ඊසාන දිග මෝසම් කාළගුණික තත්ත්වය හේතුවෙන් ඉන්දු ලංකා මගීප්‍රවහන නෞකා සේවයේ පලමු අදියරේ මෙහෙයුම් කටයුතු අවසන් කල බව ශ්‍රී ලංකා වරාය අධිකාරිය කියයි. 

ඊසාන දිග මෝසම් කාළගුණික තත්ත්වය සමනයවු පසු ලබන ජනවාරි සිට යලි මගීප්‍රවහන සේවා මෙහෙයුම් කටයුතු ආරම්භ කරණ බව ශ්‍රී ලංකා වරාය අධිකාරියේ කන්කසන්තුරේ වරායේමෙහෙයුම් භාර නිලධාරි සමන්පෙරේරා මහතා කියා සිටී.

 “චෙරියපාණි” නැමැතිමෙම නෞකාවෙන් එකවර මගීන් 150 කට ගමන් කල හැකි අතර ඉන්දියාවේ නාගපට්ටනන් වරායේසිට ලංකාවේ කන්කසන්තුරේ වරාය දක්වා මගිප්‍රවහන මෙහෙයුම් ආරම්භ කරණුලැබුවේ වසර 41 කට පසුව ඉකුත් ඔක්තෝබර් 14 වෙනිිිදාය.‍

මේ අතර මගීප්‍රවහන මෙහෙයුම් වලට අමතරව ඉදිරියේදි දෙරටේ භාණ්ඩ ප්‍රවහන මෙහෙයුම් ආරම්භ කිරිම කෙරෙහි අවධානය යොමුවි ඇති බව මෙහෙයුම් භාර නිලධාරි සමන්පෙරේරා මහතා පවසයි.

මෙය සාර්ථක  වුවහොත් උතුරේ භාණඩ ප්‍රවහන කටයුතු වලට වැඩි ඉඩක් ලැබෙන බවද ඒ මහතා පෙන්වාදී ඇත.