ශ්‍රී ලංකා නාවික හමුදාවේ 74 වන සංවත්සරය ‍අද (09) වැනිදා අභිමානවත්ව සමරනු ලබයි.

ඊට සමගාමීව නාවික හමුදාධිපති, වයිස් අද්මිරාල් ප්‍රියන්ත පෙරේරා මහතාගේ නිර්දේශය මත විවිධ තරාතිරම්වලට අයත් ජ්‍යේෂ්ඨ හා කණිෂ්ඨ නාවිකයින් 2,138 ක් අද දින සිට උසස් කිරීමට කටයුතු කර තිබේ.

ඒ අනුව, සාමාන්‍ය නැවි තරාතිරම දක්වා නාවිකයන් 158 ක්ද, බල නැවි තරාතිරම දක්වා නාවිකයින් 279 ක්ද, නායක නැවි තරාතිරම දක්වා නාවිකයින් 406 ක්ද, සුළු නිලධාරී තරාතිරම දක්වා නාවිකයින් 391 ක්ද, ප්‍රධාන සුළු නිලධාරි තරාතිරම දක්වා නාවිකයින් 539 ක්ද, සමූහ ප්‍රධාන සුළු නිලධාරි තරාතිරම දක්වා නාවිකයින් 354 ක් සහ පාලක ප්‍රධාන සුළු නිලධාරි තරාතිරම දක්වා නාවිකයින් 11 ක්ද වශයෙන් ජ්‍යේෂ්ඨ හා කණිෂ්ඨ නාවිකයින් 2,138 ක් ඊළඟ තරාතිරම දක්වා උසස් කිරීම සිදුකර ඇත.

පසුගිය නොවැම්බර් මස 14 වනදා පැවති පාර්ලිමේන්තු මැතිවරණයට ඉදිරිපත් වූ සියලුම අපේක්ෂකයින්ට අදායම් වියදම් වාර්තා භාරදීමට තිබූ කාලය පසුගිය 06 වනදා මධ්‍යම රාත්‍රියෙන් අවසන් විය.

ඒ, අනුව එදිනට අදායම් වියදම් වාර්තා භාරදුන් අපේක්ෂකයින් සම්බන්ධයෙන් මැතිවරණ කොමිෂන් සභාව අද (09) නිවේදනයක් නිකුත් කර තිබේ.

එක් එක් දිස්ත්‍රික්කවලින් තරග කළ අපේක්ෂකයින් සංඛ්‍යාව සහ අදායම් වියදම් වාර්තා භාරදුන් අපේක්ෂකයින් සංඛ්‍යාව එම නිවේදනය මඟින් දක්වා ඇති ආකාර දැකගත හැකියාව ඇත.

මෙවර පාර්ලිමේන්තු මැතිවරණය වෙනුවෙන් දිස්ත්‍රික් මට්ටමින් සමස්ත අපේක්ෂකයින් 8,361ක් තරග කළ අතර ඉන් 7,412 දෙනෙකු අදාළ අදායම් වියදම් වාර්තා භාර දී ඇති බව එම කොමිසම සඳහන් කරයි.

මේ අතර, මාතර සහ කෑගල්ල දිස්ත්‍රික්කවලින් මැතිවරණය සඳහා තරග කළ අපේක්ෂකයින් සියලුම දෙනාම ඔවුන්ගේ අදායම් වියදම් වාර්තා භාර දී තිබීම ද විශේෂත්වයකි.

උතුරු මැද පළාතේ සංචාරක ව්‍යාපාරයේ ප්‍රවර්ධනය උදෙසා වාර්තාමය විඩීයෝ වැඩසටහනක් නිෂ්පාදනය කිරිම ඇතුළු කාර්යන් කිහිපයකට පුද්ගලික සැපයුම් කරුවෙකුට 2016 වසරේදි පළාත් සභාවෙන් රුපියල් එක්කෝටි විසිඑක් ලක්ෂයකට අධික මුදලක් ගෙවා තිබුනද එම කාර්ය වසර ගනනාවක් ගතව ගියත් මෙතෙක් ඉටුවි නොමැති බව ජාතික විගණන කාර්යාලය විසින් නිකුත් කළ විගණන වාර්තාවකින් හෙළිදරව් කර තිබේ.

මෙම මුදල පුද්ගලික සැපයුම්කරුවාගෙන් ආපසු අයකර ගැනිමට උතුරු මැද පළාත් සභාව විසින් මෙතෙක් නිතීමය ක්‍රියා මාර්ගයක් ගෙන නොතිබු බවද  එම විගණන වාර්තාවේ සදහන්ය.

උතුරු මැද පළාතේ සංචාරක ව්‍යාපාරය ප්‍රවර්ධනය කිරිම උදෙසා තාක්ෂණික ප්‍රමිතියෙන් යුක්ත වාර්තාමය විඩීයෝ වැඩ සටහනක් සකස් කිරිම,ආකාර්ෂණිය පින්තුර සහිත ප්‍රමිතියෙන් යුක්ත පොතක් නිර්මාණය කිරිම සහ විධිමත් තොරතුරු සහිත වෙබ් අඩවියක් නිර්මාණය කිරිම වෙනුවෙන් උතුරු මැද ප්‍රධාන ලේකම්වරයා විසින් පුද්ගලික සැපයුම්කරුවෙකු සමග රැපියල් එක්කෝටි පනස් හත්ලක්ෂ අනුහත්දාස් පන්සීයක(රැ.15,797,500) මුදලකට 2016 මාර්තු 23 වැනි දින ගිවිසුම් ගතව තිබුණි.

මෙම ගිවිසුම ගත මුදලින් රුපියල් එක්කෝටි විසිඑක්ලක්ෂ හතළිස් හතර දහස් පන්සීයක මුදලක් 2016 දෙසැම්බර් මස 26 වැනි දින වැඩ නිම කිරිමට පෙර ගෙවා තිබු බව විගණන වාර්තාවේ සදහන් වේ.