Connect with us

පුවත්

ඇවෙන්රාට සීල් තැබීමත් සමග දේශපාලන පිටිය දෙදරයි

Published

on

ලක පරසිඳු මීගමුවේ ඇවෙන්රා  ගාර්ඩ්න්  (Avenra Garden) හෝටලයේ මුළුතැන්ගෙය ඉතා අපිරිසිදුව පවත්වාගෙනයාම හේතුවෙන් මහජන සෞඛ්‍ය පරීක්ෂකවරුන් විසින් එයට සීල් තැබීමත් සමඟ දේශපාලන ක්ෂේත්‍රයේ ගැටුමක් නිර්මාණය වී ඇතැයි ශ්‍රී ලංකා මිරර් වෙත වාර්තා වේ.

ඒ මේ සීල් තැබීම පිටුපස මීගමුවේ ප්‍රබල දේශපාලඥයකු සිටින බවට කසුකුසුවක් මතුවීම නිසාය.

ඇවෙන්රා ගාර්ඩ්න්ස් (Avenra Garden) හෝටලයේ හිමිකරුවන වන ධනේෂ් ද සිල්වා හා අදාළ දේශපාලඥයා කලක් ජෙයරාජ් ප්‍රනාන්දුපුල්ලේ මහතාගේ කිට්ටුවන්තයින් ලෙස කටයුතු කර ඇති බව පැවසේ.

කෙසේවුවද, මේවන විට ධනේෂ් ද සිල්වා ඉතා කිට්ටුවෙන් දේශපාලන කටයුතු සිදු කරනු ලබන්නේ රාජපක්ෂ පවුල සමඟය.

මේ අතර, ඉකුත් අරගල සමයේදී ධනේෂ්ගේ ව්‍යාපාර සඳහා යෝෂිත රාජපක්ෂගේ මුදල් යොදවා ඇති බවට වන සැකයමත එම හෝටලයට අරගලකරුවන් විසින් ගිනි තබා තිබිණි.

ඒ ගැටුම අවස්ථාවේදී ඇවෙන්රා ගාර්ඩ්න් (Avenra Garden) හෝටලයේ විදුලිය විසන්ධිකරමින් එම හෝටලය දෙසින් වෙඩි තැබීමක් සිදු කර තිබූ අතර ඉන් අයෙක් මිය ගොස් කිහිපදෙනෙකු තුවාල ලබා තිබිණි.

කොච්චිකඩේ ප්‍රදේශයේ පාසලක ශාරීරික අභ්‍යාස ගුරුවරයකු ලෙස සේවය කළ ධනේෂ ද සිල්වා මහතා කෙටිකලකින් පොහොසතෙකු වීම සම්බන්ධයෙන්ද මේ වන විට සමාජ මාධ්‍ය තුළ ප්‍රශ්න කරමින් තිබේ.

වසර 2005 දක්වා සාමාන්‍ය ගුරුවරයකුව සිටි ධනේෂ් ඉන් පසුව මුලින්ම හිමිකරගත් හෝටලය ලෙස සැලැකෙන්නේ කටුනායක ෆුල්මූන් හෝටලයයි.

ඉන් පසුව ඔහු මේවන විට ඇවෙන්රා  ගාර්ඩ්න්ස් හෝටලයට අමතරව වෙන්නප්පුවේ ගංගාධාර, මීගමුවේ බේ ෆොන්ටේ මෙන්ම හික්කඩුවේ හෝටලයක ද හිමිකරු ලෙස කටයුතු කරන බව ප්‍රසිද්ධ රහසකි.

හිරු සෙනෙහසේ නත්තල..

මේ අතර, මේ වැටලීම සිදු කරනු ලබුවේ හිරු නාලිකාව විසින් සෙනෙහසේ නත්තල නමින් සෑම වසරකම තරු පිරිවරා සිදුකරනු ලබන සාදය කඩා කප්පල් කිරීමට බවට ද රාවයක් පවතී.

එය පසුගියදා පැවැති දේශපාලන සාදයකට හිරු නාලිකාවේ මාධ්‍යවේදීන් සහභාගි නොකිරීමට කටයුතු කිරීම නිසා ඇති වූ ආරවුලක ප්‍රතිඵලයක් ද යන්න පිළිබදව ද මේවන විට දේශපාලන කට කතා පවතී.

කෙසේවුවද, මේවන විට එම සාදය කිසිදු ගැටලුවකින් තොරව මීගමුව ඇවෙන්රා ගාර්ඩ්න් (Avenra Garden) හෝටලයේ පැවැත්වේ.

ඇවෙන්රා ගාර්ඩ්න්ස් පැමිණිලි 

මේ අතර, කටාන මහජන සෞඛ්‍ය පරීක්ෂකවරුන් විසින් අදාළ හෝටලයේ මුළුතැන්ගෙය අපිරිසිදුව පවතින බවට සොයා ගැනීමෙන් පසුව ඒ සම්බන්ධයෙන් පොලිසිය හරහා ඔවුන්ට බලපෑම් කිරීමට ඇවෙන්රා ගාර්ඩ්න්ස් හෝටලයේ හිමිකරුවන් උත්සාහ ගෙන ඇති බවට ද චෝදනාවක් එල්ලවී ඇත.

මේවන විට මේ වැටලීම සිදු කළ කටාන මහජන සෞඛ්‍ය පරීක්ෂක කාර්යාලයේ නිලධාරීන් පස්දෙනා රුපියල් ලක්ෂයක මුදලක් අල්ලස් ලෙස ඉල්ලූ බවටත්, එසේම සිය හෝ‍ටලය අපකීර්තියට පත් කිරීමට අදාළ තොරතුරු සමාජ මාධ්‍යට ලබාදුන් බවටත් චෝදනා කරමින් මීගමුව ඇවෙන්රා ගාර්ඩ්න් හෝටලයේ කළමනාකරු වන එම්.එස්.එන්. ප්‍රනාන්දු මහතා විසින් කටාන පොලිසියට පැමිණිල්ලක් කර තිබේ.

මේ වන විට එම හෝටලය විසින් ද නිවේදනයක් නිකුත් කර ඇති අතර එම නිවේදනය පහත දැක්වේ.

සබැඳි පුවත්

තරු පිරිවරා නත්තල් පාටි දැමූ Avenra Garden හි කුජීත කුස්සියට සීල් තියලා

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved