Connect with us

පුවත්

එක වසරට ළමුන් ගන්න පගාව ගත්තැයි DS විදුහල්පතිට චෝදනා?

Published

on

පළමු වසරට ළමුන් ඇතුලත් කර ගැනීමේදී කොළඹ ඞී. එස්. සේනානායක විද්‍යාලයේ විදුහල්පතිවරයා සහ ගුරුවරයෙක් රුපියල් ලක්ෂ පන්සියයකට අධික මුදල් ලබා ගත් බව කියන සිද්ධියක් සම්බන්ධයෙන් අධ්‍යාපන අමාත්‍යාංශය විමර්ශනයක් ආරම්භ කර ඇතැයි “සතිය” පුවත්පත වාර්තා කර තිබේ.

මෙම විදුහල්පතිවරයාට මීට පෙර සේවය කළ පාසැලේදීද දරුවන් ඇතුළත් කරගැනීමේදී මූල්‍ය අක‍්‍රමිකතා සිදුකළ බවට චෝදනා එල්ලවී ඇති අතර එම චෝදනා සම්බන්ධයෙන් අධ්‍යාපන අමාත්‍යංශය මගින් විමර්ශණයක් පවත්වා රාජ්‍ය සේවා කොමිශන් සභාව විසින් ඔහු යළිත් විදුහල්පති ධූරයට පත් නොකරන ලෙස නිර්දේශයක් ද දී තිබූ බව පැවසේ.

ඔහුව ඞී.ඇස්. සේනානායක විද්‍යාලයේ රාජකාරිය ආවරණය සඳහා අධ්‍ය්‍යාපන අමාත්‍යංශය විසින් පත්කර ඇත්තේ රාජ්‍ය සේවා කොමිසන් සභාව අදාළ නිර්දේශය ද නොසලකා බව එම පුවත්පත වාර්තා කර ඇත.

මෙම පාසලට පත්වීමට පෙර ඔහු කොළඹ ආනන්ද විද්‍යාලයේ විදුහල්පති ලෙස පත්වීමට ඔහු උත්සහ ගෙන ඇති අත එම විද්‍යාලයේ ආදි ශිෂ්‍ය සංගමයේ දැඩි විරෝධය හේතුවෙන් එය ව්‍යවර්ථ වී තිබේ.

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved