පසුගිය මාර්තු මස 11 දින අලවතුගොඩ ඇල්ල කඩේ ප්‍රදේශයේ පදිංචිව සිටි විසි හය හැවිරිදි රූමත් කාන්තාවක් අමානුෂික ලෙස ඝාතනය කර, ඇගේ නිවස ආසන්නයේ ඇති කුඹුරක මඩේ සඟවා තිබියදී සොයා ගන්නා ලදි.

ඒ සම්බන්ධයෙන් පොලීසිය සිදුකල විමර්ශනයන් මඟින් අනාවරණය වූ කරුණු මත එම සිද්ධියෙන් මාස පහකට පසුව එකී ඝාතනයට සැක පිට ඇගේ සැමියා අද (23) පෙරවරුවේ අලවතුගොඩ පොලීසිය විසින් අත්අඩංගුවට ගෙන තිබේ.

ධනුෂිකා මධුවන්ති නැමැති මිය ගිය කාන්තාවගේ මළ සිරුර පසුගිය මාර්තු 11 දින සොයා ගනු ලැබුවේ මහනුවර පොලිස් නිල සුනඛ කොට්ඨාසයට අයත් ‘ඒගර්’ නම් නිල සුනඛයා යොදා ගෙන සිදු කල‌ ‌සෝදිසි මෙහෙයුමකින් අනතුරුවය.

ඒ අනුව එම ඝාතනයට සැකපිට ප්‍රදේශයේ පදිංචිව සිටි හමුදා සෙබළෙකු අත්අඩංගුවට ගෙන රක්ෂිත බන්ධනාගාර ගත කර ඇත .

කෙසේ වෙතත් මියගිය කාන්තාවගේ සිරුර ආසන්නයේ කුඹුරේ මඩේ තිබි සෙරෙප්පුවක් සොයා ගත් අතර එය අදාළ කාන්තාවගේ සැමියාගේ බව හෙළි වීමත් සමඟ ඔහු පිලිබඳව පොලීසිය සැක පල කලහ.

ඒ ඔස්සේ සිදුකළ පරික්ෂණවලින් පොලීසියේ සැකය වඩාත් තහවුරු වීම මත මාස පහකට පසුව ඝාතනය සිදුකළ සැබෑ පුද්ගලයා මෙලෙස අත්අඩංගුවට ගැනීමට පොලීසිය සමත් විය.
සබැඳි පුවත් :

ධනුකාව මරන්න පෙර කෙළෙසලා; හමුදා සාමාජිකයකුගේ වැඩක්