුළු රටවල වෙසෙන මෙරට පාතාල ප්‍රබලයන් අතරින් 42 කට ජාත්‍යන්තර රතු නිවේදන නිකුත් කර තිබේ. ඔවුන්ව මෙරටට ගෙන්වන මෙහෙයුම් නවත්වා ගැනීම සඳහා තමන්ට අවශ්‍ය අපේක්ෂකයකු කරළියට ගෙන ඒමට පාතාල කල්ලි සැලසුම් කර ඇති බවද හෙළි වී තිබේ.

පාතාලය සමග හිතවත්කම් පවත්වන පාර්ලිමේන්තු මන්ත්‍රිවරුන් කිහිප දෙනකු හා හිටපු මැති ඇමැතිවරු මාර්ගයෙන් පාතාල කණ්ඩායම් ජනාධිපති අපේක්ෂකයන්ට සහාය දක්වන සටනට එක්ව ඇත. ඡන්ද සටනට සහාය දීමට කොස්ගොඩ සුජිගේ කල්ලිය, කළු සාගර කල්ලිය, කරන්දෙණිය සුද්දා, රත්ගම විදුර ඇතුළු කල්ලි දකුණු පළාතෙන් තම සගයන් යොදවා ප්‍රධාන අපේක්ෂකයන් දෙදෙනකුට සහය දක්වන බව හෙළි වී තිබේ.

බස්නාහිර පළාත කේන්ද්‍ර කරගෙන ක්‍රියාත්මක වන වැල්ලේ සාරංග කල්ලිය, කන්ජිපානි ඉම්රාන්ගේ කල්ලිය, කෙහෙල්බද්දර පද්මේ කල්ලිය, ගණේමුල්ල සංජීව කල්ලිය, කිඹුලාඇළ ගුණා කල්ලිය, කුඩු ලාල් කල්ලිය, කෙසෙල්වත්තේ දිනුක කල්ලිය, කුඩු අංජු කල්ලිය ඇතුළු කල්ලි ප්‍රධාන අපේක්ෂකයන් තුන් දෙනකුගේ ඡන්ද සටනට තම සාමාජිකයන් යොදවා ඇතැයි අනාවරණ වී තිබේ.

කෙසේ වෙතත් පාතාල කණ්ඩායම් පාතලයට වාසිවන අපේක්ෂකයකුට වැඩි සහායක් දක්වනු ඇතැයි දැනට සිදුවන ක්‍රියාකාරකම්වලින් ඔප්පුවන බව ආරක්ෂක අංශ පවසයි.

Continue Reading

Trending

Copyright © 2023 Sri Lanka Mirror. All Rights Reserved