Connect with us

පුවත්

උමාරා, ජාතික ගීය කියලා තියෙන්නෙ වැරදියට – කමිටුව

Published

on

2023 ලංකා ප්‍රීමියර් ලීග් ක්‍රිකට් තරගාවලියේ සමාරම්භක උත්සවයේදී ගායන ශිල්පිනී උමාරා සිංහවංශ විසින් ජාතික ගීය ගායනා කර ඇත්තේ වැරැදි ආකාරයෙන් බවට අනාවරණය වී ඇත.

ඒ පිළිබඳව සොයා බැලීම සඳහා රාජ්‍ය පරිපාලන හා ස්වදේශ කටයුතු අමාත්‍යාංශයේ ලේකම්වරයා විසින් පත්කරන ලද කමිටුව මගින් මේ බව අනාවරණය කරගෙන ඇත.

LPL සමාරම්භක උත්සවයේදී ජාතික ගීය ගායනා කිරීමේදී ගායන ශිල්පිනී උමාරා සිංහවංශ විසින් “මාතා’’ යන පදය වෙනුවට “මහතා’’ ලෙස  ගායනා කිරීම සම්බන්ධයෙන් විමර්ශනය කිරීම සඳහා ස්වදේශ කටයුතු අමාත්‍යාංශයේ අතිරේක ලේකම්වරයකු සහ විමර්ශන නිලධාරියකු අදාළ කමිටුවේ සාමාජිකයන් ලෙස පත් කර තිබුණි.

එම කමිටුව විසින් LPL තරගාවලිය සංවිධානය කරන ලද ශ්‍රී ලංකා ක්‍රිකට් ආයතනයෙන් සහ ගායන ශිල්පිනී උමාරා සිංහවංශගෙන් ද ප්‍රකාශ ලබාගෙනද තිබුණි.

කෙසේවෙතත්, එම විමර්ශනයේදී තහවුරු කර ඇත්තේ ආණ්ඩුක්‍රම ව්‍යවස්ථාවට අනුව ජාතික ගීයේ අදාළ පදමාලා මධ්‍ය ස්වරයෙන් ගායනා කළයුතු වූවත්, ගායන ශිල්පිනිය එය ගායනා කර ඇත්තේ උච්ච ස්වරයෙන් බවයි.

එමෙන්ම, මීට පෙර පැවැති ලංකා ප්‍රීමියර් ලීග් ක්‍රිකට් තරගාවලියේ සමාරම්භක උත්සවයේදී මෙම ගායන ශිල්පිනිය කණ්ඩායමක් එක්ව ජාතික ගීය ගායනා කර ඇති අතර,එහිදී ද “මාතා’’ වෙනුවට “මහතා’’ යැයි ගායනා කර ඇති බව විමර්ශන කණ්ඩායම විසින් තොරතුරු අනාවරණය කරගෙන තිබේ.

විමර්ශන කණ්ඩායම විසින් අදාළ වාර්තාව ඉකුත් සිකුරාදා (18දා) රාජ්‍ය පරිපාලන හා ස්වදේශ කටයුතු අමාත්‍යාංශයේ ලේකම්වරයාට භාරදී ඇත.  

පුවත්

“විදුලි බිල අඩු කල හැකියි”

Published

on

By

විදුලි බිල 10% ත් 20% ත් අතර ප්‍රතිශතයකින් අඩු කිරීමේ හැකියාව ඇති බවත් විදුලිබල මණ්ඩලය ප්‍රතිව්‍යුහගතකරණය කළහොත් ඉන් පසුව විදුලි බිල ඉහළ යෑම වැඩි හැකියාවක් ඇති බවත් ලංකා විදුලිබල මණ්ඩල ඉංජිනේරු සංගමයේ සභාපති ධනුෂ්ක පරාක්‍රමසිංහ මහතා අද (29) පැවසීය.

ධනුෂ්ක පරාක්‍රමසිංහ මහතා කොළඹදී විශේෂ මාධ්‍ය හමුවක් පවත්වමින් මේ බව ප්‍රකාශ කරන ලදී.

මෙම වසරේ දෙවැනි විදුලි ගාස්තු සංශෝධනය ලබන ජූලි මස 1 වැනිදා ක්‍රියාත්මක කිරීම සඳහා වන යෝජනාව මෙම සතියේ විදුලිබල මණ්ඩලය, මහජන උපයෝගිතා කොමිසමට ඉදිරිපත් කිරීමට නියමිත බවත් එහිදී ජනතාවට සැළකිය යුතු විදුලි ගාස්තු අඩු වීමට ලැබිය යුතු බවත් ඔහු සඳහන් කලේය.

පාර්ලිමේන්තුවේ සාකච්ඡා කිරීමට නියමිත විදුලිබල මණ්ඩලය ප්‍රතිව්‍යුහගතකරණය කිරීමේ පනතින් විදුලි බිල ඉහළ දැමීමට අවශ්‍ය ප්‍රතිපාදන ලැබී ඇති බව පැවසු පරාක්‍රමසිංහ මහතා විදුලිබල මණ්ඩලයේ වර්තමාන පරිපාලනය විදේශ සමාගම්වලට අවශ්‍ය ආකාරයට දැන්ම සිටම කටයුතු කරමින් සිටින බව ද පැවසීය.

Continue Reading

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved