Connect with us

පුවත්

උණුසුම වැඩි කාලේ පෙරහැරවල්වල අලි ගෙනියනවද ?

Published

on

අධික උණුසුම් කාලගුණයක් පවතින මෙවන් සමයක, ගෘහාශ්‍රිත හීලෑ අලි ඇතුන් පෙරහැර වල රැගෙන යාම පිළිබඳව වැඩි අවධානයක් යොමු කල යුතු බව “රෙයා ශ්‍රී ලංකා“ සංවිධානය පවසයි.

ඉකුත් 22දා රාත්‍රීයේ මහනුවර ඇසළ පෙරහැර‍ෙහි දෙවන කුඹල් පෙරහැරේ ගමන් ගත් අලි ඇතුන් පස්දෙනෙකු පමණ කුලප්පු විමේ සිද්ධියෙන් මේ බව යළි යළිත් සනාථ වන බව එම සංවිධානයේ සභාපතිනී පංචාලි පනාපිටිය “මව්බිම“ට පැවසීය.

එතුමිය සඳහන් කළේ, එම සතුන් කුලප්පු විමට හේතුව වුයේ එහි රැගෙන ගිය කොප්පරා පන්දම් වලින් පිටතට විසි වු ගිනි පුපුරු පෑගිමෙන් යැයි පැවසුනද, මෙවන් උණුසුම් කාලයකදී ඉතා ඝනකම් ඇඟලුම් ඇඟලා ගෙන දිර්ඝ වේලාවක් පෙරහැරේ ගමන් කිරිම එම සතුන්ට මහත් පීඩාවක් ගෙන දෙන බවයි.

වෙල්වට් වැනි අධික ඝනකමින් යුක්ත රෙදි වලින් නිමවා ඇති මෙවන් ඇඟලුම් මඟින් එම සතුන්ගේ කන්පෙති පවා ආවරණය වන බැවින් එම සතුන්ට උන්ගේ ශරීර උණුසුම පාලනය කර ගත නොහැකි බවට ද ඇය චෝදනා කරයි.

සමාන්‍යයෙන් අලි-ඇතුන් උන්ගේ ශරීරයේ උණුසුම පාලනය කරගන්නේ කන්පෙති සෙලවිමෙන් නිසා ඒවා ආවරණය වු විට උන්ට දැනෙන උණුසුම වැඩි වන බවත් මෙවන් උණුසුම් සහිත කාලයකදි එය වඩාත් වැඩි වන බවත් ඇය අවධාරණය කළාය.

එමෙන්ම කුලප්පු වු අදාළ සතුන් අතරින් කිහිපදෙනෙකෙුම නීති විරෝධී ලෙස කැලයෙන් අල්ලාගෙන විත් ඉතා කුරීරු අන්දමින් වධහිංසා පමුණුවා හීලෑ කල අලි බවට සැකයක් පවතින බවත් යම් හෙයකින් මේ අලි කුලප්පු විම නිසා කිසියම් අයෙකු මියගිය හොත් එහි වගකීම භාරගන්නේ කවුරුන්ද යන්න ඇය ප්‍රශ්න කර සිටියාය.  

තවද අලි ඇතුන් සියල්ලක්ම පාහේ පෙරහැරේ රැගෙන යන්නේ පාද හතරම දම්වැල් වලින් බැඳ බවත් ඒ බව වසන් කිරිමට පොළව ස්පර්ශ වන සේ ඇඟලුම් නිම වුවත් පා බැඳි දම්වැල් සැඟවිය නොහැකි බව ඇය අවධාරණය කළාය.

මේ අයුරින් එම අලි ඇතුන් පෙරහැරේ රැගෙන යාමේදි යම් හෙයකින් නොසන්සුන් වි කලබල වුවහොත් උන් මෙල්ල කිරිම සඳහා හෙන්ඩුවෙන්,කෝටු වලින් පහර දෙමින් හිංසා කිරිම සුලභ කරුණක් වි ඇතැයිද ඇය පැවසුවාය.

විදේශිකයන්ටද පෙරහැර නැරඹීමට යැයි ආරාධනා කරමින් මෙලෙස සත්ත්ව හීංසනය ප්‍රදර්ශනය කරන්නේ නම් එය කිසිසේත්ම අනුමත කල නොහැකි බව ඇය අවධාරණය කර සිටියාය.

(මුලාශ්‍රය : මව්බිම)

පුවත්

බොරු මැණික් විකිණීමට ගිය 6ක්  අත්අඩංගුවට

Published

on

By

නිධානයකින් ලබාගත් ලද බවට පවසමින් ව්‍යාජ මැණික්ගල් පෙන්වා මුදල් වංචා කිරීමට තැත්කළ කාන්තාවක් ඇතුළු සැකකරුවන් 06 දෙනෙකු අත්අඩංගුවට ගෙන තිබේ.

ඊයේ (25) දහවල් කාලයේදී කටුගස්තොට පොලීසියට ලද තොරතුරක් මත කටුගස්තොට නගරයේදී එම සැකකරුවන් අත්අඩංගුවට ගෙන ඇත.

අත්අඩංගුවට ගත් සැකකරුවන් අවුරුදු 35 හා 51 අතර වයස්වල පසුවන හෙයියන්තුඩුව, ගාල්ල, හිනිදුම සහ ඇතුල්කෝට්ටේ ප්‍රදේශවල පදිංචිකරුවන් වන අතර සැකකාරිය හබරකඩ ප්‍රදේශයේ පදිංචි 35 හැවිරිදි කාන්තාවකි.

මෙම සැකකරුවන් ව්‍යාජ මැණික්ගල් තැරැවුකරුවන් මාර්ගයෙන් ගැණුම්කරුවෙකු සම්බන්ධකර විකිණීම සඳහා ගාල්ල, නෙළුව ප්‍රදේශයේ සිට කටුගස්තොට ප්‍රදේශයට පැමිණ ඇත.

තරැවුකරුවන් විසින් මෙම මැණික්ගල් ව්‍යාජ මැණික්ගල් බවට අනාවරණය කරගෙන ඒ සම්බන්ධයෙන් කටුගස්තොට පොලීසිය දැනුම්වත් කිරීමෙන් පසු සැකකරුවන් අත්අඩංගුවට ගෙන තිබේ.

සැකකරුවන් හා සැකකාරිය ඊයේ (25) මහනුවර මහෙස්ත්‍රාත් අධිකරණය වෙත ඉදිරිපත් කිරීමෙන් පසු හෙට (27) දක්වා රක්ෂිත බන්ධනාගාර ගත කර ඇති අතර කටුගස්තොට පොලීසිය වැඩිදුර විමර්ශන සිදුකරයි.

Continue Reading

පුවත්

තද සුළං ගැන අනතුරු ඇඟවීමක්

Published

on

By

කාලගුණවිද්‍යා දෙපාර්තමේන්තුව විසින් තද සුළං පිළිබඳ අවවාදාත්මක නිවේදනයක් නිකුත් කර තිබේ.

අද (26) පෙ.ව 10.30ට නිකුත් කරන ලද එම නිවේදනය හෙට (27) පෙ.ව 10.30 තෙක් වලංගුවන බව කාලගුණ විද්‍යා දෙපාර්තමේන්තුව සඳහන් කරයි.

මධ්‍යම කඳුකරයේ බටහිර බෑවුම් ප්‍රදේශවල සහ උතුරු මැද, දකුණු, වයඹ පළාත් සහ ත්‍රිකුණාමලය දිස්ත්‍රික්කය සඳහා මෙම නිවේදනය වලංගුවන බව කාලගුණවිද්‍යා දෙපාර්තමේන්තුව පවසයි.

දිවයින හරහා නිරිතදිග මෝසම් සුළං ප්‍රවාහයේ වැඩිවීම හේතුවෙන්, මධ්‍යම කඳුකරයේ බටහිර බෑවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 50-60ක පමණ තද සුළං ඇතිවිය හැකිය.

දිවයිනේ සෙසු ප්‍රදේශවල විටින් විට හමන පැ.කි.මී 30-40 පමණ තරමක තද සුළං ඇතිවිය හැකි බව කාලගුණ විද්‍යා දෙපාර්මේන්තුව වැඩිදුරටත් නිවේදනය කරයි.

Continue Reading

පුවත්

“ලංකාවේ ලොකුම සන්ධානය අපි හදනවා”

Published

on

By

ඉදිරි මැතිවරණ ඉලක්ක කරමින් ශ්‍රී ලංකාවේ ලොකුම හා ශක්තිමත්ම සන්ධානය ශ්‍රී ලංකා නිදහස් පක්ෂය ප්‍රමුඛ කරගනිමින් ආරම්භ කරන බව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසයි.

පාර්ලිමේන්තුව නියෝජනය කරන පක්ෂ ගණනාවක් මෙන්ම පාර්ලිමේන්තුව නියෝජනය නොකරන පක්ෂ ගණනාවක් දැනටමත් තම සන්ධානයට සහයෝගය පළ කර ඇති බව අමාත්‍යවරයා සඳහන් කරන්නේය.

එමෙන්ම විවිධ පක්ෂ නියෝජනය කරන පාර්ලිමේන්තු මන්ත්‍රීවරු රැසක් අම්බලන්තොට රැලියට ජුනි 8 වැනිදා සහභාගී වීමට නියමිතව ඇතැයි අමාත්‍ය මහින්ද අමරවීර මහතා පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved