Connect with us

පුවත්

ඇඹිලිපිටිය රෝහලේ නිර්වින්දන වෛද්‍යවරිය කෝ?

Published

on

ඇඹිලිපිටිය දිස්ත්‍රික් මහ රෝහලට සිටි එකම නිර්වින්දන වෛද්‍යවරිය පසුගිය (01) දා සිට සේවයට වාර්තා නොකිරීම නිසා එම රෝහලේ කටයුතු අඩපණ වී ඇති බව රෝහල් බලධාරීහු පවසති.

මේ හේතුවෙන් ප්‍රධාන ශල්‍යාගාර දෙකක සහ දැඩි සත්කාර ඒකකයක කටයුතු සම්පුර්ණයෙන් ම ඇණහිට ඇති බව ද ඔවුන් ප්‍රකාශ කරති.

මෙම වෛද්‍යවරියගේ පියා යැයි පවසන, යු.ටී. නානායක්කාර නැමැති පුද්ගලයකු විසින් ඇය නැවත සේවයට නොපැමිණෙන බව දන්වා රෝහල් බලධාරීන්ට වට්ස්ඇප් මගින් ලිපියක් එවා ඇතැයි ද රෝහල් ප්‍රකාශකයෙක් පැවැසීය.

ඇඹිලිපිටිය දිසා මහ රෝහලට නිර්වින්දන වෛද්‍යවරු දෙදෙනකුගේ සේවය අත්‍යාවශ්‍යව තිබියදීත් හිටපු එකම නිර්වින්දන වෛද්‍යවරිය මෙසේ සේවයට වර්තා නොකිරිම නිසා රෝහල් කටයුතු පවත්වාගෙන යාම දැඩි අසීරු කරුණක් බව රෝහල් බලධාරීහූ කියති.

මීට පෙර මෙම රෝහලේ සිටි නිර්වින්දන වෛද්‍යවරයෙකු 2022.10.01 දින විදේශගතව ඇති අතර අනතුරුව 2023.04.10 දින තවත් නිර්වින්දන වෛද්‍යවරයෙකු විදෙස්ගතව ඇත.

එම වෛද්‍යවරුන් මේ දක්වා යළි මෙරටට පැමිණ නොමැති බව වැඩිදුරටත් වාර්තාවෙයි.

ඇඹිලිපිටිය දිසා මහ රෝහලට දිනකට නේවාසික රෝගීන් දෙසියකට ආසන්න පිරිසක් ප්‍රතිකාර සඳහා ඇතුළත් වන බවත් 2022 වසරේදී පමණක් සැත්කම් 9144ක් සිදුකර ඇති බවත් සඳහන් වේ.

මෙම නිර්වින්දන වෛද්‍යවරිය සේවයට නොපැමිණීමට හේතුව මෙතෙක් අනාවරණය වී නොමැති අතර ඇය විදෙස්ගතවී ඇත්ද යන්න මෙතෙක් අනාවරණය වී නැති බවද රෝහල් බලධාරීහු කියති.

(මූලාශ්‍රය : ලංකාදීප)

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved