Connect with us

පුවත්

ඉන්දීය සිනමාව ගැන වැඩමුළුවක් අරඹයි

Published

on

ඉන්දීය සිනමාව පිළිබඳ වැඩමුළුවක් ඊයේ (28) දින කොළඹ, ස්වාමි විවේකානන්ද සංස්කෘතික මධ්‍යස්ථානයේ දී ආරම්භ කරන ලදී.

නාගරික සංවර්ධන සහ නිවාස රාජ්‍ය අමාත්‍ය – අරුන්දික ප්‍රනාන්දු මහතා ද මෙම අවස්ථාවට සහභාගී විය. නියෝජ්‍ය මහ කොමසාරිස් විනෝද් කේ. ජේකබ් මහතා විසින් කන්නඩ සිනමාවේ ප්‍රමුඛ පෙළේ අධ්‍යක්ෂවරයකු, රංගන ශිල්පියකු, තිර රචකයකු සහ ගීත රචකයකු වන ආචාර්ය නාගාතිහල්ලි චන්ද්‍රශේකරන් මහතා ප්‍රධාන නියෝජිත පිරිස පිළිගන්නා ලදී.

මෙම අවස්ථාවේ අදහස් දක්වමින් නියෝජ්‍ය මහ කොමසාරිස්තුමා, “ඉන්දියාව සහ ශ්‍රී ලංකාව 75 වසරක රාජ්‍යතාන්ත්‍රික සබඳතා සමරන අවස්ථාවක මෙවැනි වැඩමුළුවක් පැවැත්වීම අතිශය කාලීන කර්තව්‍යයක්” වන බව සඳහන් කළේය. මෙම වැඩමුළුව දෙරට ජනතාව අතර බැඳීම් වඩා ශක්තිමත් කිරීමට දායක වනු ඇතැයි ප්‍රකාශ කළ එතුමා සිය කතාවේදී ප්‍රධාන කරුණු 6ක් අවධාරණය කළේය.

පළමුව, සෑම වසරකම ඉන්දියාවේ චිත්‍රපට 2000කට අධික සංඛ්‍යාවක් නිර්මාණය කරනු ලබයි. 2011 වසර තුළ අලෙවි කරන ලද සිනමා ප්‍රවේශ පත්‍ර සංඛ්‍යාව බිලියන 3.5 කි. ඉන්දීය සිනමාව වසර 100කට වඩා පැරණි ය. ඉන්දීය සිනමාවේ පියා ලෙස සැලකෙන පුරෝගාමී සිනමාකරු දාදාසහෙබ් ෆාල්කේ විසින් නිර්මාණය කළ ඉන්දියාවේ ප්‍රථම නිහඩ චිත්‍රපටය වන “රාජා හරිශ්චන්ද්‍ර” සිනමා පටය 1913 වසරේ මැයි 3 වන දින තිරගත කරන ලදී. මෙම දිගු ගමන තුළ ඉන්දීය සිනමාව ඉන්දීය සමාජය ද ඉන්දීය සමාජය ඉන්දීය සිනමාව ද පෝෂණය කර ඇත. ඉන්දීය චිත්‍රපට ජාතිකත්වය, කාන්තා සහ ළමා අයිතිවාසිකම්, කුල ප්‍රශ්නය, ආගම් සහ පන්ති භේදය වැනි විවිධ ගැටළු සාකච්ඡාවට බඳුන් කර ඇත.

දෙවනුව වසර 100කට වඩා පැරණි ඉන්දීය සිනමා ගමන් මඟ සහ අප කොවිඩ් 19 සීමාවන්ට ප්‍රතිචාර දැක්වූ ආකාරය දෙස අවධානය යොමු කිරීමේ දී ප්‍රවණතා කිහිපයක් නිරීක්ෂණය වේ. RRR චිත්‍රපටයේ නාටු නාටු ගීතය මෙම වසරේ පැවති ඇකඩමි සම්මාන උළළේ හොඳම ස්වතන්ත්‍ර ගීතයට හිමි සම්මානය හිමි කර ගැනීම නව්‍යකරණය සඳහා ඉන්දීය සිනමාව සතු හැකියාවට සාක්ෂියකි. සිනමාහල් වෙත යන ප්‍රේක්ෂකයන් ප්‍රමාණය වසංගතයට පෙර කාලය හා සැසඳීමේ දී 21.5%කින් අඩු වී ඇති බව ද නියෝජ්‍ය මහ කොමසාරිස්තුමා සඳහන් කළේය. එසේ වුවත්, දකුණු ඉන්දීය භාෂාවන් නියෝජනය කරන සිනමා කර්මාන්ත බොහෝමයක් මනා ස්ථාවරත්වයක් සහ වර්ධනයක් පෙන්නුම් කර ඇත. ඒ අතරින් ඉහළම වර්ධනය පෙන්නුම් කර ඇත්තේ කෝටි 1.16 සිට කෝටි 1.45 දක්වා වර්ධනය වූ කන්නඩ සිනමාව යි.  

තෙවනුව වාණිජමය සාර්ථකත්වය ඉන්දියානු සිනමාවේ ප්‍රගතියට අත්‍යාවශ්‍ය වන සාධකයක් බව හඳුනා ගැනීම වැදගත් ය. ඒ හා සමානවම මෙය වෙනස් වන සුළු සංකල්පයකි. මේ හා සම්බන්ධ මුල් කාලීන උදාහරණයක් වන්නේ 1951 වසරේදී ආදායම් අතින් වාර්තා පිහිටවූ අවාරා චිත්‍රපටය 1952 වසරේදීම AAN චිත්‍රපටය විසින් ආදායම් අතින් ඉක්මවා යාමයි. මෙම වසරේ දී පතාන් චිත්‍රපටය නව වාර්තා තබා ඇත. කෙසේ වෙතත්, සාර්ථකත්වය පිළිබඳව සැලකීමේ දී, නිර්මාණශීලීත්වය ආදායමින් පමණක් මිනිය නොහැක. වාණිජමයභාවය සහ නිර්මාණශීලිත්වය යන මෙම දෙඅංශයේ සාර්ථකත්වය බොහෝ දුරට ප්‍රේක්ෂකයා මත රඳා පවතී.

සිව් වනුව, 1930 වර්ෂයේ දී නිර්මාණය කළ පළමු ශබ්ද චිත්‍රපටය වන “සති සුලෝචනා” චිත්‍රපටයේ සිට කන්නඩ සිනමාව දිගු ගමනක් පැමිණ ඇත. එය මනා වර්ධනයක් පෙන්නුම් කරන අතර ඉන්දීය සිනමාවේ සහ සමාජයේ  ශක්තිමත්භාවයට දායකත්වය ලබා දී ඇත. KGF මාලාව සැමගේ සිත් තුළ තවමත් නැවුම්ව පවතින නමුත් මෙම වැඩමුළුව කන්නඩ සිනමාවේ අපූර්වත්වය පිළිබඳව දැනුම ලබා දෙනු ඇත.

පස් වෙනුව, ඉන්දීය සිනමාව සවිබල ගන්වන පාරිසරික පද්ධතිය ව්‍යවස්ථාවේ දැක්වෙන මූලික අයිතිවාසිකමක් වන අදහස් ප්‍රකාශනයේ නිදහසින් ඇරඹේ. 1952 චිත්‍රපට පනත මේ සම්බන්ධයෙන් පවතින ප්‍රධානතම පනත වේ. අන් කවර නීතියක ද පවතින පරිදි වාරණයන්ට, හිමිකම් සහ ඩිජිටල් හොරකම් ඇතුළු හොරකම් වළක්වා ගැනීමට පදනම් කර ගන්නා ව්‍යූහයන් සහ යාන්ත්‍රණයන් පවතී. 

8. අවසාන වශයෙන්, ඉන්දීය රජය සහ ජනතාව ශ්‍රී ලංකා ජනතාව සමඟ රැඳී සිට ඇති අතර ඇමරිකානු ඩොලර් බිලියන 4ක පමණ සහයෝගයක් ලබා දී ඇත. මෙය ඉන්දීය රජයේ “අසල්වැසියා ප්‍රථමයෙන්” යන ප්‍රතිපත්තිය හා සමපාත වේ. එවැනි ප්‍රතිපත්තියක් සාර්ථක වන්නේ ඉන්දීය ජනතාව මෙම පියවර සඳහා සහයෝගය ලබා දුනහොත් පමණක් වන බව ශ්‍රී ලංකා මිතුරන් අගය කිරීම වැදගත් ය. ඉන්දීය ජනතාව තවදුරටත් ශ්‍රී ලංකා ජනතාව සමඟ රැඳී සිටියි.

පුවත්

දවස් 03ට ලක්ෂ 03කට කරන්ට් එක ගිහින්

Published

on

By

පසුගිය  දින 03තුළ විදුලිය බිඳවැටීම් 36,000කට  කට  අධික ප්‍රමාණයක් සිදුව තිබෙන බව ලංකා විදුලිබල මණ්ඩලය පවසන බව විදුලි බල සහ බලශක්ති අමාත්‍ය කංචන විජේසේකර මහතා පවසයි.

සිය නිල X ගිණුමේ  සටහනක් තබමින් අමාත්‍යවරයා වැඩිදුරටත් සඳහන් කළේ එමගින් පාරිභෝගිකයන් ලක්ෂ 3කට වැඩි පිරිසකට විදුලිය ඇනහිට ඇති බවය.

මෙම බිඳ වැටීම් යථා තත්වයට පත් කිරීම වෙනුවෙන් මේ වන විටත් අමතර සේවා පිරිස් යොදවා ඇති අතර විදුලිබල මණ්ඩලයේ පාලන අධිකාරිය සහ සේවා නිලධාරීන් පැය 24 පුරා එම කටයුතු වල නිරත වන බව අමාත්‍යවරයා වැඩිදුරටත් පැවසීය.

විදුලි බිඳ වැටීම් පිළිබඳව දැන්වත් කිරිමට ඇති 1987 අංකයට සම්බන්ද වීමට නොහැකි පාරිභෝගිකයන්ට SMS සේවය මගින් 1987ට ඹ්ඪ් සමග විදුලි පාරිභෝගික අංකය මගින් බිඳ වැටීම් දැනුවත් කිරීමටත් CEඹ් Cඅරෙ යෙදුම මගින් හෝ cඑබ්cඅරෙ.cඑබ්.ල්ක් වෙබ් පිටුටව පිවිස දැනුවත් කල හැකි බව අමාත්‍යවරයා වැඩිදුරටත් සඳහන් කර තිබේ.

Continue Reading

පුවත්

වෙසක් කලාප නිසා අවහිර විය හැකි මාර්ග ගැන දැනුම්දෙයි

Published

on

By

වෙසක් කලාපයක් හේතුවෙන් අවහිර විය හැකි ප්‍රධාන මාර්ගයක් පිළිබඳව පොලීසියෙන් රියදුරන්ට දැනුම්දීමක් සිදුකරයි.

ඒ, කටුනායක නිට්ටඹුව ප්‍රධාන මාර්ගය වේයන්ගොඩ ප්‍රදේශයෙන්.

වේයන්ගොඩ පොලිස් වසමේ වෙසක් කලාප 04ක් සහ වෙසක් තොරණ 07ක් ප්‍රදර්ශනය කිරීමට කටයුතු සූදානම් කර තිබේ.

පොලීසිය දැනුම්දෙන්නේ අද (23) සිට දින 07ක් එම වෙසක් කලාපය පැවැත්වෙන බවයි.

අදාල නිවේදනය පහතින් දැක්වේ.

Continue Reading

පුවත්

වෙසක් උත්සවයට සමගාමීව වෙසක් කලාප රැසක්

Published

on

By

මෙවර වෙසක් උත්සවයට සමගාමීව දිවයින පුරා වෙසක් කලාප 420කට අධික සංඛ්‍යාවක් පැවැත්වීමට සැලසුම් කර තිබේ.

දිවයින පුරා තොරණ 321කට වැඩි සංඛ්‍යාවක් ඉදිකර ඇති බවයි වාර්තා වේ.

සෑම වසරකම පවත්වන දෙමටගොඩ, තොටලග, පිටකොටුව, නවලෝක ආදී තොරණ මෙවර ද විචිත්‍රවත්ව ප්‍රදර්ශනය කිරීමට සූදානම් කර ඇත.

වෙසක් දිනයට සමගාමීව දිවයින පුරා දන්සැල් 5,000කට ආසන්න සංඛ්‍යාවක් පැවැත්වීම සඳහා සැලසුම් කර ඇති බව ද වාර්තා වේ.

වෙසක් කලාප ආශ්‍රිතව මෙන්ම ජනතාවගේ ආරක්ෂාව සඳහා පොලිස් නිලධාරින් 18,000කට අධික සංඛ්‍යාවක් යොදවා ඇති බවෙ පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා සඳහන් කලේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved