Connect with us

පුවත්

ඇමරිකාව එරෙහි වෙද්දී ශ්‍රි ලංකාවේ ඡන්දය පලස්තීනයට

Published

on

පලස්තීනයට එක්සත් ජාතීන්ගේ සංවිධානයේ පූර්ණ කාලීන සාමාජිකත්වය ලබා දීම වෙනුවෙන් ඉදිරිපත් වූ යෝජනාවට පක්ෂව ශ්‍රී ලංකාව ද ඡන්දය ප්‍රකාශ කර තිබේ.

පලස්තීනය එක්සත් ජාතීන්ගේ සංවිධානයේ පූර්ණ කාලීන සාමාජිකයෙක් වීමට අවශ්‍ය සුදුසුකම් සපුරා ඇති බවට හා එහි පූර්ණ කාලීන සාමාජිකත්වය ලබා දීම වෙනුවෙන් ධනාත්මකව සිතන ලෙස නිර්දේශ ඉදිරිපත් කරන ලෙස මෙම යෝජනාව ඉදිරිපත් වූ අතර ඊට පක්ෂව ඡන්දය දුන් රටවල් අතරට ශ්‍රී ලංකාව ද එක්ව තිබේ.

ශ්‍රී ලංකාව ඇතුළු රටවල් 77 ක සම අනුග්‍රහය යටතේ එක්සත් ජාතීන්ගේ මහා මණ්ඩලය වෙත් ඉදිරිපත් වූ මෙම යෝජනාව සම්මත වූයේ වැඩි ඡන්ද 134 කිනි.

යෝජනාවට පක්ෂව ශ්‍රී ලංකාව ඇතුළු සාමාජිකයින් 143 ක් ඡන්දය ප්‍රකාශ කල අතර විපක්ෂව 9 ක් ඡන්දය ප්‍රකාශ කලහ. එමෙන්ම තවත් සාමාජිකයෝ 25 ක් ඡන්දය ප්‍රකාශයෙන් වැළකී සිටියහ.

පලස්තීනයට එක්සත් ජාතීන්ගේ සංවිධානයේ පූර්ණ කාලීන සාමාජිකත්වය ලබා දෙන ලෙස එක්සත් ජාතීන්ගේ ආරක්ෂක කවුන්සිලයට මෙම යෝජනාව ඉදිරිපත් වූයේ පසුගිය මාසයේ දීය.

යෝජනාව ඉදිරිපත් වෙත්ම ඇමරිකාව තම නිශේෂ බලය යොදමින් එය පරාජය කල අතර මෙවර ද යෝජනාව වෙනුවෙන් විපක්ෂව ඡන්දය භාවිතා කල රටවල් අතර ඇමරිකාව හා ඊශ්‍රයාලය ද වේ.

එක්සත් ජාතීන්ගේ සංවිධානයේ පූර්ණ කාලීන සාමාජිකත්වය ලබා දීමේ තීරණය ගැනීමේ බලය ඇත්තේ එක්සත් ජාතීන්ගේ ආරක්ෂක කවුන්සිලය සතුවය.

පලස්තීනයට පූර්ණ කාලීන සාමාජිකත්වය ලබාදීම පිළිබඳ ධනාත්මකව සිතන ලෙස නිර්දේශ කරමින් මෙම යෝජනාව ඉදිරිපත් වීම සිදුවිය. නමුත් ඇමරිකාව එහිදී ද තම ඡන්දය භාවිතා කලේ විපක්ෂව ය.

යෝජනාව සම්මත වූ නමුත් පලස්තීනයට එක්සත් ජාතීන්ගේ සංවිධානයේ පූර්ණ කාලීන සාමාජිකත්වය හිමිවීමක් සිදු නොවීය. නමුත් පලස්තීනයට එක්සත් ජාතීන්ගේ සංවිධානයේ පූර්ණ කාලීන සාමාජිකයෙක් වීමට අවශ්‍ය සුදුසුකම් ඇතිබව හඳුනා ගැනීම හඳුනා ගැනීම සිදුවිය.

එම තත්ත්වය යටතේ එක්සත් ජාතීන්ගේ මහා මණ්ඩලය තුල වැඩි සහභාගීත්වයකට හා වැඩි අයිතිවාසිකම් වලට පලස්තීනය හිමිකම් කියන බව එක්සත් ජාතීන්ගේ සංවිධානය විසින් ප්‍රකාශ කරන ලදී.

පුවත්

විදුලිය බිඳ වැටීම් ගැන දැනුම්දෙන්න

Published

on

By

අයහපත් කාලගුණයත් සමඟ දිවයින පුරා සිදුව ඇති විදුලිය බිඳවැටීම් ඉතා ඉක්මනින් දැනුම්දිය හැකි නව ක්‍රමවේදයක් ලංකා විදුලිබල මණ්ඩලය විසින් හඳුන්වා දී තිබේ.

ඒ, මීට පෙර විදුලිය බිඳ වැටීම් සම්බන්ධයෙන් දැනුම්දීමට තිබූ 1987 ක්ෂණික දුරකථන අංකයේ ඇතිව තිබෙන කාර්ය බහුලත්වය හේතුවෙන්.

ඒ අනුව, පහත ක්‍රමවේදයන් අනුගමනය ලෙස ලංකා විදුලිබල මණ්ඩලය පාරිභෝගිකයින්ගෙන් ඉල්ලා සිටී.

සබැඳි පුවත්:

දවස් 03ට ලක්ෂ 03කට කරන්ට් එක ගිහින්

Continue Reading

පුවත්

ගාල්ලට ජාතික රෝහලක්

Published

on

By

ගාල්ල ජාතික රෝහල ස්ථාපිත කිරීම සඳහා කැබිනට් අනුමැතිය ලැබී තිබේ.

ඒ අනුව කරාපිටිය ශික්ෂණ රෝහල මෙරට තෙවැනි ජාතික රෝහල බවට පත්කිරීමට අනුමැතිය ලැබී ඇත.

කරාපිටිය ශික්ෂණ රෝහල දකුණු පළාතෙහි සහ යාබද පළාත්වල රෝගීන් හට මාතෘ සත්කාර සේවා හැර තෘතීයක සේවා සපයන ප්‍රධානතම සෞඛ්‍ය මධ්‍යස්ථානයක් ලෙස ක්‍රියාත්මක වන අතර එකී පළාත්වල ප්‍රාථමික හා ද්විතීයක සෞඛ්‍ය සත්කාරක සේවා ආයතන මගින් විශේෂඥ සේවාවන් සඳහා මෙම රෝහල වෙත රෝගීන් යොමු කරනු ලබයි.

රුහුණු විශ්ව විද්‍යාලයේ වෛද්‍ය පීඨයේ සහ සම සෞඛ්‍ය විද්‍යා පීඨයේ ඉගැන්වීම් කටයුතු සඳහා කරාපිටිය ශික්ෂණ රෝහලේ මහාචාර්ය ඒකකය ස්ථාපිත කර ඇත.

මෙම වසර අවසන් වන විට රෝහලෙහි ඇඳන් ධාරිතාවය 2858ක් දක්වා වැඩි කිරීම මත එය කොළඹ ශ්‍රී ලංකා ජාතික රෝහලට පමණක් දෙවැනි වන තෘතීයක සේවා සෞඛ්‍ය මධ්‍යස්ථානයක් බවට පත්වනු ඇතැයි රජය කියයි.

ඒ අනුව කොළඹ ජාතික රෝහලට සහ මහනුවර ජාතික රෝහලට අමතරව කරාපිටිය ශික්ෂණ රෝහල ජාතික රෝහලක් ලෙස කාණ්ඩ ගත කරමින් ගාල්ල ජාතික රෝහල ලෙස නම් කිරීම පිණිස සෞඛ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

Continue Reading

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved