ඡන්ද ගණන් කිරීම අතරතුර මනාප ගණන් කිරීමේ අවස්ථාවක් එළඹුණහොත් ප්‍රචණ්ඩ ක්‍රියා ඇතිවීමේ වාතාවරණයක් තිබෙන බවට බොරු ප්‍රචාරයක් සමාජය තුළ හුවමාරු වන බව හිටපු මැතිවරණ කොමසාරිස් මහින්ද දේශප්‍රිය මහතා පවසයි.

මෙම ප්‍රචාරය එක්තරා ප්‍රසිද්ධ දේශපාලනඥයෙක් සහ සහයක දේශපාලනඥයින් දෙදෙනෙක් විසින් සිදු කරන ලද කතාවක් ඔස්සේ සමජාගත කර ඇති බවත් ඇතැම් මාධ්‍යවේදීන්ද මෙවැනි ප්‍රචාර පතුරුවීමට මුල් වී ඇති බවත් මහින්ද දේශප්‍රිය මහතා මෙහිදී සඳහන් කලේය.

ඔහු තවදුරටත් පවසා සිටියේ එවැනි ක්‍රියා සිදු නොවන ආකාරයට කටයුතු කිරීමට පොලිස් දෙපාර්තුමේන්තුව සමත් වනු ඇති බවය.

පොලීසිය ඒ සඳහා මනා ලෙස සූදානම්ව ඇති බවත් ජ්‍යේෂ්ඨ නියෝජ්‍ය පොලිස්පතිවරු තිදෙනෙක්, මැතිවරණ කටයුතු භාර නියෝජ්‍ය පොලිස්පති, පරිපාලන කටයුතු භාර නියෝජ්‍ය පොලිස්පති, විශේෂ කාර්‍ය භාර නියෝජ්‍ය පොලිස්පති, සෙසු පොලිස්පතිවරු ඇතුළු සෑම නිලධාරියෙකුගේ සිටම ආධුනික පොලිස් කොස්තාපල්වරු දක්වා ඡන්දය නිසි ආකාරව පැවැත්වීමේ වගකීම මැනවින් ඉටු කරනු ඇති බවත්, මහින්ද දේශප්‍රිය මහතා මෙහිදී සඳහන් කර සිටියේය.

පොලීසිය ඡන්ද පෙට්ටිය සලකන්නේ පූජා භාණ්ඩයක් ලෙස බවත්  පොලීසිය එය උතුම් රාජකාරියක් ලෙස සලක බවත් ඒ අනුව, කිසිදු අයථා සිදුවීමක් සඳහා පොලීසිය කටයුතු නොකරන බවත් මහින්ද දේශප්‍රිය මහතා තවදුරටත් අවධාරණය කලේය.

එමෙන්ම, ඡන්ද පෙට්ටි මාරු කළ හැකි බවට මිත්‍යා ප්‍රචාර පතුරුවන පිරිස් ප්‍රතිකාර ගත යුතු බවත් ඡන්ද ගණන් කිරීමේ ක්‍රියාවලිය සහ ප්‍රතිඵල නිකුත් කිරීමේ ක්‍රියාවලිය තුළ ක්‍රියා කිසිසේත්ම සිදු නොවන බවත් ඔහු මෙහිදී පවසා සිටියේය.  

SL-Vlogs’ යූ ටියුබ් නාලිකාවේ හිමිකරු වන බෲනෝ දිවාකර අපරාධ පරීක්ෂණ දෙපාර්තමේන්තුවට එරෙහිව නීතිමය පියවර ගැනීමට කටයුතු කර තිබේ.

2023 වසරේදී සිවිල් සහ දේශපාලන අයිතිවාසිකම් පිළිබඳ ජාත්‍යන්තර සම්මුති (ICCPR) පනත යටතේ තමාව අත්අඩංගුවට ගැනීමට එරෙහිව රුපියල් මිලියන 50 ක වන්දියක් ඉල්ලා ඔහු මෙම නඩුව පවර ඇති බව වාර්තා වේ.

මෙම නඩුව සඳහා නීතීඥ තමිලා පෙරේරා මහත්මියගේ උපදෙස් මත ඩිලාන් නාලක සමඟ තිෂ්‍ය වේරගොඩ යන නීතීඥවරුන් බෲනෝ දිවාකර වෙනුවෙන් පෙනී සිටීමට නියමිතය.

නතාශා එදිරිසුරිය නමැති ප්‍රහසන ශිල්පිනයක්, ප්‍රහසන වැඩසටහනකදී සිදු කළ ප්‍රකාශයකින් බුදු දහමට අපහාස වී ඇති බවට චෝදනා කරමින් එය විකාශය කිරීම  මුල් කරගනිමින්, බෲනෝ දිවාකර සහ නතාෂා එදිරිසූරිය පසුගිය වසරේ මැයි මාසයේදී අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබුවේය.

කෙසේවෙතත්, ඔවුන් දෙදෙනාට එරෙහි සියලු චෝදනා ඉවත් කළ බවට නීතිපතිවරයා අධිකරණයට දැන්වීමෙන් පසුව බෲනෝ දිවාකර සහ නතාෂා එදිරිසූරිය 2024 ජුනි මාසයේදී බුදුදහම පිළිබඳ ආන්දෝලනාත්මක ප්‍රකාශ කළ බවට චෝදනා එල්ල වූ නඩුවෙන් නිදහස් විය.

හිටපු සෞඛ්‍ය අමාත්‍යය කෙහෙළිය රඹුක්වැල්ල මහතාගේ පුත් රමිත් රඹුක්වැල්ල මහතාට අයත් සුඛෝපභෝගී නිවාස දෙකක් පරිහරණය කිරීම තහනම් කරමින් කොළඹ මහාධිකරණය අද (19) නියෝගයක් නිකුත් කර තිබේ.

අල්ලස් කොමිසම විසින් කළ ඉල්ලීමක් සලකා බැලූ කොළඹ මහාධිකරණ විනිසුරු මංජුල තිලකරත්න මහතා විසින් මෙම නියෝගය නිකුත් කර ඇත.

අල්ලස් කොමිසම අධිකරණයට දැනුම් දී තිබුණේ රමිත් රඹුක්වැල්ල මහතා විසින් කොල්ලුපිටිය ප්‍රදේශයේ පිහිටි සුඛෝපභෝගී නිවාස සංකීර්ණයක නිවාස දෙකක් රුපියල් මිලියන 80ක් සහ රුපියල් මිලියන 65 බැගින් මිලදී ගෙන තිබෙන බවය.

මේ සම්බන්ධයෙන් විමර්ශනයක් සිදුකරන බවත් ඊට අදාළව එම දේපොළ තහනම් කිරීමේ නියෝගයක් නිකුත් කරන ලෙසත් එම කොමිසම අද අධිකරණයෙන් ඉල්ලා සිටියේය.

එම ඉල්ලීම සලකා බැලූ මහාධිකරණ විනිසුරුවරයා අදාළ දේපොළ ලබන දෙසැම්බර් මස 19 වනදා දක්වා පරිහරණය කිරීම තහනම් කරමින් නියෝගයක් නිකුත් කළේය.