Connect with us

පුවත්

උතුරු – නැගෙනහිර බිම්බෝම්බ ඉවත්කරන්න ජපානයෙන් තවදුරටත් සහය

Published

on

ශ්‍රී ලංකාවේ උතුරු සහ නැගෙනහිර ප්‍රදේශ වල මානුෂීය බිම්බෝම්බ ඉවත් කිරීමේ කටයුතු සඳහා ජපන් රජය විසින් මැග් /Mines Advisory Group (MAG) ආයතනයට ඇමරිකානු ඩොලර් 648,148ක (ආසන්න වශයෙන් රු. මිලියන 232) මුදලක් ලබා දී ඇත.

මෙම ආධාර ප්‍රදානය සඳහා වන ගිවිසුම 2022 නොවැම්බර් මස 30 වෙනි දින කොළඹ පිහිටි ජපන් තානාපති නිල නිවහනේදී ජපන් තානාපති – මිසුකොෂි හිදයකි මහතා සහ මැග් ආයතනයේ ශ්‍රී ලංකාව භාර අධ්‍යක්ෂිකා ක්‍රිස්ටි මැක්ලෙනන් මෙනවිය අතර අත්සන් කරන ලදී.

ජපන් ආධාර හරහා මෙය MAG විසින් ක්‍රියාත්මක කරන ලද 14 වැනි බිම්බෝම්බ ඉවත් කිරීමේ ව්‍යාපෘතියයි. පෙර ව්‍යාපෘති 13 මගින් වර්ග මීටර් 2,965,949 කට අධික භූමි ප්‍රමාණයක් නිදහස් කර ඇති අතර බිම් බෝම්බ 15,831 කට වැඩි ප්‍රමාණයක් සහ අනෙකුත් පුපුරණ ද්‍රව්‍ය ඉවත් කර ඇත. මෙම නව ව්‍යාපෘතිය මගින් මන්නාරම, මුලතිව්, වවුනියාව සහ ත්‍රිකුණාමලය දිස්ත්‍රික්කවල අතිරේක වර්ග මීටර් 259,464ක භූමි ප්‍රමාණයක් එළිපෙහෙළි කර, බිම්බෝම්බවලින් දූෂිත ප්‍රදේශ අභ්‍යන්තර අවතැන් වූවන්ට ආරක්ෂිත ඉඩම් බවට පත් කිරීම සහ සෘජුව හෝ වක්‍රව පුද්ගලයන් 7,424 දෙනෙකුගේ ජීවනෝපාය ඉහළ නැංවීමට අපේක්ෂා කෙරේ.

මෙම වසරේදී MAG විසින් ශ්‍රී ලංකාවේ බිම්බෝම්බ ඉවත් කිරීමේ කටයුතු දියත් කර එහි 20 වැනි සංවත්සරය සනිටුහන් කළේය. 2002 වසරේ ශ්‍රී ලංකා බිම්බෝම්බ ක්‍රියාකාරී වැඩසටහන ආරම්භයේ සිට ජපානය බිම්බෝම්බ ඉවත් කිරීමේ ක්ෂේත්‍රයේ ප්‍රධාන පරිත්‍යාගශීලියෙකි. බිම් මට්ටමේ මානව ආරක්ෂණ ව්‍යාපෘතිය (GGP) සඳහා වන ප්‍රදාන ආධාරය හරහා මේ සඳහා ඇමරිකානු ඩොලර් මිලියන 43.3 කට වැඩි ආධාර ලබා දෙන ලදී. ‘පතල්වලින් තොර ශ්‍රී ලංකාවක්’ සාක්ෂාත් කර ගැනීම සඳහා මෙම වැඩසටහනට අඛණ්ඩව සහය දැක්වීමට ජපානය කැපවී සිටී.

මෙම ප්‍රදානය පිළිබඳව අදහස් දක්වමින් ක්‍රිස්ටි මැක්ලෙනන් මෙනවිය මෙසේ ප්‍රකාශ කළාය.

“ශ්‍රී ලංකාව තුළ සහ ලොව පුරා මානුෂීය බිම් බෝම්බ ඉවත් කිරීම් ව්‍යාපෘති සඳහා ගෞරවනීය පරිත්‍යාගශීලියෙකු වන ජපන් රජයෙන් මෙම ප්‍රදානය ලැබීම ගැන MAG ඉතා ගෞරවයෙන් සලකනවා. පසුගිය වසර අට තුළ පමණක්, MAG ශ්‍රී ලංකා සහ ජපන් රජය අතර හවුල්කාරිත්වය හේතුවෙන් බිම් බෝම්බ 16,000 කට ආසන්න ප්‍රමාණයක් ඉවත් කර විනාශ කිරීමට හැකි වී තිබේ. මන්නාරම, මුලතිව්, ත්‍රිකුණාමලය සහ වවුනියාව දිස්ත්‍රික්කවල එහි නිෂ්කාශන මෙහෙයුම් හරහා බොහෝ දෙනෙකුට නැවත පදිංචි වීමට සහ ඔවුන්ගේ ජීවිත සහ ජීවනෝපාය නැවත ගොඩනඟා ගැනීමට එය උපකාර වී තියනවා. ජපානයේ ජනතාවගෙන් ලැබෙන අරමුදල් ජීවිත බේරා ගැනීමට පමණක් නොව, බිම් බෝම්බවලින් පීඩාවට පත් වූ සහ රටේ දුප්පත්ම ප්‍රජාවන් සඳහා සුරක්ෂිත අනාගතයක් ගොඩනැගීමට ද දායක වෙනවා. මෙම අඛණ්ඩ ජපන් සහයෝගය සමඟින්, බිම්බෝම්බ වලින් නිදහස් වීමට ශ්‍රී ලංකා රජයේ කැපවීමට සහය දැක්වීම සඳහා රට තුළ බිම්බෝම්බ මුදා හැරීමේ අවසන් අදියර සඳහා නිෂ්කාශන කටයුතු අඛණ්ඩව සිදු කිරීමට MAG අපේක්ෂා කරනවා.”

පුවත්

ශිෂ්‍යත්ව විභාගයට අයැදුම්පත් කැඳවීම අද සිට

Published

on

By

2024 වසරේ 5 ශ්‍රේණිය ශිෂ්‍යත්ව විභාගය සඳහා අයැදුම්පත් කැඳවීම අද (27) සිට ආරම්භ වන බව විභාග දෙපාර්තමේන්තුව පවසයි.

විභාග කොමසාරිස් ජනරාල් අමිත් ජයසුන්දර මහතා පැවසුවේ, ලබන මස 14 වැනිදා දක්වා මාර්ගගතව අයැදුම්පත් කැඳවන බවය.

ජුනි 14 වැනිදා මධ්‍යම රාත්‍රි 12 ට මාර්ගගත ප්‍රවේශය වසා තබන බවත් , කිසිදු හේතුවක් මත අයැදුම්පත් භාරගැනීමේ අවසන් දිනය දීර්ඝ නොකරන බවත් විභාග කොමසාරිස් ජනරාල්වරයා සඳහන් කළේ ය.

ඔහු පැවසුවේ රජයේ පාසලක හෝ රජය විසින් අනුමත කරනු ලැබු පාසලක 5 ශ්‍රේණියේ ඉගැනුම ලබන සිසුන්ට පමණක් 5 ශ්‍රේණිය ශිෂ්‍යත්ව විභාගයට ඉදිරිපත්විය හැකි බවයි.

මේ අතර, 2025 ජනවාරි 31 වැනි දිනට වයස අවුරුදු 11ට අඩු, අඩු ආදායම් සහිත සිසුන් ශිෂ්‍යාධාර ලැබීමට සුදුසුකම් ලබන බවද ඔහු සඳහන් කළේ ය.

විභාග කොමසාරිස් ජනරාල්වරයා පැවසුවේ, අයැදුම් කිරීමට අදාළ උපදෙස් www.onlineexams.gov.lk යන වෙබ් අඩවියට පිවිසීමෙන් ලබාගත හැකි බවයි.

විශේෂ අවශ්‍යතා සහිත සිසුන්, ඉල්ලුම් කළ යුතු ආකාරය පිළිබඳ උපදෙස් විස්තරාත්මකව උපදෙස් පත්‍රිකාවේ සඳහන් කර ඇතැයිද විභාග කොමසාරිස් ජනරාල් අමිත් ජයසුන්දර මහතා සඳහන් කළේ ය.

2024, 5 ශ්‍රේණිය ශිෂ්‍යත්ව විභාගය ලබන සැප්තැම්බර් 15 වැනි ඉරුදින පැවැත්වීමට නියමිතයි. 

Continue Reading

පුවත්

වැසි හා සුළං තත්ත්වය තවදුරටත්

Published

on

By

නිරිත දිග මෝසම් තත්ත්වය හේතුවෙන් පවතින සුළං තත්ත්වය තවදුරටත් බලාපොරොත්තු විය හැකි බව කාලගුණවිද්‍යා දෙපාර්තමේන්තුව නිවේදනය කරයි.

බස්නාහිර, සබරගමුව, මධ්‍යම, වයඹසහ දකුණු පළාත්වල විටින් විට වැසි හෝ ගිගුරුම් සහිත වැසි ඇතිවේ.

බස්නාහිර සහ සබරගමුව පළාත්වලත් නුවරඑළිය දිස්ත්‍රික්කයේත් ඇතැම් ස්ථානවල මි.මී. 75 ක පමණ තරමක තද වැසි ඇතිවිය හැක.

ඌව සහ නැගෙනහිර පළාත්වල සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇතිවේ.

මධ්‍යම කඳුකරයේ බටහිර බැවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රීකුණාමලය දිස්ත්‍රික්කයේත් විටින් විට හමන පැ.කි.මී. (50-60) ක පමණ තද සුළං ඇතිවිය හැක. දිවයිනේ සෙසු ප්‍රදේශවල විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැක

Continue Reading

පුවත්

නීතිපති තවත් මාස 6ක් තියාගන්න ජනපතිට හිත ගිහින්?

Published

on

By

නීතිපති, ජනාධිපති නීතිඥ සංජේ රාජරත්නම් මහතාගේ ධුර කාලය මාස හයකින් දීර්ඝ කිරීමට ජනාධිපති රනිල් වික්‍රමසිංහ මහතා නිර්දේශ කර ඇතැයි ජනාධිපති කාර්යාල ආරංචි මාර්ගවලින් වාර්තා වන බව “දිනපතා අරුණ” පුවත්පත වාර්තා කර තිබේ.

මෙම නිර්දේශය ආණ්ඩුක්‍රම ව්‍යවස්ථා සභාවට ඉදිරිපත් කර ඇති බවත්, ලබන මස මුල් සතියේ පාර්ලිමේන්තුව රැස්වන විට එම ඉල්ලීම සලකා බැලීමට ආණ්ඩුක්‍රම ව්‍යවස්ථා සභාව අපේක්ෂා කරන බවත් එහි වැඩිදුරටත් දැක්වේ.

නීතිපතිවරයා ලබන ජුනි 27 වැනිදා විශ්‍රාමයාමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved