Connect with us

පුවත්

උණ්ඩියල් කෙරුමන්ගේ තොරතුරු හෙළිවෙලා; වැඩිපිරිස ව්‍යාපාරිකයෝ

Published

on

උණ්ඩියල් සහ හවාලා වැනි අවිධිමත් ක්‍රම හරහා විදේශ මුදල් හුවමාරු කරන පුද්ගලයන් 80 කට වැඩි පිරිසක් සම්බන්ධයෙන් තොරතුරු සොයා ගැනීමට ඒ සම්බන්ධයෙන් පසුගිය කාලයේ විමර්ශනය කළ පොලිස් කණ්ඩායම් සමත්ව ඇතැයි වාර්තා වේ.

මේ ව්‍යාපාරයේ යෙදී සිටින අයගෙන් වැඩි පිරිසක් මුස්ලිම් ව්‍යාපාරිකයන් බවද පැවසේ.

ඉන් දෛනිකව ඇමරිකානු ඩොලර් 50,000ක් පමණ හුවමාරු කරණ අයකු සම්බන්ධයෙන් විමර්ශන සිදුකරන බව පොලිස් අභ්‍යන්තර ආරංචි මාර්ගවලින් වාර්තා වේ.

අදාළ පුද්ගලයා කුකුල් මස් ව්‍යාපාරිකයකු බවත් මේවන විට හෙළිකරගෙන ඇති බව පැවසේ.

ජාතික මැණික් හා ස්වර්ණාභරණ අධිකාරිය විසින් මැණික් වෙළදාම සදහා ලබාදී ඇති බලපත්‍රයක් අව භාවිත කරමින් අදාළ අය මේ කටයුතු කරන බව ශ්‍රී ලංකා මිරර් කළ සොයා බැලීමකදී හෙළිකර ගැනීමට හැකි විය.

ක්‍රිප්ටෝ කරන්සි භාවිතා කරමින් ඔවුන් අදාළ උණ්ඩියල් සහ හවාලා වැනි අවිධිමත් ක්‍රම හරහා විදේශ මුදල් හුවමාරු කරන බවද මේවන විට හෙළිව තිබේ.

එසේම මේ ව්‍යාපාරිකයා කලකට ඉහතදී කුවේට්හි වාසය කර ඇති අතර එහි මොහු සම්බන්ධයෙන් මූල්‍ය විමර්ශනයක් පැවැත්වෙමින් තිබියදී ඔහු ලංකාවට පැණවිත් ඇතැයි ද ශ්‍රී ලංකා මිරර් වෙත වාර්තා වේ.

ඊට අමතරව මුදල් හුවමාරු කරනු ලබන කැළණිය, වත්තල, දෙමටගොඩ හා අලුත්කඩේ යන ප්‍රදේශවල පුද්ගලයන් පස්දෙනෙකු සම්බන්ධයෙන්ද තොරතුරු පොලිසිය සොයමින් සිටින බව වාර්තා වේ.

ඩොලර් මිලියන 10ක් ‌දිනපතා උණ්ඩියල් වෙනවා

හවාලා සහ උණ්ඩියල් ක්‍රම මඟින් ඩොලර් මිලියන දහයකට අධික මුදලක් දෛනික ව මෙරටට ලැබෙන බවට කරුණු අනාවරණය වෙමින් ඇතැයි මුදල් අමාත්‍යාංශය යටතේ ක්‍රියාත්මක මූල්‍ය බුද්ධි ඒකකය පවසයි.

ඉතාලිය, ඩුබායි, එංගලන්තය, කැනඩාව, ඔස්ට්‍රේලියාව මෙන් ම යුරෝපා සංගමයට අයත් රටවල් බොහොමයක සිටත් මෙම නීති විරෝධී ක්‍රම මඟින් මුදල් ගනුදෙනු සිදු වන බව එහි දී තොරතුරු අනාවරණය ව ඇත.

කොහොමද මේක වෙන්නේ…

බොහෝ රටවල විසිරී සිටින පුද්ගලයන්ගෙන් සැදුම්ල ත් ජාලයක් හරහා ක්‍රියාත්මක වන උණ්ඩියල් සහ හවාලා යනු බැංකු හෝ වෙනත් විධිමත් ආයතනයක මැදිහත් වීමකින් තොර ව රටවල් දෙකක් හෝ කිහිපයක් අතර මුදල් හුවමාරු කිරීමේ ක්‍රම වේ.

උදාහරණයක් ලෙස A (මුදල් යවන්නා), B ( A ජීවත් වන රටේ උණ්ඩියල් හෝ හවාලා තැරැව්කරු), C (මුදල් ලබන්නා ජීවත් වන රටේ උණ්ඩියල් හෝ හවාලා තැරැව්කරු), සහ D (මුදල් ලබන්නා) යනුවෙන් පුද්ගලයන් සිවු දෙනෙක් ගනිමු. ඉන් A සහ B එක රටකත්, C සහ D තවත් රටකත් ජීවත් වේ. මෙහිදී  A, D ට යැවීමට අවශ්‍ය මුදල B ට ලබා දෙයි. පසුව, B, A එවන මුදල ලබා ගැනීම C ට ලබා දෙයි. C, එම මුදල අදාළ රටේ මුදල් ඒකකයෙන් D ට ලබා දෙයි. B, D ජීවත් වන රටේ පවත්වාගෙන යන සිය බැංකු ගිණුමක තිබෙන තැම්පතුවලින්, C වැනි පුද්ගලයකුගේ මැදිහත් වීමෙන් තොරව අදාළ මුදල D ට ලබා දෙන අවස්ථා ද ඇත.

කිසිදු ලිපි ලේඛනයක් හෝ වෙනත් ආකාරයක සටහන් කිරීමකින් තොර ව රහස් කේතයක් (Password) හෝ විස්තරයක් මත පදනම් ව සිදු වන මෙම ගනුදෙනු හුදෙක්ම විශ්වාසය ඉදිරියට යන්නකි. 

මෙම ගනුදෙනුවලදී දේශ සීමා හරහා භෞතික ව මුදල් හුවමාරුවක් සිදු නොවන අතර, බැංකුවක් හෝ වෙනත් බලයලත් මුදල් හුවමාරු කරන ආයතනයක මැදිහත් වීමක් ද එහිදී සිදු නොවේ.

පොලිසියෙන් විශේෂ ඒකකයක්

ශ්‍රී ලංකාව මේ වන විට මුහුණ දෙන ආර්ථික අර්බුදය වඩාත් උග්‍ර වීමට රටට ලැබෙන විදේශ විනිමය ප්‍රමාණයේ සැලකිය යුතු අඩු වීම ප්‍රධාන හේතුවක් බව ශ්‍රී ලංකා මහ බැංකුව හඳුනාගෙන ඇත. 

බැංකු පද්ධතියෙන් පරිබාහිර ව උණ්ඩියල් සහ හවාලා වැනි ක්‍රම භාවිතයෙන් විදෙස් මුදල් මෙරටට එවීම විදේශ විනිමය ප්‍රමාණය අඩු වීමට බලපා ඇති කරුණකි. 

මෙම කරුණු සැලකිල්ලට ගනිමින් සහ, මහ බැංකුවේ අධිපතිවරයාගේ ඉල්ලීම පරිදි එවැනි ක්‍රම ඔස්සේ මුදල් හුවමාරු කිරීමේ සිදුවීම් සම්බන්ධයෙන් විමර්ශන පැවැත්වීම සඳහා නීති විරෝධී වත්කම් විමර්ශන කොට්ඨාශය යටතේ විශේෂ පොලිස් ඒකකයක් පත් කිරීමට පොලිස්පතිවරයා පසුගියදා පියවර ගෙන තිබිණි.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved