Connect with us

පුවත්

එනවා. ගහනවා. යනවා.: මේක මහ භයංකර තත්ත්වයක්

Published

on

මේවනවිට රටේ නීතිය හා සාමය පිළිබඳව අද බරපතල ප්‍රශ්නයක් උද්ගත වී ඇති බව විපක්ෂනායක සජිත් ප්‍රේමදාස මහතා අද (11) පාර්ලිමේන්තුවේදී අදහස් දක්වමින් පැවසීය.

මෙහිදී වැඩිදුරටත් අදහස් දැක්වූ විපක්ෂනායකවරයා,

“අපේ රටේ නීතිය හා සාමය පිළිබඳව අද බරපතල ප්‍රශ්නයක් උද්ගත වෙලා තියෙනවා. එනවා, ගහනවා, යනවා. හැමතැනකම ජන සමාජයේ ප්‍රචණ්ඩත්වය රජ වෙලා. මේක පිළිබඳව අපේ රටේ පොදු ජනතාවගේ මහ ලොකු භීතියක් තියෙනවා. ලොකු සැක සාංකාවක් තියෙනවා.

මම මේ කාරණාව දේශපාලනීකරණය කිරීමට කිසිසේත්ම උත්සාහ කරන්නේ නැහැ.

ජන සමාජයේ සුරක්ෂිතභාවය. ජන සමාජයේ සිටින පුරවැසියාගේ සුරක්ෂිතභාවය තහවුරු කිරීම. පවතින රජයේ වගකීමක්. බරපතල ප්‍රශ්නයක් මේ ආරක්ෂක ප්‍රශ්නය. මොකක්ද ඔබතුමන්ලා ලබාදෙන විසඳුම? මේක දේශපාලනීකරණය කරන්න නෙවෙයි මම අහන්නේ.

අපි අපේ කොටස ඉෂ්ඨ කරනවා. සමාජය තුල නීතිය සාමය සුරක්ෂා කරමින්. ප්‍රචණ්ඩත්වය තුරන් කරන්නට අපිත් අපේ සහයෝගය දෙනවා.
නමුත් අද ජන සමාජයේ එනවා, ගහනවා, යනවා. පුදුම මිනීමැරුමක්නේ සිද්ද වෙන්නේ.

මේ ප්‍රචණ්ඩත්වයට එරෙහිව මොකක්ද වැඩපිළිවෙල. ඒක බරපතළ ප්‍රශ්නයක්. ඒ නිසා විශේෂයෙන්ම මම නම් බය වෙන්නේ නෑ මේ කාරණාව ගැන කතා කරන්න. මේ ගැන අපි කතාකරන්න ඕනේ. ඒක මේ රටේ පොදු ජනතාව මුහුණ දෙන ප්‍රශ්නයක්. මහජනතාවගේ ආරක්ෂාව තහවුරු වෙන්න ඕනේ. මේ රජයෙන් මම ඉල්ලීමක් කරනවා මහ ජනයාගේ ආරක්ෂාව පිළිබඳව දැවැන්ත වැඩසටහනක් ක්‍රියාත්මක වෙන්න ඕනේ.

මෙහෙම පුළුවන්ද රටකට ඉස්සරහට යන්න. සෘජුවම මේවා බලපානවනේ. සංචාරක ක්ශේත්‍රයට බලපානවා. ආයෝජන ක්ශේත්‍රයට බලපානවා. මේ සමාජයේ නීතියේ ආධිපත්‍ය ක්‍රියාත්මක වීම. එය ශක්තිමත්ව ක්‍රියාත්මක විය යුතුයි.

එනිසා මේ ප්‍රචණ්ඩත්වය බොහොම භයංකාර දෙයක්. මේ ප්‍රචණ්ඩත්වයට එරෙහිව මම විස්වාස කරනවා මේ 225 ම එක තැනක ඉන්නවා.  225 ඉඳලා වැඩක් නෑ. රජයත් තමන්ගේ රාජකාරිය ඉෂ්ඨ කරන්න ඕනෑ. ඒක පිළිබඳව ප්‍රබල විශේෂිත වැඩසටහනක් ක්‍රියාත්මක කරන්න ඕනේ.

කාරුණිකව මම ඉල්ලීමක් කරනවා. මෙහෙම යන්න බෑ රටකට. මේක බොහොම භයංකර තත්ත්වයක්. කරුණාකරලා ඒකට බොහොම තිරසර විසඳුමක් ලබා දෙන්න. අපි අපේ පැත්තෙන්  දෙන්න පුළුවන් උපරිම සහයෝගය ලබා දෙනවා නීතියත් සාමයක් මහජන ආරක්ෂාවත් තහවුරු කරන්න.”

පුවත්

යුනෙස්කෝ අධ්‍යක්ෂවරිය ලංකාවට පැමිණෙයි

Published

on

By

එක්සත් ජාතීන්ගේ, අධ්‍යාපනික, විද්‍යාත්මක සහ සංස්කෘතික සංවිධානයේ අධ්‍යක්ෂ ජනරාල් ඕද්රි අසූලේ මහත්මිය, ශ්‍රී ලංකාවේ සංචාරයක් සදහා අද (16)  අලුයම කටුනායක ගුවන් තොටුපොළෙන් පැමිණියාය.

අධ්‍යක්ෂකවරිය සමග ඇයගේ දූත පිරිස ලෙස තවත් තිදෙනකු ද පැමිණ පැමිණ තිබේ.

ඔවුන් අද (16) අලුයම 02.10 ට දෝහා සිට කටාර් ගුවන් සේවයේ කිව්.ආර්.- 662 දරන ගුවන් යානයෙන් කටුනායක ගුවන් තොටුපොළ විශේෂ අමුත්තන්ගේ මැදිරිය වෙත පැමිණ ඇත.

ඔවුන් පිළිගැනීම සදහා ශ්‍රී ලංකා විදේශ කටයුතු අමාත්‍යාංශයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටි බව වාර්තා වේ.

සබැඳි පුවත්

යුනෙස්කෝ සංවිධානයේ අධ්‍යක්ෂ ජනරාල් ශ්‍රී ලංකාවේ සංචාරයක

Continue Reading

පුවත්

ට්‍රම්ප් රිපබ්ලිකන් පක්ෂයේ ජනාධිපති අපේක්ෂකයා ලෙස නම් කරයි

Published

on

By

 2024 අමෙරිකානු ජනාධිපතිවරණයේ රිපබ්ලිකන් පක්ෂ අපේක්ෂකයා ලෙස හිටපු ජනාධිපති ඩොනල්ඩ් ට්‍රම්ප් නිල වශයෙන් නම් කර තිබේ.

ඒ,  ඊයේ (15) විස්කොන්සි ප්‍රාන්තයේ මිල්වෞකි නගරයේ ආරම්භ වූ රිපබ්ලිකන් පක්ෂ සම්මේලනයේදීය.

පෙන්සිල්වේනියා ප්‍රාන්තයේ පැවති මැතිවරණ රැළියකදී වෙඩි ප්‍රහාරයකට ලක්ව සුළු තුවාල ලැබු හිටපු ජනාධිපතිවරයා සමුළුවට සහාභාගි වීම ජාත්‍යන්තරයේ දැඩි අවධානයට ලක් විය.

දින 04 ක් පුරා මෙම ජාතික සම්මේලනය පැවැත්වීමට නියමිතයි.

මෙහිදී ඩොනල්ඩ් ට්‍රම්ප් 2024 අමෙරිකානු ජනාධිපතිවරණයේ රිපබ්ලිකන් පක්ෂ අපේක්ෂකයා ලෙස නම් කරුණු අතර 39 හැවිරිදි ඔහායෝ සෙනෙට් සභික ජේ ඩී වාන්ස් රිපබ්ලිකන් පක්ෂ උපජනාධිපති ධුරය සඳහා නම් කෙරුණි.

අමෙරිකාව යළිත් විශිෂ්ට රාජ්‍යක් කිරීම වෙනුවෙන් ඔහු සිය උපරිම දායකත්වය ලබාදෙනු ඇතැයි අමෙරිකානු හිටපු ජනාධිපති ඩොනල්ඩ් ට්‍රම්ප් මෙම සම්මේලනයේදී ප්‍රකාශ කර ඇත.

Continue Reading

පුවත්

හොරු අල්ලන බව කී අනුරගේ ෆයිල් 400න් 360ක්ම හිස් බව රනිල් කියයි

Published

on

By

තමන් බලයට පත්වූ පසු රටේ හොරුන් අල්ලන බවට ප්‍රකාශ කරමින් ජාතික ජන බලවේගයේ නායක අනුර කුමාර දිසානායක මහතා විසින් ලිපි ගොනු පෙන්වා සිදුකර ඇත්තේ රංගනයක් බවත් එම ලිපි ගොනු බොහෝ ප්‍රමාණයක් හිස් ඒවා බවත් ජනාධිපති රනිල් වික්‍රමසිංහ මහතා කියයි.

නීතීඥවරු පිරිසක් සමග ජනාධිපති ලේකම් කාර්යාලයේ පැවැති හමුවකදියි ජනාධිපතිවරයා මේ බව කියා ඇතැයි වාර්තා වේ.

අනුර කුමාර ෆයිල් 400ක් පෙන්වා හොරු අල්ලන බව කී නමුත් එම ෆයිල් 400න් 40කට නඩු පැවරූ බවත් ඉතුරු ලිපි ගොනු 360ක් හිස් බවයි ජනාධිපතිවරයා එහිදී පවසා ඇත්තේ.

ජනාධිපතිවරයා එහිදි අදහස් දක්වමින් අනුර කුමාරට ලිපි ගොනු 400ක් පෙන්වීමට වඩා කළ යුතු වන්නේ ලිපිගොනු 40ක් පෙන්වීම බව පවසා තිබේ.

තමන් දූෂණ විරෝධි පනත ක්‍රියාත්මක කිරීමට සූදානම් බවත් පනත ක්‍රියාත්මක කිරීමට යාන්ත්‍රණයක් තමන් යෝජනා කරන බවත්, ජනාධිපතිවරයා වැඩිදුරටත් අදහස් දක්වමින් එහිදී කියා ඇත.

මූලාශ්‍රය – මොනරා

Continue Reading

Trending

Copyright © 2023 Sri Lanka Mirror. All Rights Reserved