Connect with us

පුවත්

ඉන්දියානු ප්‍රදාන යටතේ ක්‍රියාත්මක ප්‍රමුඛ ව්‍යාපෘතීන් කඩිනම් කිරීමට සාකච්ඡා

Published

on

මෙරට සිටින ඉන්දීය මහ කොමසාරිස් ගෝපාල් බාග්ලේ මහතා ඊයේ (01) දිනයේදී කොළඹ දී බුද්ධ ශාසන, ආගමික සහ සංස්කෘතික කටයුතු අමාත්‍ය විදුර වික්‍රමනායක මහතා සමඟ සාකච්ඡා වට දෙකක් පවත්වා තිබේ.

ඒ, ඉන්දියානු රජය විසින් බෞද්ධ බැඳීම් ප්‍රවර්ධනය කිරීම සඳහා ලබා දුන් ඇමරිකානු ඩොලර් මිලියන 15ක ප්‍රදානය ක්‍රියාත්මක කිරීම සම්බන්ධව සහ යාපනය සංස්කෘතික මධ්‍යස්ථානයේ වැඩ කටයුතු පිළිබඳවයි.

බුද්ධ ශාසන, ආගමික සහ සංස්කෘතික කටයුතු අමාත්‍යාංශයේ ලේකම් සෝමරත්න විදානපතිරණ මහතා, මහ කොමසාරිස් කාර්යාලයේ සංවර්ධන සහයෝගීතා අංශයේ පළමු ලේකම් එල්ඩෝස් මැතිව් පුන්නූස් මහතා සහ ඉන්දියානු සහ ශ්‍රී ලංකා රජයන් නියෝජනය කරමින් තවත් නිලධාරීහු ද මෙම සාකච්ඡා සඳහා සහභාගී විය.

ඉන්දීය අග්‍රාමාත්‍ය නරේන්ද්‍ර මෝදි මැතිතුමා 2020 සැප්තැම්බර් මාසයේදී පැවති අතථ්‍ය ද්විපාර්ශවික සමුළුව අතරතුර ද්විපාර්ශවික බෞද්ධ බැඳීම් ප්‍රවර්ධනය කිරීම සඳහා ඇමරිකානු ඩොලර් මිලියන 15ක ප්‍රදානයක් ප්‍රකාශයට පත් කළ අතර ඒ සම්බන්ධයෙන් වන අවබෝධතා ගිවිසුමට විදේශ කටයුතු අමාත්‍ය ආචාර්ය එස්. ජයිශංකර් මහතාගේ ශ්‍රී ලංකා සංචාරය අතරතුර දී 2022 මාර්තු 28 වන දින අත්සන් තැබිණ.

මහ කොමසාරිස්තුමා සහ අමාත්‍ය වික්‍රමනායක මහතා මෙම ප්‍රදානය යටතේ බුදු දහම හා සබැඳි අංශයන්හි ක්‍රියාත්මක කළ හැකි යැයි දෙරට විසින් ඒකාබද්ධව හඳුනාගත් ප්‍රමුඛතා ව්‍යාපෘතීන් කඩිනමින් ක්‍රියාත්මක කිරීම සඳහා ඉක්මන් පියවර ගැනීමට එකඟ වූහ. ශ්‍රී ලංකාවේ විවිධ ප්‍රදේශයන්හි වන්දනා ස්ථාන සහ පිරිවෙන්වල සූර්ය බල පහසුකම් ස්ථාපනය කිරීම සම්බන්ධයෙන් නිශ්චිත ක්‍රියාමාර්ග ද මෙහිදී හඳුනාගන්නා ලදී.

යාපනය සංස්කෘතික මධ්‍යස්ථානය සම්බන්ධයෙන් පැවති රැස්වීමේ දී එම නවීන සංස්කෘතික මධ්‍යස්ථානය මහජනතාවට පරිහරණය කිරීම උදෙසා ඒකාබද්ධ රාමුවක් ස්ථාපනය කිරීම සම්බන්ධයෙන් අවධානය යොමු විය. මෙම සංස්කෘතික මධ්‍යස්ථානය ඇමරිකානු ඩොලර් මිලියන 11කට අධික ඉන්දියානු රජයේ ප්‍රදානයක් යටතේ ඉදිකර තිබෙන අතර එය තට්ටු දෙකක් පුරා පැතිරි කෞතුකාගාරයක්, ආසන 600කට අධික නවීන රංග ශාලා ආකාරයේ ශ්‍රවණාගාරයක්, තට්ටු 11ක ඉගැනුම් කුළුණක් සහ විවෘත රංග ශාලාවක් ලෙස ද භාවිතා කළ හැකි පොදු චතුරස්‍රයක් ඇතුළු විවිධ පහසුකම්වලින් සමන්විතය.

ජනතා කේන්ද්‍රීය ව්‍යාපෘතින් ක්‍රියාත්මක කරමින් ශ්‍රී ලාංකේය ජනතාවගේ දෛනික ජීවිතයට සුබවාදී බලපෑමක් ඇති කිරීමට ඉන්දියාවේ දැඩි කැපවීම මෙම සාකච්ඡා ද්විත්වයෙන් පිළිඹිබු වේ. මෙම ව්‍යාපෘතීන් ශ්‍රී ලංකා සමාජයේ සියලු අංශයන්හි ඉල්ලීම් සහ අවශ්‍යතා මෙන්ම ශ්‍රී ලංකා රජයේ ප්‍රමුඛතා මත පදනම් වී ඇත. ඉන්දියානු ප්‍රදාන යටතේ මේ දක්වා ශ්‍රී ලංකාව තුළ ව්‍යාපෘතීන් 85කට අධික සංඛ්‍යාවක් ක්‍රියාත්මක කර ඇති අතර එයින් නවතම ව්‍යාපෘතිය වන්නේ ශ්‍රී ලංකා ඒකිය ඩිජිටල් අනන්‍යතා ව්‍යාපෘතියයි.

පුවත්

ඉරාන තානාපති කොළඹ සාප්පු සංකීර්ණයක රථගාලකදී ආරවුලක පැටලෙයි

Published

on

By

ඉරාන තානාපති ආචාර්ය  ඩෙල්ක්‍රොෂ් (A Delkhosh) මහතාට පහරදී , අනතුරකට ලක්කළ ව්‍යාපාරිකයෙකු අත්අඩංගුවට ගත් බව කොම්පඤ්ඤවීදිය පොලිසිය කියයි.

තානාපතිවරයා කොළඹ සාප්පු සංකීර්ණයක රථගාලට  රථය ඇතුල් කරන අවස්ථාවේදී තවත් මෝටර් රථයක රියදුරෙක් සමඟ ආරවුලක් හටගෙන ඇති අතර එහිදී එම පුද්ගලයා තානාපතිවරයාට පහරදී එම ස්ථානයෙන් පලා යාමට උත්සාහ දරා ඇතැයි පොලිසිය කියයි.

එහිදි තානාපතිවරයා සිය මෝටර් රථයෙන් බිමට බැස  පලායාමට උත්සාහ දරන මෝටර් රථයේ බොනොට්ටුවට අත තබාගෙන පොලිස් නිලධාරීන් පැමිණෙනතුරු සිටින ලෙස මෝටර් රථයේ රියදුරුට දැනුම් දී ඇත.

 එම අවස්ථාවේදී මෝටර් රථයේ රියදුරු විසින් මෝටර් රථය පණ ගන්වා  මීටර් 15ක්දි පමණ ඉදිරියට රිය  ධාවනය කර ඇතැයි පොලිසියේ සිදුකළ විමර්ශනවලදී අනාවරණය වී ඇත.

අත්අඩංගුවට ගත් සැකකරු කොළඹ හත වෝඩ් පෙදෙසේ පදිංචි. වයස අවුරුදු තිස්තුනක පුද්ගලයෙකි.

Continue Reading

පුවත්

මුදල් හා රන්බඩු කොල්ල කන්න පවුලක්ම මරලා!

Published

on

By

බාප්පා,පුංචි සහ සහෝදරයා මරා මුදල් හා රන් භාණ්ඩ සොරාගත් පුද්ගලයකු අත්අඩංගුවට ගත් බව නාල්ල පොලිසිය කියයි.

අද අලුයම හතරට පමණ මාලදෙනිය ප්‍රදේශයේ නිවසකදී මෙම අමානුෂික ඝාතනය සිදුව ඇතැයි ද පොලිසිය සඳහන් කරයි.

පාපැදියකින් ගමන් ගත් පුද්ගලයකු පරීක්ෂා කළ පොලිසිය ඔහු සතුව රුපියල් ලක්ෂ 3කට ආසන්න මුදලක් සහ රන් භාණ්ඩ තිබී හමුවී ඇත.

ඒ සම්බන්දයෙන් සැකකරු අත්අඩංගුවට ගෙන පොලිසියට රැගෙන ගොස් පරීක්ෂා කිරීමේදී ඔහු සතුව තිබූ ලිපියන් සම්බන්දයෙන් පරීක්ෂා කිරීමේදී මෙම ඝාතනයේ තොරතුරු අනාවරණය වූ බව පොලිසිය සඳහන් කරයි.

මෙසේ ඝාතනය කර ඇත්තේ තම බිරියගේ බාප්පා,පුංචි සහ ඔවුන්ගේ දරුවා බව මෙතෙක් සිදු කල පරීක්ෂණවලින් අනාවරණය වන බව ද පොලිසිය සඳහන් කරයි.

(ලංකාදීප)

Continue Reading

පුවත්

රුසියානු තානාපති කාර්යාලයේ වැඩ බැලීමට විදේශ සේවයේ විශ්‍රාමිකයකු යවයි

Published

on

By

රුසියාවේ ශ්‍රී ලංකා තානාපති ධූරය තවමත් හිස්ව පැවතීම නිසා නව තානාපතිවරයකු පත් කරන තුරු විදේශ සේවයේ ජ්‍යෙෂ්ඨ නිලධාරියෙකු එම තානාපති කාර්යාලයේ වැඩ බැලීමට යැවීමට රජය සැලසුම් කර ඇතැයි වාර්තා වේ.

මේ අතර විදේශ කටයුතු රාජ්‍ය අමාත්‍ය තාරක බාලසූරිය මහතා මාධ්‍යට පවසා ඇත්තේ, තානාපතිවරයෙකු නොමැති වීම හුදෙක් කාර්ය පටිපාටියේ පරතරයක් පමණක් බවත්, රුසියාවේ පවතින විශේෂ තත්ත්වය මත විදේශ කටයුතු අමාත්‍යාංශයේ ජ්‍යෙෂ්ඨ නිලධාරියෙකු එහි කටයුතු අධීක්‍ෂණය කිරීමට යොමු කරන බවයි.

මෙසේ යවන්නේ විශ්‍රාමික විදේශ සේවයේ ජ්‍යෙෂ්ඨයකු බවත්, දැනට තානාපතිවරයකු නොමැති වීම ප්‍රධාන ප්‍රශ්නයක් නොවන බවද ඔහු අවධාරණය කර තිබේ.

අමාත්‍යවරයා වැඩිදුරටත් පවසා ඇත්තේ එහි දැනටමත් විදේශ සේවයේ ජ්‍යෙෂ්ඨ නිලධාරියෙකු සිටින බවත්, සිදුවෙමින් පවතින හදිසි අවශ්‍යතාවය සැලකිල්ලට ගෙන, ඉතා ජ්‍යෙෂ්ඨ විදේශ සේවා නිලධාරියෙකු යවන්නේ දැනට රුසියාවේ සිටින නිලධාරියා ප්‍රමාණවත් නොවන නිසා නොවන බවද ඔහු කියා සිටී.

මෙහෙයුම ශක්තිමත් කිරීම සඳහා මෙය සිදු කරන බවත්, සාමාන්‍ය ප්‍රොටෝකෝලය අනුව කටයුතු සිදුවන බවද බාලසූරිය මහතා අවධාරණය කර ඇත.

කෙසේවුවද, රුසියාවට තානාපතිවරයකු පත් කර ඇතත් ඔහු කවුරුන්ද යන්න මාධ්‍යට හෙළි නොකිරීමට ද බාලසූරිය මහතා කටයුතු කර තිබේ.

රුසියානු සමූහ ආණ්ඩුවේ හිටපු ශ්‍රී ලංකා තානාපතිනිය වන මහාචාර්ය ජනිතා ඒ ලියනගේ මහත්මියට සේවා දිග තුනක් ලබාදී තිබුණු අතර, ඇය පසුගිය අප්‍රේල් 29 වැනිදා මොස්කව්හි ශ්‍රී ලංකා තානාපති කාර්යාලයේ සිය සේවය අවසන් කර ඇත.

වර්තමානයේ, රුවිනි කේ. මුනිදාස මහත්මිය තානාපති කාර්යාලයේ භාර නිලධාරිනිය ලෙස කටයුතු කරනු ලබයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved