Connect with us

පුවත්

ඉන්දීය මහ කොමසාරිස් මහනුවර සංචාරයක

Published

on

ඉන්දියානු මහ කොමසාරිස් සන්තෝෂ් ජා මහතා පසුගිය 18දා මහනුවර සංචාරයක නිරත විය.

එහිදී මහ කොමසාරිස්වරයා, අස්ගිරි පාර්ශවයේ මහා නායක අති පූජ්‍ය වරකාගොඩ ශ්‍රී ඥානරතන මහා නා හිමියන්ව සහ මල්වතු පාර්ශවයේ මහා නායක අති පූජ්‍ය තිබ්බටුවාවේ ශ්‍රී සිද්ධාර්ථ සුමංගල මහ නා හිමියන්ව බැහැදැක ආශිර්වාද ලබා ගත්තේය. එහිදී එතුමා ඉන්දියාවේ සහ ශ්‍රී ලංකාවේ ජනතාව අතර පවතින ඉපැරණි සම්බන්ධය සඳහා බුදු දහම කේන්ද්‍රීය වූ බව සඳහන් කළ අතර ද්විපාර්ශවික බොදු බැඳීම් ශක්තිමත් කිරීම සඳහා ඉන්දීය රජය විසින් ගෙන ඇති විවිධ පියවර පිළිබඳව මහා නාහිමිවරුන් දැනුවත් කළේය. ඉන්දීය රජයේ ආධාර යටතේ දිවයින පුරා විහාරස්ථාන කඩිනමින් සූර්ය බලයෙන් බලගැන්වීම සඳහා ගෙන ඇති පියවර පිළිබඳව මහ කොමසාරිස්තුමා විශේෂයෙන් මෙහිදී සඳහන් කළේය.

සිය සංචාරය අතරතුර මහනුවර ශ්‍රී දළඳා මාලිගාව හා කතරගම දේවාලය ද වැඳ පුදාගෙන ආශිර්වාද ලබාගත් ජා මහතා, දෙරට ජනතාවගේ සෞභාග්‍යය සහ සුබසිද්ධිය මෙන්ම දෙරට ද්විපාර්ශවික සබඳතා තවදුරටත් විවිධාංගීකරණය වී වඩා ශක්තිමත් වේ යැයි රාර්ථනා කර තිබේ.

හන්තාන වතුයායේ සංචාරයක නිරත වූ මහ කොමසාරිස්වරයා එහි ක්‍රියාත්මක ඉන්දියානු නිවාස ව්‍යාපෘතියේ ප්‍රගතිය නිරීක්ෂණය කළේය. ඉන්දීය රජය තෙවන අදියර යටතේ දැනටමත් නිවාස 50ක් එම වතුයායේ ඉදිකර ඇති අතර ඊළඟ අදියර යටතේ තවත් නිවාස රැසක් ඉදිවෙමින් පවතී. සමස්තයක් ලෙස ඉන්දීය රජය මෙම ව්‍යාපෘතියේ තෙවන සහ සිව්වන අදියර දෙක යටතේ වතු කම්කරුවන් සඳහා නිවාස 14,000ක් ඉදි කරනු ලබයි.

වතු කම්කරුවන්ගේ කායික සුබසිද්ධිය ඉහළ නැංවීමේ අරමුණෙන් මහ කොමසාරිස්වරයා විසින් මෙහිදී ආයුර්වේද කඳවුරක් ද විවෘත කළේය. මහ කොමසාරිස්වරයා විසින් වතුයායේ පාසල් දරුවන් සඳහා අධ්‍යයන ද්‍රව්‍ය සහ කුඩද මෙහිදී බෙදා දෙන ලදී. මෙම සියලු කටයුතු වතු කම්කරුවන්ගේ, විශේෂයෙන්ම ඉන්දීය සම්භවයක් ඇති දමිළ ප්‍රජාවගේ, සමස්ත ජීවන තත්වය වැඩි දියුණු කිරීමට ඉන්දීය රජයේ දැඩි කැපවීම අනුව ක්‍රියාවට නැංවෙන බව මහ කොමසාරිස්වරයා සඳහන් කළේය.  ජනාධිපති රනිල් වික්‍රමසිංහ මහතා විසින් 2023 ජූලි මාසයේ දී සිදු කරන ලද ඉන්දීය සංචාරය අතරතුර ඉන්දියානු රජය විවිධ ක්ෂේත්‍ර සඳහා ශ්‍රී ලංකා රුපියල් බිලියන 3ක ප්‍රදාන පැකේජයක් ද ප්‍රකාශයට පත් කර තිබුණි.

පුවත්

“විදුලි බිල අඩු කල හැකියි”

Published

on

By

විදුලි බිල 10% ත් 20% ත් අතර ප්‍රතිශතයකින් අඩු කිරීමේ හැකියාව ඇති බවත් විදුලිබල මණ්ඩලය ප්‍රතිව්‍යුහගතකරණය කළහොත් ඉන් පසුව විදුලි බිල ඉහළ යෑම වැඩි හැකියාවක් ඇති බවත් ලංකා විදුලිබල මණ්ඩල ඉංජිනේරු සංගමයේ සභාපති ධනුෂ්ක පරාක්‍රමසිංහ මහතා අද (29) පැවසීය.

ධනුෂ්ක පරාක්‍රමසිංහ මහතා කොළඹදී විශේෂ මාධ්‍ය හමුවක් පවත්වමින් මේ බව ප්‍රකාශ කරන ලදී.

මෙම වසරේ දෙවැනි විදුලි ගාස්තු සංශෝධනය ලබන ජූලි මස 1 වැනිදා ක්‍රියාත්මක කිරීම සඳහා වන යෝජනාව මෙම සතියේ විදුලිබල මණ්ඩලය, මහජන උපයෝගිතා කොමිසමට ඉදිරිපත් කිරීමට නියමිත බවත් එහිදී ජනතාවට සැළකිය යුතු විදුලි ගාස්තු අඩු වීමට ලැබිය යුතු බවත් ඔහු සඳහන් කලේය.

පාර්ලිමේන්තුවේ සාකච්ඡා කිරීමට නියමිත විදුලිබල මණ්ඩලය ප්‍රතිව්‍යුහගතකරණය කිරීමේ පනතින් විදුලි බිල ඉහළ දැමීමට අවශ්‍ය ප්‍රතිපාදන ලැබී ඇති බව පැවසු පරාක්‍රමසිංහ මහතා විදුලිබල මණ්ඩලයේ වර්තමාන පරිපාලනය විදේශ සමාගම්වලට අවශ්‍ය ආකාරයට දැන්ම සිටම කටයුතු කරමින් සිටින බව ද පැවසීය.

Continue Reading

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved