Connect with us

පුවත්

ඉන්දියාවේ ජාතික ආරක්ෂක විද්‍යාලයේ ශ්‍රී ලංකා ආදි සිසු හමුවක්

Published

on

ඉන්දියානු මහ කොමසාරිස් කාර්යාලය ඉන්දියාවේ ජාතික ආරක්ෂක විද්‍යාලය සහ ශ්‍රී ලංකා සන්නද්ධ හමුදාවන් අතර පනස් වසරක සබඳතාවය සැමරීම සඳහා සංවිධානය කළ උත්සවයක් 2022 නොවැම්බර් 24දා කොළඹදී පැවැත්විණ.

මෙම විශේෂ උත්සවයේ දී ඉන්දීය සහ ශ්‍රී ලංකා හමුදාවන් අතර සහයෝගීතාවය, සහෝදරත්වය සහ මිත්‍රත්වය සමරන ලදී. ආරක්ෂක ලේකම්, ආරක්ෂක මාණ්ඩලික ප්‍රධානී සහ ශ්‍රී ලංකා නාවික සහ ගුවන් හමුදාපතිවරුන් ඇතුළු ආදි සිසුන් සහ ආරක්ෂක අමාත්‍යාංශයේ සහ ශ්‍රී ලංකා සන්නද්ධ හමුදාවන් හි වෙනත් සම්භාවනීය අමුත්තන් රැසක් මෙම අවස්ථාවට සහභාගී වූහ.

ආරක්ෂක ලේකම් ජෙනරාල් (විශ්‍රාමික) කමල් ගුණරත්න මහතා සහ මහ කොමසාරිස් ගෝපාල් බාග්ලේ මහතා ශ්‍රී ලංකාවේ ඉන්දීය ජාතික ආරක්ෂක විද්‍යාලයේ ආදි ශිෂ්‍ය සංගමයේ වෙබ් පිටුව මෙහිදී විවෘත කළ අතර එහි අරමුණ වන්නේ දෙරට සහ මෙම ප්‍රමුඛ ආරක්ෂක ආයතනය අතර වඩා සමීප අන්තර්ක්‍රියාවන් සඳහා අඛණ්ඩව පහසුකම් සැලසීමයි. මෙම වෙබ් පිටුව ඉන්දියානු මහ කොමසාරිස් කාර්යාල වෙබ් අඩවිය වන www.hcicolombo.gov.in/ndca හි ඇතුළත් වන අතර එය ශ්‍රී ලංකාවේ ආදි සිසුන්ට තමන් පුහුණුව ලැබූ ආරක්ෂක විද්‍යාලය සමඟ සම්බන්ධ වීමට ද සමීප අසල්වාසි රාජ්‍යයන් දෙක අතර ආරක්ෂක සහයෝගීතාවයේ නවතම තොරතුරු දැන ගැනීමට ද ඉවහල් වනු ඇත.

මෙම අවස්ථාවේ අදහස් දක්වමින් මහ කොමසාරිස් ගෝපාල් බාග්ලේ මහතා ඉන්දියාව සිය “අසල්වැසියා ප්‍රථමයෙන්” යන ප්‍රතිපත්තියට අනුකූලව ශ්‍රී ලංකාවේ ධාරිතා සංවර්ධනය සඳහා කැපවී සිටින බව අවධාරණය කළේය.

සන්නද්ධ හමුදාවන් අතර පුහුණු වීමි, හමුදා සාමාජිකයන් අතර සහෝදරත්වය සහ කාර්ය සහයෝගීතාවය වර්ධනය කිරීමට උපකාර වන බව ද ඔවුන් අතර දිගු කාලීන බැඳීම් සඳහා පදනමක් නිර්මාණය කරන බව ද එතුමා සඳහන් කළේය. ශ්‍රී ලංකාවේ ඉන්දීය ජාතික ආරක්ෂක විද්‍යාලයීය ආදි සිසුන් රැසක් ආරක්ෂක ක්ෂේත්‍රයේ ඉහළම නායකත්ව ධූරයන්ට පත්ව ඇති අතර එය මෙම ශක්තිමත් සබඳතා පෝෂණය කිරීමේ වැදගත්කම මනාවට පෙන්වා දේ.

ශ්‍රී ලංකා හමුදාවන්ගේ ධාරිතා ගොඩනැගීම සඳහා ඉන්දියාවේ නොසැලෙන කැපවීමේ සහ කලාපීය සහයෝගීතාවය පිළිබඳ දක්වන අවධානයේ කොටසක් ලෙස ඉන්දියාවේ ජාතික ආරක්ෂක විද්‍යාලය කලාපීය සාමය, ආරක්ෂාව සහ ස්ථාවරත්වය ඉහළ නැංවීම සඳහා වටිනා දායකත්වයක් ලබා දී ඇති අතර එවන් ආයතන දෙරට අතර සුහද සහ සමීප සබඳතා ඉහළ නැංවීමට ඵලදායි කාර්යභාරයක් ඉටු කරයි.

පුවත්

බොරු මැණික් විකිණීමට ගිය 6ක්  අත්අඩංගුවට

Published

on

By

නිධානයකින් ලබාගත් ලද බවට පවසමින් ව්‍යාජ මැණික්ගල් පෙන්වා මුදල් වංචා කිරීමට තැත්කළ කාන්තාවක් ඇතුළු සැකකරුවන් 06 දෙනෙකු අත්අඩංගුවට ගෙන තිබේ.

ඊයේ (25) දහවල් කාලයේදී කටුගස්තොට පොලීසියට ලද තොරතුරක් මත කටුගස්තොට නගරයේදී එම සැකකරුවන් අත්අඩංගුවට ගෙන ඇත.

අත්අඩංගුවට ගත් සැකකරුවන් අවුරුදු 35 හා 51 අතර වයස්වල පසුවන හෙයියන්තුඩුව, ගාල්ල, හිනිදුම සහ ඇතුල්කෝට්ටේ ප්‍රදේශවල පදිංචිකරුවන් වන අතර සැකකාරිය හබරකඩ ප්‍රදේශයේ පදිංචි 35 හැවිරිදි කාන්තාවකි.

මෙම සැකකරුවන් ව්‍යාජ මැණික්ගල් තැරැවුකරුවන් මාර්ගයෙන් ගැණුම්කරුවෙකු සම්බන්ධකර විකිණීම සඳහා ගාල්ල, නෙළුව ප්‍රදේශයේ සිට කටුගස්තොට ප්‍රදේශයට පැමිණ ඇත.

තරැවුකරුවන් විසින් මෙම මැණික්ගල් ව්‍යාජ මැණික්ගල් බවට අනාවරණය කරගෙන ඒ සම්බන්ධයෙන් කටුගස්තොට පොලීසිය දැනුම්වත් කිරීමෙන් පසු සැකකරුවන් අත්අඩංගුවට ගෙන තිබේ.

සැකකරුවන් හා සැකකාරිය ඊයේ (25) මහනුවර මහෙස්ත්‍රාත් අධිකරණය වෙත ඉදිරිපත් කිරීමෙන් පසු හෙට (27) දක්වා රක්ෂිත බන්ධනාගාර ගත කර ඇති අතර කටුගස්තොට පොලීසිය වැඩිදුර විමර්ශන සිදුකරයි.

Continue Reading

පුවත්

තද සුළං ගැන අනතුරු ඇඟවීමක්

Published

on

By

කාලගුණවිද්‍යා දෙපාර්තමේන්තුව විසින් තද සුළං පිළිබඳ අවවාදාත්මක නිවේදනයක් නිකුත් කර තිබේ.

අද (26) පෙ.ව 10.30ට නිකුත් කරන ලද එම නිවේදනය හෙට (27) පෙ.ව 10.30 තෙක් වලංගුවන බව කාලගුණ විද්‍යා දෙපාර්තමේන්තුව සඳහන් කරයි.

මධ්‍යම කඳුකරයේ බටහිර බෑවුම් ප්‍රදේශවල සහ උතුරු මැද, දකුණු, වයඹ පළාත් සහ ත්‍රිකුණාමලය දිස්ත්‍රික්කය සඳහා මෙම නිවේදනය වලංගුවන බව කාලගුණවිද්‍යා දෙපාර්තමේන්තුව පවසයි.

දිවයින හරහා නිරිතදිග මෝසම් සුළං ප්‍රවාහයේ වැඩිවීම හේතුවෙන්, මධ්‍යම කඳුකරයේ බටහිර බෑවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 50-60ක පමණ තද සුළං ඇතිවිය හැකිය.

දිවයිනේ සෙසු ප්‍රදේශවල විටින් විට හමන පැ.කි.මී 30-40 පමණ තරමක තද සුළං ඇතිවිය හැකි බව කාලගුණ විද්‍යා දෙපාර්මේන්තුව වැඩිදුරටත් නිවේදනය කරයි.

Continue Reading

පුවත්

“ලංකාවේ ලොකුම සන්ධානය අපි හදනවා”

Published

on

By

ඉදිරි මැතිවරණ ඉලක්ක කරමින් ශ්‍රී ලංකාවේ ලොකුම හා ශක්තිමත්ම සන්ධානය ශ්‍රී ලංකා නිදහස් පක්ෂය ප්‍රමුඛ කරගනිමින් ආරම්භ කරන බව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසයි.

පාර්ලිමේන්තුව නියෝජනය කරන පක්ෂ ගණනාවක් මෙන්ම පාර්ලිමේන්තුව නියෝජනය නොකරන පක්ෂ ගණනාවක් දැනටමත් තම සන්ධානයට සහයෝගය පළ කර ඇති බව අමාත්‍යවරයා සඳහන් කරන්නේය.

එමෙන්ම විවිධ පක්ෂ නියෝජනය කරන පාර්ලිමේන්තු මන්ත්‍රීවරු රැසක් අම්බලන්තොට රැලියට ජුනි 8 වැනිදා සහභාගී වීමට නියමිතව ඇතැයි අමාත්‍ය මහින්ද අමරවීර මහතා පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved